KASA 22:14 - Jinghpaw Common Language Bible 2009

¹⁴ Bai shi gaw, ‘Anhte a ji wa ni a Karai Kasang gaw, nang hpe shi myit ra ai lam chye shangun na matu mung, shi a ding hpring ai Madu hpe mu lu na matu hte shi a nsen hte nan shaga ai hpe na lu n ga, nang hpe lata san nit dai.

Jinghpaw Hanson Version Bible

¹⁴ Bai shi gaw, ‘Anhte a ji wa ni a Karai Kasang gaw, nang hpe shi a myit mang ai lam shachye u ga, nga nna mung, Dingman ai Madu hpe mu lu na hte shi a n-gup na mungga na la lu u ga, nga nna mung, nang hpe san da nit dai.

KASA 22:14 ပူးပေါင်းရင်းမြစ်များ

2 HKAWHKAM 21:22

Shi gaw dai Madu shi a kaji kawa ni a Karai Kasang hpe ningdang kau nhtawm dai Madu a hkang da ai ga ni hpe n madat n mara nga ai.

1 HKAWHKAM LABAU 12:17

Dawi gaw shanhte hpe sa hkrum na nga pru sa wa let, “Manang zawn ngai hpe karum la na matu nanhte sa wa myit dai rai yang, nanhte hpe ndai yang e hkalum la nga nngai, anhte hte matut mat ga. Rai ti mung ngai nanhte hpe machyi n jahkrum ti mung nanhte ngai hpe nye a gumlau hpyen ni a lata de ap kau na yaw shada myit dai rai yang, anhte a kaji kawa ni a Karai Kasang gaw dai lam hpe chye ya ai hte nanhte hpe ari jaw na ra ai,” ngu nna tsun wu ai.

1 HKAWHKAM LABAU 29:18

Anhte a kaji kawa Abraham, Isak hte Yaku ni a Madu Karai Kasang e, na a amyu masha ni hta dai zawn ap nawng chye ai myit hpe htani htana n-gun shaja ya nna nang hta shanhte tut nawng sadi sahka dung nga shangun u law.

2 HKAWHKAM LABAU 28:25

Shi gaw maigan karai ni hpe manam pyaw ai baw nat nawng na matu Yuda mung na mare kahtawng shagu hta tara maigan ni a nawku shara ni hpe gap da wu ai. Ndai lam hku nna dai Madu shi a kaji kawa ni a Karai Kasang a pawt sindawng ai gaw shi hkum nan hta du wa shangun nga ai.

2 HKAWHKAM LABAU 30:19

“O Madu, anhte a kaji kawa ni a Karai Kasang e, htung hte maren shanhte n san n seng shajang nga ma ti mung, myit masin mahkra hte nang hpe nawku nga ai ni a mara hpe na a mai kaja ai myit hte mara dat ya u law.”

EZRA 7:27

Ezra gaw, “Dai Madu anhte a kaji kawa ni a Karai Kasang hpe shakawn mu! Shi gaw Yerusalem na dai Madu a Nawku Htingnu hpe ndai hku nna shagrau sha-a na matu hkawseng wa hpe myit lawm shangun nu ai.

PRU MAT 15:2

Dai Madu gaw n-gun hte hpring ai nye a dahpran shara rai nga ai; shi gaw ngai hpe hkye hkrang la ai wa rai nga ai. Shi gaw nye a Karai Kasang rai nga ai, ngai shi hpe shakawn na nngai, nye wa a Karai Kasang rai nga ai majaw, shi a galu kaba ai lam hpe ngai mahkawn mangoi nga na nngai.

YEREMIA 1:5

“Ngai gaw nang hpe asak garai n jaw ai kaw nna lata la ni ai, ngai gaw nang garai n shangai aten kaw nna pyi masha amyu baw ni a matu myihtoi tai na lata la ni ai,” ngu nna tsun wu ai.

Daniela 2:23

Nye a kaji kawa ni a Karai Kasang e, ngai nang hpe shakawn kungdawn ai hte shagrau sha-a nngai. Nang gaw ngai hpe hpaji byeng-ya hte n-gun jaw ya nga nit dai; nang gaw nye a akyu hpyi ga hpe htan ya nga nit dai hte hkawhkam wa hpe kaning ngu tsun na mung anhte hpe madun dan nga nit dai.”

YAWHAN 15:16

Nanhte ngai hpe lata la myit dai n rai, nanhte pru sa nna asi law law si na hte dai asi grin nga u ga ngu nna, ngai mahtang she nanhte hpe lata la nna san da made ai. Dai rai nna nye a mying hte nanhte Wa kaw hpyi mahpyi nanhte hpe jaw na marin dai.

KASA 13:17

Israela amyu masha ni a Karai Kasang gaw anhte a ji wa ni hpe shanhte Egutu mung e maigan masha hku nna sa nga nga ai ten hta lata la nna amyu kaba shatai manu ai. Karai Kasang gaw shi a n-gun atsam kaba hte shanhte hpe Egutu mung na shapraw woi wa nna,

KASA 22:15

Hpa majaw nga yang, nang gaw nang mu lu, na lu ai lam ni hpe masha yawng a man e tsun shana ya na matu dai Madu a sakse hkam ya ai wa nang tai na rin dai.

KASA 22:18

Dai shingran hta Madu dan pru nna, ‘Nang n hkring nga ai sha Yerusalem mare na alawan pru wa u, hpa majaw nga yang ndai mare masha ni gaw, nye a lam nang sakse hkam ai ga ni hpe hkap la na ma ai n rai,’ nga nna ngai hpe tsun ai ngai mu nngai.

KASA 24:14

Rai ti mung shanhte shut ai ngu ai lam masa hte maren ngai gaw anhte a ji wa ni a Karai Kasang hpe nawku nngai hpe chyawm gaw na man e yin la nngai. Shing rai ti mung Mawshe a jep ai Tara laika hte myihtoi ni a laika hta ka da ai hku yawng mayawng hpe mung ngai kam sham nngai.

KASA 26:16

Rai ti mung ya rawt nna jan rai tsap u, Nang hpe nye a shangun ma tai u ga san da na matu nang kaw ngai dan pru ring ngai, nang gaw, dai ni nang ngai hpe mu mada lu sai lam hte, hpang de ngai nang hpe naw madun dan na ra de ai lam ni hpe masha kaga ni e sakse hkam dan na rai ndai.

KASA 5:30

Anhte a ji wa ni a Karai Kasang gaw nanhte wudang hta jen sat kau ai Yesu hpe jahkrung sharawt da nu ai.

KASA 7:52

Nanhte a nji nwa ni n zingri yu ai myihtoi kadai wa nga a ta? Shanhte gaw Karai Kasang a ding hpring nga ai shangun ma du sa na ra ai lam tau hkrau nna htawn tsun ai myihtoi ni hpe sat kau ma ai; ya nanhte mung dai wa hpe ap kau sat kau ai ni rai nga myit dai.

KASA 9:15

Rai ti mung Madu gaw, “She sa su, dai wa gaw maigan ni hte Hkawhkam ni a man e mung, Israela amyu masha ni a man e mung, nye a mying hpe hkaw tsun shana ya ai amu gun hpai na matu ngai lata la ai wa rai nga ai.

KASA 9:17

Dai majaw Anani sa nna Shawlu nga ai nta de shang nhtawm Shawlu a ntsa e lata mara let, “Hpu nau Shawlu e, nang myi bai mu lu nna Chyoi pra ai Wenyi hpring lit ga nga, nang sa wa ai lam e nang hpe shadan dan ai Yesu nan, ngai hpe shangun dat ni ai,” ngu wu ai.

ROMA 1:1

Karai Kasang a Kabu Gara Shiga hkaw tsun na matu kasa hku nna Karai Kasang e lata san da hkrum ai Hkristu Yesu a shangun ma wa ngai Pawlu gaw Laika ka dat nngai.

1 KORINHTU 11:23

Hpa majaw nga yang, ya ngai nanhte hpe shalai ap ya ai sharin shaga ai lam gaw dai Madu kaw na ngai hkam la se ai: dai gaw, hpyen ni a lata de ap kau hkrum na shana e, Madu Yesu gaw muk hpe la nna,

1 KORINHTU 15:3

Hpa majaw nga yang, ngai hkam la sai ahkyak dik ai lam ni hpe, ngai nanhte hpe ap ya made ai. Dai gaw, Chyum Laika ni hta ka da nga ai hte maren, Hkristu gaw anhte a yubak mara a matu si hkam sai lam,

1 KORINHTU 15:8

Hpang jahtum e, ngai nhtoi n-gu ai shangai wa ai ma zawn re ai wa kaw mung, shi shadan dan ni ai.

1 KORINHTU 9:1

Ngai gaw shanglawt lu ai wa langai mi n rai nga a ni? Kasa langai mi mung rai nga nngai n rai ni? Anhte a Madu Yesu hpe mu yu ni ai n rai ni? Nanhte mung, ngai Madu a matu gun hpai ai magam bungli kaw na pru wa ai apu asi ni n rai nga myit ni?

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

GALATI 1:12

Hpa majaw nga yang, masha kadai kaw na mung ngai dai Kabu Gara Shiga hpe hkam la nngai n rai; Yesu Hkristu shi nan shingran ga hku nna ngai hpe shadan dan ni ai.

GALATI 1:15

Rai ti mung nye nu a hkritung nna ngai garai n shangai yang Karai Kasang gaw shi a chyeju hte ngai hpe lata la nna shi hpe daw jau na matu shaga la ni ai.

2 TIMOHTI 1:1

Karai Kasang a myit ra ai hku hte, maren Hkristu Yesu a kasa tai nna Hkristu Yesu hte langai sha tai nga ai a marang e anhte lu la na ga ndat hte seng ai asak a lam shana shabra na matu shangun dat hkrum ai ngai Pawlu gaw, nye a tsaw ra ai ngai sha Timohti hpe ga shana dat nngai.

TITU 1:1

Karai Kasang a shangun ma hte Yesu Hkristu a kasa wa rai nga ai ngai Pawlu gaw laika ka dat nngai. Karai Kasang gaw shi lata la ai masha ni a makam masham hpe bau maka sharawt ya na matu mung, anhte a nawku htung a sharin ya ai tengman ai lam hpe mu lu chye lu hkra lam madun na matu mung, ngai hpe lata la nna shangun dat ni ai.

1 PETRU 2:22

Shi gaw yubak mara galaw yu ai n rai, shi a nten kaw na hkalem ai ga hkaw mi kadai na yu ai n rai.

1 YAWHAN 2:1

Ngai shu ngai sha ni e, nanhte yubak n galaw myit ga, ndai laika hpe nanhte hpang de ngai ka dat nngai, rai ti mung masha langai ngai yubak galaw hkrup a yang gaw, dai Kawa a man e anhte a matu hpyi nem tawngban ya ai wa, Yesu Hkristu ngu ai ding hpring ai Madu anhte lu ga ai.