KASA 21:8 - Jinghpaw Common Language Bible 2009

⁸ Hpang shani e anhte bai pru nna Kesare mare de du ga ai. Anhte gaw Kabu Gara Shiga hkaw tsun ai Hpilip a nta hta manam ga ai. Hpilip gaw Yerusalem mare kaw karum na matu hpung kaw nna lata san da ai marai sanit hta na langai mi rai nga ai.

Jinghpaw Hanson Version Bible

⁸ Hpang shani e anhte bai pru nna, Kesare mare de du ga ai; shing rai sara sanit hta na, kabu gara shiga hkaw tsun ai wa Hpilip a nta e, anhte shang manam nga ga ai.

KASA 21:8 ပူးပေါင်းရင်းမြစ်များ

KASA 10:1

Kesare mare e, Korneli ngu ai wa langai mi nga ai. Shi gaw Itali dap ngu ai Roma lagaw dap hta hpyen latsa rawng ai dap kung langai mi a du wa rai nga ai.

KASA 16:10

Pawlu dai shingran mu ai shaloi jang, Makedoni mung de rap sa wa na matu anhte hkyen lajang shajin ga ai, hpa majaw nga yang, Makedoni mung masha ni hpe dai Kabu Gara Shiga hkaw tsun dan na matu Karai Kasang anhte hpe shaga ai rai sai, ngu nna kam sham ai myit hte daw dan ai majaw rai nga ai.

KASA 16:13

Bansa Nhtoi hta mare shinggan de anhte pru sa nna Yuda ni akyu hpyi ai shara langai ngai nga na zawn nawn nna hka kau de sa du ga ai. Dai yang e dung let zuphpawng nga ai numsha ni hpe hkaw tsun dan ga ai.

KASA 16:16

Lani mi hta anhte gaw akyu hpyi ai shara de sa wa nga yang, gumhpan lu ai nat shung nga ai mayam num langai mi hte hkrum ga ai. Shi gaw dai zawn gumhpan hpan ai hte shi a madu ni hpe gumhpraw grai lu shangun ai wa rai nga ai.

KASA 18:22

Ya Kesare mare de du jang, Yerusalem mare de lung wa nna, dai hpung hpe wa jahkrum nhtawm Antioki mare de bai yu wa wu ai.

KASA 20:13

Anhte mahtang li de shawng sa nna Asu mare de rawt sa wa ga ai. Dai mare hta she Pawlu hpe hkap shajawn la na myit nna sa wa ga ai. Pawlu gaw dai mare de hkarang lam hku sa wa na myit nna anhte hpe dai hku galaw na hkang da mi ai.

KASA 20:6

Anhte mung Azuma poi ngu ai matsi n rawng ai Muk sha ai poi lai ai hpang Hpilipi mare kaw nna li jawn nhtawm rawt sa wa ai, manga ya na ai hpang, Troa mare hta hkan dep nna dai kaw nhtoi sanit ya hkring nga ga ai.

KASA 21:16

Kesare na sape nkau mi mung, anhte hte rau sa ma ai rai nna, anhte sa manam na rai nga ai, Kupru zunlawng masha Manason ngu ai shawng shawng kaw nna kam sham nga sai sape langai mi a nta kaw sa sa bang da mi ai.

KASA 23:23

Bai hpyen du kaba wa gaw hpyen du lahkawng shaga la nna, “Kesare mare de sa wa na matu hpyen ma ni tsa, gumra jawn ai sanit shi, ri lang ai ni tsa hte hpe dai na hkying jahku hta rawt sa wa lu hkra shajin tawn mu,” ngu wu ai.

KASA 27:1

Hpestu gaw anhte hpe Itali mung de sa dat na myit daw dan ngut jang, Pawlu hte kaga bawng nkau mi hpe Hkawseng wa a hpyen ma latsa rawng ai dap up ai Yuli ngu ai du wa a lata hta ap dat mi ai.

KASA 28:11

Shata masum lai jang dai zunlawng e n shung ta shalai nna nga nga ai, Alexandru mare na (Hpara marun yan nau) ngu nna shamying ai sanghpaw li hta anhte shang nna jawn pru mat wa ga ai.

KASA 28:16

Ya anhte Roma mare de du jang, Pawlu gaw shi hpe sin ai hpyen ma ni hte rau kaga hkrai rai nga na, ahkang lu la wu ai.

KASA 6:5

Shing nga hpaji jaw ai ga dai hpe hpung ting na ni na ra ma ai rai nna, makam masham hpring tsup ai hte Chyoi Pra ai Wenyi hpring ai Stehpan ngu ai wa hte Hpilip, Prokoru, Nikanora, Timun, Parmena hte Antioki mare na Proselutu hpung na Nikola hte hpe lata la ma ai.

KASA 9:30

Dai lam kam sham ai hpu nau ni chye jang shi hpe Kesare de sa dat nna Tarshu de shangun dat mu ai.

EHPESU 4:11

Shinggyim masha ni hpe chyeju kumhpa ni hpe jaw ya ai Madu mung shi nan rai nga ai. Shi gaw nkau mi hpe kasa, nkau mi hpe myihtoi, nkau mi hpe Kabu Gara Shiga hkaw hkawm ai ni, nkau mi hpe hpung up ni hte sara ni di nna san da shajang mu ai.

2 TIMOHTI 4:5

Nang chyawm gaw hpa baw mabyin masa lam ni hkrum katut wa ti mung na a hkum hpe hkang tawn nna nni nkri hpe hkam sharang u. Dai Kabu Gara Shiga hkaw tsun ai sara amu hpe gun hpai nna, Karai Kasang a shangun ma langai mi hku na a lit nga manga hpe kup tsup hkra gun hpai nga u.