KASA 21:5 - Jinghpaw Common Language Bible 2009

⁵ Nhtoi sanit ya lai jang, anhte bai pru wa ga ai. Shanhte mung madu jan kasha ni hte rau mare shinggan du hkra hkan sa dat ma ai rai nna, hka kau e hput di let, akyu hpyi ga ai.

Jinghpaw Hanson Version Bible

⁵ Sanit ya nhtoi lai jang, anhte bai pru wa ga ai; shanhte mung, madu jan kasha ni hte rau, mare shinggan du hkra hkan sa dat ma ai rai nna, hka kau e hput di let, akyu hpyi ga ai: shing rai shada da shakram ngut jang,

KASA 21:5 ပူးပေါင်းရင်းမြစ်များ

1 HKAWHKAM 8:54

Shawlumon gaw dai Madu hpe akyu hpyi ngut jang, tawn hkungri man e lahput hput di ai kaw na lata ladawn let rawt tsap wu ai.

2 HKAWHKAM LABAU 20:13

Yuda masha ni yawng gaw shanhte a madu jan ni hte kashu kasha ni hte rau dai yang na Nawku Htingnu hta e tsap nga ma ai.

NEHEMIA 12:43

Dai shani e, shagu hkungga law law nawng ya ma ai rai nna Karai Kasang gaw shanhte hpe kabu shangun wu ai majaw, amyu masha ni hta kabu gara ai myit hpring nga ai. Numsha ni hte ma kaji ni mung dai poi hta shang lawm nga ma ai rai nna shanhte jahtau ai nsen hpe tsan tsan kaw nna na lu nga ai.

SHAKAWN KUNGDAWN 95:6

Sa marit, anhte shi hpe dingnyawm ai hte nawku daw jau ga; anhte a Madu Hpan Wa Ningsang Wa a man e, lahput hput di ga.

MAHTE 14:21

Dai sha ai ni chyawm gaw numsha ni hte ma kaji hpe n hti shalawm yang, lasha hkrai, hkying manga daram rai nga ma ai.

MARKU 1:40

Manggang kap ai masha langai mi Yesu kaw sa nna, lahput hput di let, “Madu e, nang hkraw n yang gaw, ngai hpe shamai shatsai ya lu na rai nga ndai,” ngu nna shi hpe hpyi nem wu ai.

LUKA 22:41

Dai hpang shi gaw, sape ni nga ai kaw nna nlung kabai hkap daram gang hkra sa nhtawm, lahput hput di let,

KASA 15:3

Shing rai hpung masha ni gaw, shanhte hpe mare shinggan de du hkra sa sa dat ma ai. Dai shangun dat hkrum ai kasa ni gaw Hponisha mung hte Samari mung hku ga lai sa wa let, maigan masha ni gara hku myit malai lu nna Karai Kasang hpang de kayin wa ma ai lam hkai dan ma ai. Dai shiga hpe na ai shaloi kam sham ai ni yawng hpe grai kabu shangun mu ai.

KASA 17:10

Shana ahkying du ai shaloi jang, kam sham ai hpu nau ni gaw Pawlu yan Sila hpe Beria mare de shangun kau dat mu ai. Dai de du yang, shan gaw Yuda Tara jawng hta shang bang wa ma ai.

KASA 20:36

Shing nga tsun ngut jang, shi lahput hput di nna shanhte mahkra hte rau akyu hpyi nga ai.

KASA 20:38

Hpang de shi a myi man bai n mu lu na sai ngu ai ga majaw shanhte grau yawn ma ai shing rai li du hkra shi hpe hkan sa dat ma ai.

KASA 9:40

Petru chyawm gaw shanhte yawng hpe gawk kaw nna shapraw kau nhtawm hput di let kyu hpyi nga ai. Dai hpang dai mang maga de kayin nna, “Tabihta e rawt u!,” ngu wu ai. Tabihta mung myi hpaw nna Petru hpe mu jang, rawt dung nga ai.

YAWSHU 24:15

Nanhte shi hpe daw jau na n ra sharawng myit yang chyawm gaw Mesopotamia mung e nanhte a nji nwa ni nawku ai hpara ni, shing n rai ya nanhte nga nga ai mung na Amori hpara ni hta gara hpe mahtang jaw jau na gaw, dai ni jang daw dan la mu. Ngai hte nye a nta masha ni chyawm gaw dai Madu hpe nawku daw jau na ga ai law,” ngu nna tsun wu ai.

YAWSHU 8:35

Yawshu mung Mawshe hkang da mada hpe shawa hpung ting hte shanhte hta na numsha ni hte ma kaji ni, shanhte hta hkan nang ai maigan masha ni yawng a man e hti dan wu ai.