KASA 21:3 - Jinghpaw Common Language Bible 2009

³ Ya Kupru zunlawng mu mada jang, de a hkra maga hku lai mat wa nhtawm Suri mung de anhte jawn sa wa nna hpaga rai jahkrat na matu Turu mare hta hkring ga ai.

Jinghpaw Hanson Version Bible

³ Ya Kupru zunlawng mu mada jang, de a hkra maga hku lai mat wa nhtawm, Suri mung de anhte jawn sa wa nna, hpaga rai jahkrat na matu, Turu mare hta sek ga ai.

KASA 21:3 ပူးပေါင်းရင်းမြစ်များ

2 SAMUELA 8:6

Dai hpang shi gaw shanhte a lamu ga hta hpyen dap tawn da wu ai rai nna shanhte mung shi a up hkang ai npu hta taw ai hte shi hpe ahkun hkanse bang ya ma ai. Dai Madu mung Dawi hkawm sa ai shara shagu hkan awng dang shangun nga ai.

SHAKAWN KUNGDAWN 45:12

Turu amyu masha ni nang hpe kumhpaw kumhpa sa jaw na mara ai; sut su ai ni mung na a myi man tam wa na mara ai.

SHAKAWN KUNGDAWN 87:4

“Nye a ga hpe madat mara ai mungdan ni a jahpan hpe hta ai shaloi, Egutu mung hte Babelon yan hpe ngai shalawm la na ring ngai; Hpilisti, Turu hte Sudan amyu masha ni hpe, Yerusalem mare masha jahpan hta ngai sawn bang ya na nngai.”

ESAIA 7:2

Suri hpyen luksuk ni gaw Israela a lamu ga hta nga nga masai shiga Yuda hkawhkam kaw du ai shaloi, shi hte shi a amyu masha ni yawng grai hkrit kajawng nga ma ai, shanhte gaw nbung ahpawt hkrum nna ashun nga ai hpun ni zawn hkrit gari nga ma ai.

MAHTE 11:21

“O, Kurazin e, nang dingnye lu ndai! O, Betsaida e, nang dingnye lu ndai! Hpa majaw nga yang, nan hta dan ai mauhpa magam bungli ni hpe Turu hte Sidon mare yan hta dan yu taw gaw moi moi me lachyit nba hpun, dap hta galwi rai nna myit malai lu boi na masai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

LUKA 10:13

“Kurazin e, na a matu gade hkrithpa kaba rai na rai nga a hka! Betsaida e, na a matu gade hkrithpa kaba rai na rai nga a hka! Nan hta dan ai lamik kumla ni hpe Turu hte Sidon mare hta lama dan yu taw gaw, dai kaw na masha ni gaw, moi moi me lachyit nba hpun ai hte shanhte a ntsa e dap hte bun la rai nna myit malai lu boi na masai.

LUKA 2:2

Dai jahpan hta la ai aten gaw Kureni (Quirinius) ngu ai wa Suri mung hta munggyi tai nga yang, shawng hta la ai jahpan rai nga ai.

KASA 11:19

Ya Stehpan hpe sat kau ai kaw nna hpang wa ai zingri zingrat lam a majaw bra mat wa ai kam sham ai ni gaw, Hponisha, Kupru hte Antioki mare du hkra len hkawm nna Yuda ni hpe hkrai sha dai mungga hkaw dan ma ai.

KASA 12:20

Herod gaw Turu hte Sidon masha ni hpe grai pawt bu da wu ai. Dai rai nna dai mare masha ni gaw myit hkrum ai masha wuhpung langai mi hku nna shi kaw shang sa ma ai. Shawng nnan Blastu ngu ai Hkawhkam htingnu ting hpe up ai wa hpe chye na shangun nhtawm, shi a karum ai hte Herod kaw simsa na lam hpyi htinglu ma ai; hpa majaw nga yang, shanhte a mung gaw Hkawhkam a mung na malu masha lu la nga ai.

KASA 13:4

Shing rai, Chyoi Pra ai Wenyi e shan hpe shangun dat mu ai hte maren shan gaw Seluki de du yu wa nna dai yang na li jawn nhtawm Kupru de du ma ai.

KASA 15:23

shan a lata hku laika langai mi ka ya dat mu ai. Dai laika hta: “Nanhte a hpu nau ni rai nga ai anhte kasa ni hte salang ni gaw, Antioki mare hte Suri mung, Kiliki mung hkan e nga ai maigan amyu Hkristan hpu nau ni hpang de ngwi pyaw ai ga shana shakram dat ga ai.

KASA 15:39

Dai nhkan e ga lai nna, langai hte langai hka mat ma ai. Barnaba gaw Marku hpe woi nna Kupru zunlawng de li hte sa wa ai.

KASA 15:41

Shing rai Pawlu gaw, Suri mung Kiliki mung hku ga sa wa nna hpung ni hpe shadaw shangang wu ai.

KASA 18:18

Pawlu gaw Korinhtu mare hta nhtoi tsawmra wa na hkra nga nga ai. Dai hpang kam sham ai ni hpe shakram da nna Priskila yan Akula hte rau li jawn let Suri mung de sa wa ma ai. Karai Kasang kaw ga shaka tawn da ai lam nga ai majaw, Kanhkeria mare kaw na hkali hte garai n pru yang shi a baw doi kau wu ai.

KASA 21:16

Kesare na sape nkau mi mung, anhte hte rau sa ma ai rai nna, anhte sa manam na rai nga ai, Kupru zunlawng masha Manason ngu ai shawng shawng kaw nna kam sham nga sai sape langai mi a nta kaw sa sa bang da mi ai.

KASA 21:2

Dai kaw Hponisha mung de rap sa wa ai li langai mi hpe mu hkrup nna dai hta jawn sa wa ga ai.

KASA 21:7

Turu mare kaw nna bai matut sa wa ga yang, anhte gaw Toleme mare de du ga ai. Dai yang na kam sham ai ni hte hkrum shachyen shaga nna shanhte hte lani mi rau nga ga ai.

KASA 27:4

Anhte dai kaw na pru jang, nbung n sun ai majaw Kupru zunlawng hpe shinggrup nna garet sa wa ga ai.

KASA 4:36

Dai shaloi Kupru mung na Lewi masha Yosep ngu ai wa nga ai. Shi hpe kasa ni e Barnaba ngu nna mying hkawt shamying mu ai. (De a lachyum gaw shalan shabran n-gun jaw ai wa ngu ai re)

TARA AGYI 10:6

Israela masha ni gaw Bala hpara hte Ashtarot hpara hpe mung, Suri hpara ni, Sidon hpara ni, Moba hpara ni, Amon hpara ni hte Hpilisti masha ni a hpara ni hpe nawku let dai Madu hpe lang mi bai yubak galaw shut kau manu ai. Shanhte gaw dai Madu hpe kau da nhtawm shi hpe nawku ai lam jahkring kau ma ai.