KASA 21:2 - Jinghpaw Common Language Bible 2009

² Dai kaw Hponisha mung de rap sa wa ai li langai mi hpe mu hkrup nna dai hta jawn sa wa ga ai.

Jinghpaw Hanson Version Bible

² Hpinisi mung de rap wa ai li mu nna, dai hta jawn sa wa ga ai.

KASA 21:2 ပူးပေါင်းရင်းမြစ်များ

YONA 1:3

Yona gaw gara hku mi rai tim, dai Madu a man kaw na hprawng mat wa lu na matu kaga shara de sa mat wa wu ai. Shi gaw Yopa de sa wa nna dai shara e Spain mung de sa wa hkyen ai sanghpaw li langai sa mu wu ai. Shi gaw Karai Kasang a man kaw na hprawng mat wa na nga li jahpu jaw nna Spain mung de sa mat wa na matu sanghpaw masha ni hte rau sanghpaw li ntsa de shang mat wa wu ai.

KASA 11:19

Ya Stehpan hpe sat kau ai kaw nna hpang wa ai zingri zingrat lam a majaw bra mat wa ai kam sham ai ni gaw, Hponisha, Kupru hte Antioki mare du hkra len hkawm nna Yuda ni hpe hkrai sha dai mungga hkaw dan ma ai.

KASA 15:3

Shing rai hpung masha ni gaw, shanhte hpe mare shinggan de du hkra sa sa dat ma ai. Dai shangun dat hkrum ai kasa ni gaw Hponisha mung hte Samari mung hku ga lai sa wa let, maigan masha ni gara hku myit malai lu nna Karai Kasang hpang de kayin wa ma ai lam hkai dan ma ai. Dai shiga hpe na ai shaloi kam sham ai ni yawng hpe grai kabu shangun mu ai.

KASA 21:3

Ya Kupru zunlawng mu mada jang, de a hkra maga hku lai mat wa nhtawm Suri mung de anhte jawn sa wa nna hpaga rai jahkrat na matu Turu mare hta hkring ga ai.

KASA 27:6

Dai shara e hpyen du wa gaw, Itali mung de rap sa wa hkyen nga ai Alexandru mare na sanghpaw li mu hkrup nna, dai hta e anhte hpe shashawn mi ai.