KASA 21:16 - Jinghpaw Common Language Bible 2009

¹⁶ Kesare na sape nkau mi mung, anhte hte rau sa ma ai rai nna, anhte sa manam na rai nga ai, Kupru zunlawng masha Manason ngu ai shawng shawng kaw nna kam sham nga sai sape langai mi a nta kaw sa sa bang da mi ai.

Jinghpaw Hanson Version Bible

¹⁶ Kesare na sape nkau mi mung, anhte hte rau sa ma ai rai nna, anhte hpe manam hkap na wa, Kupru masha, Manason ngu ai shawng shawng na sape langai mi kaw sa bang da mi ai.

KASA 21:16 ပူးပေါင်းရင်းမြစ်များ

SHAKAWN KUNGDAWN 92:14

Dai hpun gaw hpundaw wa ai aten hta pyi asi naw si nna; tut nawng e tsit lali nga ai hte ja kat nga ai.

GA SHAGAWP 16:31

Asak galu ugut gu ai gaw ding hpring ai a kumhpa rai nna; baw hpraw ai gaw arawng sadang hte seng ai janmau rai nga ai.

KASA 10:24

Hpang shani shi gaw Kesare mare de du ai. Korneli chyawm gaw, shi a hpu nau ni hte makyin jinghku ni hpe shaga jahpawng tawn nna Petru hpe la nga ai.

KASA 10:48

Shing rai, Yesu Hkristu a mying nsang hta hkalup hkam la na matu Petru shanhte hpe hkang da mu ai. Shaloi, shanhte hte rau nhtoi tsawmra ya naw hkring nga na shi hpe hpyi ma ai.

KASA 11:19

Ya Stehpan hpe sat kau ai kaw nna hpang wa ai zingri zingrat lam a majaw bra mat wa ai kam sham ai ni gaw, Hponisha, Kupru hte Antioki mare du hkra len hkawm nna Yuda ni hpe hkrai sha dai mungga hkaw dan ma ai.

KASA 15:39

Dai nhkan e ga lai nna, langai hte langai hka mat ma ai. Barnaba gaw Marku hpe woi nna Kupru zunlawng de li hte sa wa ai.

KASA 15:7

Dai lam hpe galu galang san htai lai hkat ai hpang, Petru rawt nna shanhte hpe, “Hpu nau ni e, maigan masha ni dai Kabu Gara Shiga na la nna kam sham wa na matu Karai Kasang gaw lai wa sai tsawmra na sai aten kaw nna dai Kabu Gara Shiga hpe tsun shana dan na nanhte a kata kaw na Karai Kasang ngai hpe lata san da sai gaw nanhte chye nga myit dai.

KASA 21:8

Hpang shani e anhte bai pru nna Kesare mare de du ga ai. Anhte gaw Kabu Gara Shiga hkaw tsun ai Hpilip a nta hta manam ga ai. Hpilip gaw Yerusalem mare kaw karum na matu hpung kaw nna lata san da ai marai sanit hta na langai mi rai nga ai.

KASA 4:36

Dai shaloi Kupru mung na Lewi masha Yosep ngu ai wa nga ai. Shi hpe kasa ni e Barnaba ngu nna mying hkawt shamying mu ai. (De a lachyum gaw shalan shabran n-gun jaw ai wa ngu ai re)

KASA 8:40

Hpilip chyawm gaw, Azutu mare e shi du nga ai hpe chye wu ai. Dai hpang shi gaw Kesare mare de sa wa ai lam e mare langai hte langai hta shang nna Yesu Hkristu a lam Kabu Gara Shiga hkai dan wu ai.

ROMA 16:7

Nye a Yuda amyu masha hpu nau rai nga ai, ngai hte rau htawng rawng yu ai Androniku yan Yuni hpe shakram ya mi; Dai yan gaw kasa ni hta masha yawng e chye ai; mying dan hkung nna nye a shawng e Hkristan tai wa ai yan rai ma ai.

HPILEMON 1:9

Rai ti mung, Hkristu a kasa, dingla wa ngai Pawlu rai nga nngai hte ya e Hkristu a bawng dung ai wa mung rai nga nngai majaw, tsaw ra ai hku she nang hpe hpyi nem dat na ngai grau ra nngai.