KASA 20:7 - Jinghpaw Common Language Bible 2009

⁷ Anhte gaw Laban kru ya shana de kanawn mazum shat sha poi hta shang na matu zuphpawng nga ga ai. Pawlu gaw hpang jahpawt dai mare kaw na pru mat wa na maw ai majaw, shana yup tung tung hkra masha ni hpe sharin shaga nga ai.

Jinghpaw Hanson Version Bible

⁷ Ya nhtoi bat a langai ya ngu na shani e, muk ahkyep na matu anhte zuphpawng nga yang, Pawlu gaw hpang jahpawt pru na maw ai majaw, sape ni hpe sharin shaga let, yuptung tung hkra ga tsun galu nga ai.

KASA 20:7 ပူးပေါင်းရင်းမြစ်များ

NEHEMIA 8:3

Shi gaw jahpawt kaw nna shani ka-ang du hkra, chyinghka makau na dam lada ai shara hta Tara laika hti dan wu ai rai nna shanhte yawng myit maju jung ai hte madat la nga ma ai.

NEHEMIA 9:3

Shanhte gaw dai Madu shanhte a Karai Kasang a Tara hpe nayi hkum masum hti nna, ngam ai nayi hkum masum hta shanhte a yubak mara ni hpe hpyi nem ai hte dai Madu shanhte a Karai Kasang hpe nawku ma ai.

MARKU 16:9

Laban shani jahpawt jau jau e, Yesu hkrung rawt wa ai hpang, nat sanit hte hpe shaden kau ya nna shamai shatsai hkrum ai Magdala Mari hpe shi hkum shawng shadan dan wu ai.

LUKA 22:19

Shaloi shi muk tawng la nna shakawn ngut jang, dai hpe ahkyep alep nna shanhte hpe jaw let, “Ndai gaw nanhte a matu ya kau ai, nye a hkum rai li ai, ngai hpe adum nga na matu, ndai galaw mu,” ngu mu ai.

LUKA 24:35

Dai shaloi shan lahkawng mung, lam e rai nga yang byin ai lam ni hte, muk ahkyep jaw ai shaloi, shi re ai chye lu ai lam ni, tsun sanglang dan ma ai.

YAWHAN 20:1

Laban jahpawt nhtoi garai n htoi lu yang, Magdala Mari gaw jau jau e lup de sa wa ai rai nna, lup chyinghka pat da ai nlung sit mat nga ai hpe mu wu ai.

YAWHAN 20:19

Sape ni gaw Yuda masha ni hpe hkrit ai majaw, Laban shana nrim rim ai ten hta, nta chyinghka ni la da nna hpawng nga m a ai. Dai shaloi Yesu du sa nna shanhte a ka-ang e tsap let, “Nanhte ngwi pyaw nga myit ga,” ngu nna shanhte hpe tsun mu ai.

YAWHAN 20:26

Dai hpang matsat ya rai jang, sape ni gaw nhku e bai rawng nga ma ai rai nna Htawma mung shanhte hte rau rai nga ai. Chyinghka ni mung la da nga ai; rai ti mung Yesu sa du nna shanhte a ka-ang e tsap let, “Nanhte ngwi pyaw nga myit ga law,” ngu wu ai.

KASA 16:10

Pawlu dai shingran mu ai shaloi jang, Makedoni mung de rap sa wa na matu anhte hkyen lajang shajin ga ai, hpa majaw nga yang, Makedoni mung masha ni hpe dai Kabu Gara Shiga hkaw tsun dan na matu Karai Kasang anhte hpe shaga ai rai sai, ngu nna kam sham ai myit hte daw dan ai majaw rai nga ai.

KASA 2:42

Shanhte gaw Kasa ni a sharin shaga ai lam, rau kanawn mazum hpawng de ai lam, Madu a Shana Shat sha ai lam hte akyu hpyi ai lam hta htep lahti hkan nga ma ai.

KASA 2:46

Shani shagu myit langai sha hte Nawku Htingnu hta shanhte htep lahti machyu nga nna tinang a nta ni hta myit nem ai hte kabu gara let rau sha lusha, shahpa sha ma ai.

KASA 20:11

Bai ntsa gawk de shi lung wa nna muk ahkyep alep di nhtawm sha nga ai. Shanhte hte nhtoi htoi ai du hkra galu galang tsun shaga chyai ngut jang shi pru wa ai.

KASA 20:31

Dai re majaw, ngai nanhte mahkra hpe masum ning tup shani shana myi prwi law law hkrat nna sharin achyin shadum shahprang da ai hpe dum nna amaja nga mu.

KASA 20:5

Shanhte chyawm gaw shawng sa wa nna Troa mare hta e anhte hpe sa la nga ma ai.

KASA 20:9

Utuhku ngu ai la shabrang ma langai mi gaw hku wawt hku mahka e yup nga dung nga ai. Pawlu grau grau matut manoi ga tsun galu nga yang yup malap mat wa ai hte nta htap masum kaw na di hkrat mat wa ai. Masha ni shi hpe sa hta pawn yu yang, shi si mat sai.

KASA 28:23

Shing rai, shanhte gaw shi hte hkrum chyai na nhtoi madat da nhtawm, dai nhtoi du jang shi manam nga ai shara de masha law law wa sa hpawng nga ma ai. Pawlu gaw, jahpawt kaw nna shana de du hkra Karai Kasang a mungdan hte seng ai shi a mungga hpe Mawshe a tara hte myihtoi ni a ga hku hkan nna Yesu hpe shanhte chye na kam sham wa hkra hkaw tsun sakse hkam shakut nga ai.

1 KORINHTU 10:16

Anhte gaw Karai Kasang a chyeju hpe shakawn nna, a lu ai gawm kaw na sabyi hpe lu ga ai shaloi, Hkristu a sai hte kanawn mazum ai lam rai nga ai, n rai ni? Anhte muk ahkyep alep nna, dai hpe sha ai shaloi anhte gaw Hkristu a hkum hkrang hte kanawn mazum nga ga ai n rai ni?

1 KORINHTU 15:10

Rai ti mung, Karai Kasang a chyeju majaw, ngai gaw ngai wa rai nga nngai; ngai hpe Karai Kasang jaw ai chyeju mung kaman lila n rai nga ai sha, kaga kasa ni yawng hta, ngai grau nna bungli galaw gun hpai shaja nngai. Shing rai galaw lu ai gaw, nye a atsam majaw n rai, ngai hte rau amu galaw nga ai Karai Kasang a chyeju a majaw rai nga ai.

1 KORINHTU 16:2

Ngai sa du ai shaloi alu gumhpraw kaga mi n lahkawn ra u ga, Laban shani shagu nanhte langai hte langai gaw tinang a ngamu ngamai ai made hta na alu gumhpraw ni hpe garan mahkawng da nga mala.

2 TIMOHTI 4:2

Dai mungga hkaw dan na matu, chye na shangun na matu, mara madun nna daru na matu, n-gun jaw na matu, myit galu ai hte sharin shaga na matu, (du hkra ladaw ang ai rai ti mung, n ang ai rai ti mung) a shaja nga u, ngu nna ngai nang hpe shadut jahkat dat de ai.

SHINGRAN 1:10

Dai Madu a nhtoi hta e Wenyi hta ngai nawng mat wa ai rai nna, ngai gaw pahtau nsen hte bung ai nsen kaba langai mi nye a shingdu maga de nna shaga ai hpe na lu nngai.