KASA 20:3 - Jinghpaw Common Language Bible 2009

³ Dai kaw shi shata masum nga nga ai. Dai hpang Suri mung de li hte bai wa na hkyen shajin nga yang, Yuda masha ni shi hpe gyam nga ma ai hpe mu chye kau wu ai majaw Makedoni mung hku ga lai nna nhtang wa na myit daw dan wu ai.

Jinghpaw Hanson Version Bible

³ Dai yang shata masum nga nhtawm, Suri mung de li hte bai wa na hkyen yang, Yuda masha ni shi hpe gyam ma ai majaw, Makedoni mung hku nhtang wa na, myit da wu ai.

KASA 20:3 ပူးပေါင်းရင်းမြစ်များ

EZRA 8:31

Anhte gaw Yerusalem de sa wa na matu, Ahawa hka shi makau kaw na, shata langai a shi lahkawng ya shani e pru wa ga ai. Anhte a Karai Kasang gaw anhte hte rau nga nga ai rai nna anhte bu hkawm wa yang, gumlau hpyen ni makoi gyem let htim gasat ai kaw na mung anhte hpe makawp maga la mi ai.

GA SHAGAWP 1:11

shanhte gaw, “Sa rit, masha langai mi hpe sat na, anhte gyam yu ga! Mara n kap ai masha ni hpe arawng mala la lu na matu hkap daw yu ga!

YEREMIA 5:26

“N hkru ai masha ni gaw nye a amyu masha ni hta shanu lawm nga ma ai; shanhte gaw ntsa malen u ni hpe rim na matu sumgawn ni hpe jahkrat da ai masha ni zawn la lagyim ma ai. Rai ti mung shanhte gaw masha rim na matu shanhte a mahkam ni hpe tawn da manu ai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

KASA 16:12

Dai kaw nna bai lai yang Hpilipi mare de du ga ai. Dai mare gaw Makedoni mung a mare daju rai nna Roma amyu masha ni nga mahta ai mare langai mi mung rai nga ai. Dai mare kaw anhte tawng marang mi nga nga ga ai.

KASA 16:9

Dai shana e Pawlu gaw shingran hta, Makedoni masha langai mi sa tsap nga nna, “Makedoni mung de rap sa nna anhte hpe karum la mi,” nga nna shi hpe hpyi ai mu wu ai.

KASA 18:18

Pawlu gaw Korinhtu mare hta nhtoi tsawmra wa na hkra nga nga ai. Dai hpang kam sham ai ni hpe shakram da nna Priskila yan Akula hte rau li jawn let Suri mung de sa wa ma ai. Karai Kasang kaw ga shaka tawn da ai lam nga ai majaw, Kanhkeria mare kaw na hkali hte garai n pru yang shi a baw doi kau wu ai.

KASA 19:21

Ndai lam ni byin ngut ai hpang Pawlu gaw, Makedoni mung hte Ahkaia mung kaw nna Yerusalem mare de sa wa na matu myit daw dan wu ai. Shi gaw, “Dai mare de ngai sa nhtawm, Roma mare de mung ngai du yu na nngai,” nga nna tsun ai.

KASA 20:1

Ya dai kabring kabrawng lam sim mat ai hpang Pawlu gaw kam sham ai sape ni hpe shaga la nna, shanhte hpe n-gun jaw ai ga ni tsun ngut jang shakram da nhtawm Makedoni mung de sa wa na pru wa ai.

KASA 20:19

Yuda masha ni a n hkru n kaja ai maw mawn ai lam a majaw, matsan jam jau ru yak tsin yam hkrum ai ten hta ngai myi prwi law law hkrat let nachying myit shagrit shanem ai hte Madu a shangun ma rai nga nngai hte maren shi a magam gun hpai nngai.

KASA 20:2

Dai ginwang hkan ga sa wa nna, mungga law law hte shadum jahprang n-gun jaw da ngut jang Ahkaia mung de du ai.

KASA 21:3

Ya Kupru zunlawng mu mada jang, de a hkra maga hku lai mat wa nhtawm Suri mung de anhte jawn sa wa nna hpaga rai jahkrat na matu Turu mare hta hkring ga ai.

KASA 25:3

Shanhte gaw Pawlu hpe lam e hkap gyam sat kau na matu makoi magap ai hku lajang da ma ai. Dai rai nna, shanhte hpe chyeju galaw ai hku nna, Pawlu hpe Yerusalem mare de sa dat ya na Hpestu kaw hpyi ma ai.

2 KORINHTU 1:15

Ndai lam hte hpe myit mu myit hkut ai hte, nanhte lahkawng lang na chyeju lu la myit ga, nanhte kaw shawng sa du na ngu nna nnan e ngai myit yaw shada nngai.

2 KORINHTU 11:26

Ngai law law lang bu hkawm sa ai hta hka tung wa nna hkrum ai tsin yam, damya hkrum ai tsin yam, nye a Yuda amyu masha ni di ai tsin yam, maigan amyu ni e di ai tsin yam, mare kahtawng hkan hkrum ai tsin yam nam mali hkan hkrum ai tsin yam, nammukdara e hkrum ai tsin-yam, masu ai hpu nau ni e di ai tsin yam ni hpe hkrum katut lai wa ni ai.

2 KORINHTU 7:5

Makedoni mung de anhte du sa ai shaloi pyi gaw anhte hta sim sa ai lam n lu la ga ai. Shara shagu hta ru yak tsin-yam tsindam ni, kaga masha ni hte ga li ga law ai lam ni nga nga ai. Anhte a myit kata hta mung hkrit tsang ai lam ni amyu myu hkrum ga ai.

GALATI 1:21

Dai hpang e Suri mung hte Kiliki ginwang hkan e ngai sa du nngai.