KASA 20:16 - Jinghpaw Common Language Bible 2009

¹⁶ Pawlu gaw Asi mung e nhtoi hkatum n shama mayu wu ai majaw Ehpesu mare hpe lai kau da nna li hte sa mat wa na myit daw dan da wu ai; hpa majaw nga yang Pawlu gaw byin mai yang Pentekoti shani dep lu hkra Yerusalem mare de du wa na matu tin da wu ai.

Jinghpaw Hanson Version Bible

¹⁶ Kaning rai nme law Pawlu gaw, Pentekoti shani e Yerusalem mare de dep lu yang dep hkra nga tin da wu ai rai nna, Asi mung e nhtoi hkatum n shama mayu ai majaw, Ehpesu mare hpe lai kau da na, myit shatawng da wu ai.

KASA 20:16 ပူးပေါင်းရင်းမြစ်များ

PRU MAT 34:22

“Shawng ngai ai nanhte a hkaulan mam hpe dan hpang ai shaloi, nmut shinggyin poi galaw na rai myit dai. Dai sha n-ga, namsi namsaw ni hpe shinggyin la ai shaloi Sum Poi galaw lu na rai myit dai.

KASA 12:13

Shing rai dai nta wang chyinghka akawk wu yang Roda mying ai shangun ma num kasha langai mi gaw shaga ai hpe htan ya na matu chyinghka de sa du ai.

KASA 16:6

Ya Asi mung e mungga lam hkaw tsun dan na Chyoi Pra ai Wenyi shanhte hpe ahkang n jaw mu ai majaw shanhte gaw Hprugi hte Galati mung de ga sa wa ma ai.

KASA 18:19

Shanhte Ehpesu mare de du ma yang, Pawlu gaw Priskila yan Akula hpe dai mare hta shangam kau da wu ai. Shi gaw tara jawng de shang nna, Yuda masha ni hte tsun bawng hkat nga ai.

KASA 18:21

“Karai Kasang hkraw yang gaw, ngai nanhte hpang de bai du na ring ngai,” ngu nna shanhte hpe shakram da nhtawm, Ehpesu mare kaw na li hte pru mat wa ai.

KASA 19:1

Ya Apolo Korinhtu mare e nga nga yang, Pawlu gaw dai mungdaw a hkin-gau mayan lahta daw kaw nna kata maga hku ga sa wa ai hpang Ehpesu mare de du ai. Dai mare kaw shi sape nkau mi hpe hkrum ai rai nna,

KASA 19:21

Ndai lam ni byin ngut ai hpang Pawlu gaw, Makedoni mung hte Ahkaia mung kaw nna Yerusalem mare de sa wa na matu myit daw dan wu ai. Shi gaw, “Dai mare de ngai sa nhtawm, Roma mare de mung ngai du yu na nngai,” nga nna tsun ai.

KASA 2:1

Ya, Pentekoti shani du jang, kam sham ai ni nlang hte gaw shara mi hta sha hpawng nga ma ai.

KASA 20:13

Anhte mahtang li de shawng sa nna Asu mare de rawt sa wa ga ai. Dai mare hta she Pawlu hpe hkap shajawn la na myit nna sa wa ga ai. Pawlu gaw dai mare de hkarang lam hku sa wa na myit nna anhte hpe dai hku galaw na hkang da mi ai.

KASA 20:18

Dai ni du jang Pawlu gaw, “Asi mung de ngai nnan du ai shani kaw nna nanhte hte rau nga nga ai aten nlang hte hta ngai kaning rai nga nga nngai gaw nanhte chye chyalu rai nga myit dai.

KASA 20:22

Ya ngai gaw Chyoi Pra ai Wenyi a hkang ai hpe madat mara let Yerusalem mare de sa wa lu na rai nga ai. Dai mare e ngai hta hpa byin wa na ngu ai hpe gaw n chye nngai.

KASA 20:4

Shaloi shi kaw hkan nang ai ni gaw, Beri mare na Puru a kasha Sopata; Htesaloni mare na Aristarku, Sekuntu, Derbe mare na Geu, Asi mung na Tuhkiku yan Trohpimu hte Timohti hte rai ma ai.

KASA 20:6

Anhte mung Azuma poi ngu ai matsi n rawng ai Muk sha ai poi lai ai hpang Hpilipi mare kaw nna li jawn nhtawm rawt sa wa ai, manga ya na ai hpang, Troa mare hta hkan dep nna dai kaw nhtoi sanit ya hkring nga ga ai.

KASA 21:4

Dai kaw kam sham ai nkau mi hpe tam mu nna, dai mare hta sanit ya hkring nga ga ai. Shanhte mung Chyoi Pra ai Wenyi e shadut ai hte maren, Pawlu hpe Yerusalem mare de n sa na lam tsun mu ai.

KASA 24:17

“Shing rai Yerusalem mare kaw na pru mat wa ai tsawmra ning lai ai hpang, nye a amyu masha ni a matu alu gumhpraw la wa ya na matu dai mare de ngai wa nngai.

1 KORINHTU 16:8

Pentekoti poi shani du hkra, Ehpesu Mare e ngai naw anga nga na nngai.