KASA 20:1 - Jinghpaw Common Language Bible 2009

¹ Ya dai kabring kabrawng lam sim mat ai hpang Pawlu gaw kam sham ai sape ni hpe shaga la nna, shanhte hpe n-gun jaw ai ga ni tsun ngut jang shakram da nhtawm Makedoni mung de sa wa na pru wa ai.

Jinghpaw Hanson Version Bible

¹ Ya dai kabring kabrawng lam sim mat ai hpang, Pawlu gaw sape ni hpe shaga la nna, shanhte hpe shadum jahprang ngut jang, shakram da nhtawm, Makedoni mung de sa wa na pru wa ai.

KASA 20:1 ပူးပေါင်းရင်းမြစ်များ

NINGPAWT NINGHPANG 48:10

Yaku gaw asak kaba nu ai majaw myi amam nna, atsawm sha n mu lu wu ai. Yosep mahtang ma yan hpe shi hpang de woi sa ya ai majaw shi shan hpe ahpum let pup wu ai.

KASA 11:26

Shi hpe mu jang Antioki de woi wa wu ai. Ya, shan gaw laning mi tup dai hpung masha ni hte rau hpawng nga ma ai rai nna masha law law hpe sharin shaga lu ma ai, sape ni mung Hkristan ni ngu ai mying hpe Antioki mare hta shawng lu la ma ai.

KASA 16:12

Dai kaw nna bai lai yang Hpilipi mare de du ga ai. Dai mare gaw Makedoni mung a mare daju rai nna Roma amyu masha ni nga mahta ai mare langai mi mung rai nga ai. Dai mare kaw anhte tawng marang mi nga nga ga ai.

KASA 16:9

Dai shana e Pawlu gaw shingran hta, Makedoni masha langai mi sa tsap nga nna, “Makedoni mung de rap sa nna anhte hpe karum la mi,” nga nna shi hpe hpyi ai mu wu ai.

KASA 19:21

Ndai lam ni byin ngut ai hpang Pawlu gaw, Makedoni mung hte Ahkaia mung kaw nna Yerusalem mare de sa wa na matu myit daw dan wu ai. Shi gaw, “Dai mare de ngai sa nhtawm, Roma mare de mung ngai du yu na nngai,” nga nna tsun ai.

KASA 20:10

Shaloi Pawlu yu wa nhtawm, dai wa a ntsa e shi hkum mara ahpum let, “Hkum tsang myit shi asak naw hkrung nga ai,” ngu mu ai.

KASA 20:2

Dai ginwang hkan ga sa wa nna, mungga law law hte shadum jahprang n-gun jaw da ngut jang Ahkaia mung de du ai.

KASA 20:3

Dai kaw shi shata masum nga nga ai. Dai hpang Suri mung de li hte bai wa na hkyen shajin nga yang, Yuda masha ni shi hpe gyam nga ma ai hpe mu chye kau wu ai majaw Makedoni mung hku ga lai nna nhtang wa na myit daw dan wu ai.

KASA 20:37

Shanhte nlang ja ja hkrap ai hte Pawlu a du hta noi ahpum nna shi hpe pup let shakram dat mu ai.

ROMA 15:19

Dai re ai majaw ngai gaw Yerusalem mare kaw nna Iluri ginwang grup hkra Hkristu a Kabu Gara Shiga hkaw jahproi dan ni ai.

ROMA 16:16

Nanhte shada da chyoi pra ai pup hte n ja n hpra shakram ya mi. Hkristu hta de da ai hpung ni yawng hte gaw nanhte hpe shakram dat ma ai.

1 KORINHTU 16:20

Ndai shara hta nga ai Hkristan hpu nau ni yawng mayawng shakram dat ma ai. Nanhte shada da shinggyim nau na hku nna pup shakram hkat nga mu.

1 KORINHTU 16:5

Makedoni mung hku ga sa wa nhtawm, ngai nanhte kaw sa du na ring ngai; hpa majaw nga yang, ngai Makedoni mung hku ga shang sa wa ra nngai.

2 KORINHTU 13:12

Nanhte shada da shinggyim nau na myit hte pup shakram hkat mu. Karai Kasang a masha ni yawng gaw nanhte hpe shakram dat ma ai.

2 KORINHTU 7:5

Makedoni mung de anhte du sa ai shaloi pyi gaw anhte hta sim sa ai lam n lu la ga ai. Shara shagu hta ru yak tsin-yam tsindam ni, kaga masha ni hte ga li ga law ai lam ni nga nga ai. Anhte a myit kata hta mung hkrit tsang ai lam ni amyu myu hkrum ga ai.

1 HTESALONI 5:26

Kam sham ai ni yawng hpe chyoi pra ai lailen hte shakram hkat mu.

1 TIMOHTI 1:3

Ngai Makedoni mung de sa wa ai shaloi e, nang hpe ngai htet da sade ai hte maren Ehpesu mare e nang hpe matut nna nga nga shangun mayu nngai; dai yang e masha nkau mi shut ai makam masham lam ni hpe sharin ya nga ma ai, dai hpe nang shazim jahkring kau lu na rai ndai.