KASA 2:47 - Jinghpaw Common Language Bible 2009

⁴⁷ Shanhte gaw Karai Kasang hpe shakawn kungdawn let kabu gara ai hte masha yawng a man e myi man pa nna sharawng awng ai lam hkam la nga ma ai. Karai Kasang mung shani shagu hkye hkrang la hkrum ai ni hpe jat wa shangun ya mu ai.

Jinghpaw Hanson Version Bible

⁴⁷ Karai Kasang hpe shakawn kungdawn let, kabu gara ai hte myit tsup rai lusha shahpa sha ma ai; masha mahkra a man e mung myi man pa lu ma ai. Dai Madu mung, hkye hkrang la hkrum ai ni hpe, shani shagu shanhte hta jat wa shangun ya mu ai.

KASA 2:47 ပူးပေါင်းရင်းမြစ်များ

LUKA 19:48

Rai ti mung shanhte gaw shi hpe kaning di na lam n mu mu ai, hpa majaw nga yang, shawa masha ni yawng hte gaw ga hkaw mi mung n jahkrat kau mayu hkra shi a sharin shaga ai ga madat noi nga nga ma ai.

LUKA 2:52

Yesu gaw gawng shingyan kaba wa nna, hpaji byeng-ya kung hpan wa ai hte, Karai Kasang a man e mung, masha a man e mung, myi man pa wa nga ai.

KASA 11:21

Madu a n-gun atsam mung shanhte hta nga nga ai rai nna, masha dawwa kaba kam sham ai hte Madu hpang de kayin wa ma ai.

KASA 11:24

Barnaba gaw masha kaja langai mi rai nna, Chyoi Pra ai Wenyi hte mung, makam masham hte mung hpring tsup ai wa rai nga ai. Masha law law hpe dai Madu hpang de jat bang wa shangun wu ai.

KASA 13:48

Maigan amyu ni dai na jang, shanhte kabu gara nga ma ai hte, Madu a mungga hpe shagrau sha-a ma ai, nhtum nwai asak lu la na san da ai ni nlang mung kam sham mat ma ai.

KASA 14:1

Dai hte maren Ikoni mare kaw mung Pawlu yan Barnaba gaw tara jawng hta shang nna, Yuda masha ni hte maigan masha ni wunawng kaba kam sham mat hkra hkaw tsun dan ma ai.

KASA 14:21

Pawlu hte Barnaba yan gaw Derbe mare hta e Kabu Gara Shiga hkaw dan nna sape law law shatai la lu ma ai. Dai hpang shan gaw Lustra Ikoni mare lam hku Pesidi mung na Antioki mare de bai wa ma ai.

KASA 16:5

Shing rai hpung ni mung makam masham lam hta grau ngang kang wa ai hte hpung shang ai masha lani hte lani law htam wa ma ai.

KASA 17:12

Shanhte hta na law law wa kam sham shajang ma ai, mung shawa a man e arawng lu ai Grik num ni la ni law law mung kam sham ma ai.

KASA 2:39

Hpa majaw nga yang, ga ndat dai gaw, nanhte hte mung nanhte a kashu kasha ni hte mung sumtsan ga e nga ai anhte a Madu Karai Kasang shaga la ai masha nga manga hte hte mung seng nga ai,” ngu nna tsun dan mu ai.

KASA 2:41

Shanhte hta law law wa shi a ga hpe kam sham hkap la nna hkalup hkam la shajang nhtawm dai shani e masha hkying masum dang jat bang wa ma ai.

KASA 4:21

Shaloi salang kongsi gaw shan hpe shawng na hta grau ja ai hku sadi jaw daru jet nna dat dat mu ai. Shanhte gaw shan hpe ari jaw na lam n mai byin ai hpe mu chye ma ai. Hpa majaw nga yang dai byin ai amu a majaw, masha n lang Karai Kasang hpe shagrau sha-a ma ai.

KASA 4:33

Kasa ni mung, dai Madu Yesu a bai hkrung rawt wa ai lam hpe atsam kaba hte sakse hkam ma ai rai nna, Karai Kasang gaw shanhte mahkra a ntsa e shaman chyeju nhpaw n-ya ru jaw bun ya mu ai.

KASA 4:4

Rai ti mung, mungga na la ai ni law law wa kam sham ma ai rai nna, kam sham ai la sha yawng hkying manga daram jat wa ai.

KASA 6:1

Ya gade nna yang, Sape ni law htam wa ma ai rai nna Grik ga shaga ai Yuda ni hte Yuda majing ni a lapran e aput angun nga nna ga shai hkat wa ma ai. Grik ga shaga ai Yuda masha ni mahtang shani shagu jai na gumhpraw garan ai hta shanhte a maga na gaida jan ni hpe hprai kau nna shadawng da ya mi ai, nga nna tsun mara ai.

KASA 6:7

Shing rai Karai Kasang a mungga matut manoi chyam bra wa nna kam sham ai hpung masha ni Yerusalem mare hta grau grau law htam wa ma ai. Hkinjawng ni law law pyi gaw dai Kabu Gara Shiga hpe hkap la kam sham wa ma ai.

KASA 9:31

Dai majaw dai aten hte yang Yuda mung Galile mung hte Samari mung shara magup hkan e nga ai hpung gaw zingri zingrat n hkrum ai angwi apyaw sha nga lu nga ma ai. Dai hpung gaw Karai Kasang hpe hkrit hkungga ai myit hte asak hkrung shamu shamawt nna Chyoi pra ai Wenyi a karum madi shadaw ai hte ngang kang grin nga ai rai nna hpung masha ni law htam wa ma ai.

KASA 9:35

Luda hte Sharon mare e nga ai masha nlang hte mung shi hpe mu nna Madu hpang de kayin bang wa ma ai.

ROMA 14:18

Dai hku hkan nna Hkristu a bungli gun hpai ai wa gaw, Karai Kasang a man e sharawng awng nna, masha a man e mung awlaw ai hkrum nga ai.

ROMA 8:30

Dai rai nna shawng nnan san tawn da sai ni hpe mung shi shaga la mu ai, shaga la sai ni hpe mung, shi a man e ding hpring ai ni ngu nna hkap la nhtawm shi a hpung shingkang lu la shangun mu ai.

ROMA 9:27

Israela amyu a lam Esaia jahtau tsun ai gaw, “Israela kashu kasha ni gaw nammukdara makau na zaibru zawn law ma timung, shanhte hta na kau chyen chyu sha hkye hkrang la ai hkrum na mara ai.

1 KORINHTU 1:18

Hpa majaw nga yang, Hkristu a wudang ntsa e si hkam ai lam ngu ai dai wudang a mung sumtu ga lachyum gaw, asak wenyi sum mat hkrum ai ni a matu, lachyum n pru ai angawk angak ga rai nga ai, rai ti mung, hkye hkrang la hkrum ai anhte a matu gaw, Karai Kasang a atsam rai nga ai.