KASA 2:45 - Jinghpaw Common Language Bible 2009

⁴⁵ Shanhte gaw tinang a sut rai ni hpe dut kau nna kadai wa hpe mung n ginhka ai, ra kadawn ai hte maren karan jaw mu ai.

Jinghpaw Hanson Version Bible

⁴⁵ tinang a sut rai ni hpe mung, shanhte dut kau nna, kadai wa hpe mung n nga ai, ra ai shagu hpe karan jaw mu ai.

KASA 2:45 ပူးပေါင်းရင်းမြစ်များ

SHAKAWN KUNGDAWN 112:9

Shi gaw ra kadawn nga ai wa hpe nhpaw n-ya jaw ya nna, shi a matsan dum ai lam galoi mung yawm mat ai n rai; Shi gaw daru magam n-gun jat wa ai hte hkungga lara ai hkrum na ra ai.

GA SHAGAWP 19:17

Matsan mayan wa hpe nang jaw ai gaw dai Madu hpe hkoi ya ai hte bung nga ai rai nna; dai Madu gaw nang hpe bai htang jaw na ra ai.

MAHTE 19:21

Shaloi Yesu gaw, “Nang ding hpring mayu n yang gaw, wa su, nang lu ai arai ni mahkra dut kau nna, matsan mayan ni hpe garan jaw u; shing rai jang sumsing lamu ntsa e sutgan ni lu na rin dai; ngai kaw mung sa nna hkan nang rit,” ngu nna shi hpe tsun wu ai.

LUKA 16:9

Ngai nanhte hpe tsun made ga, tinang a matu n tara ai mungkan sutgan hte jinghku hku mu, shaloi she dai htum mat jang dinggrin anga nga ai nta hta, nanhte hpe hkap la na marin dai.

LUKA 18:22

Yesu gaw dai ga na jang, “Lam langai mi nang naw galaw ra nga ndai, nang lu malu dut kau nna matsan mayan ni hpe garan jaw u; shing rai jang she sumsing lamu ntsa e nang sutgan lu na rin dai, dai hpang ngai kaw hkan nang rit,” ngu nna shi hpe tsun wu ai.

LUKA 19:8

Zake rawt tsap nna, “Madu e, nye a sut rai ka-ang hkup matsan mayan ni hpe ngai garan jaw na we ai; bai langai ngai hpe ngai mawp sha kau ai rai yang gaw, htam mali ngai bai wa na we ai,” ngu nna Madu hpe tsun wu ai.

KASA 11:29

Sape ni gaw, Yuda mung na kahpu kanau ni hpang de langai hte langai rai lu ai made karum dat na nga, myit daw dan da ma ai.

KASA 4:34

Shanhte hta ra kadawn ai masha langai mi muk n nga ma ai. Hpa majaw nga yang sun hkauna lamu ga lu ai ni, nta lu ai ni kadai mung, dai dut nna lu ai gumhpraw hpe

KASA 4:35

kasa ni kaw sa ap ma ai rai nna, ra kadawn ai kadai hpe mung rap shara nna karan jaw karan ya mu ai.

2 KORINHTU 9:1

Yuda mung na Karai Kasang a masha ni hpang de shagun dat ai karum madi shadaw ai lam hte seng nna, nanhte hpang de ngai ka dat shara n nga ai.

2 KORINHTU 9:9

Chyum laika hta mung, “Shi gaw ra kadawn nga ai matsan mayan ni hpe n daw n hta gam jaw ya ai rai nna, shi a matsan dum lama ai myit gaw htani htana agrin nga ai,” nga nna tsun nga ai.

1 YAWHAN 3:17

Sut gan lu su ai wa rai nga da nhtawm, shi a hpu nau wa matsan mayan ra kadawn nga ai hpe mu ninglen, shi a matsan dum ai myit masin hpe pat kau wu yang gaw, shi gaw Karai Kasang hpe tsaw ra ai ngu nna kaning rai tsun lu na a ta?