KASA 2:40 - Jinghpaw Common Language Bible 2009

⁴⁰ Petru gaw ga kaga law law hte mung sakse hkam nna, “Nanhte gaw nanhte a hkum hpe ndai n hkru ai masha ni hkrum sha nga ai ari hta na lawt pru lu myit ga law!,” ngu nna shanhte hpe shadut shadum jahprang wu ai.

Jinghpaw Hanson Version Bible

⁴⁰ Ga kaga law law hte mung shi sakse hkam nna, “Ndai myit magaw ai amyu hta na lawt pru myit ga law,” ngu nna shanhte hpe shadum jahprang wu ai.

KASA 2:40 ပူးပေါင်းရင်းမြစ်များ

GA SHAGAWP 9:6

Myit n su ai masha u hpung ni hpe kau da nna, asak hkrung nga mu; hpaji machye machyang lam hta hkan hkawm nga mu,” nga nna jahtau tsun wu ai.

YEREMIA 51:45

Israela amyu masha ni e, dai mung kaw na kagat pru wa mu! Nye a sindawng kahtet ai kaw na nanhte a asak lawt na matu hprawng mu.

MAHTE 12:34

Pu htum amyu ni e, nanhte n hkru nga myit dai mi, kaja ai ga kaning rai tsun lu na myit ta? Hpa majaw nga yang, kraw hta hpring chyat nga ai kaw na, n-gup de tsun nga ai.

MAHTE 16:4

Ndai prat na masha ni gaw gade wa n hkru n kaja nna karai kata ai masha ni rai nga ma hka! Nanhte gaw ngai kaw lamik kumla langai mi hpyi myit dai; rai ti mung, Yona a lamik kumla hta kaga, hpa lamik kumla mung, nanhte hpe ngai n dan na nme ai,” ngu nna tsun wu ai. Shaloi shi shanhte hpe kau da nna pru mat wa ai.

MAHTE 17:17

Yesu htan nna, “Nanhte gaw makam masham n rawng ai hte nhtan shai ai amyu she rai nga myit hka! Nanhte hte rau ngai galoi du hkra nga lu na rai ta? Galoi du hkra, ngai nanhte hpe sharang nga lu na rai ta? Dai la kasha ma hpe ngai hpang de woi sa wa marit,” ngu wu ai.

MAHTE 23:33

Lapu ni e, puhtum amyu kashu kasha ni e, ngarai mung a ari hta na, nanhte kaning rai lawt lu na myit ta?

MARKU 8:38

Masha langai mi gaw, ndai Karai kata nna tara n nga, n hkru n kaja ai prat aten hta e, ngai hte ngai sharin shaga ai mungga hpe kaya nga a yang gaw, dai Masha Kasha gaw shi a Kawa a hpung shingkang dagraw nna chyoi pra ai lamu kasa ni hte nawng du sa wa yang, dai wa hpe kaya kau na ru ai,” ngu nna shanhte hpe tsun mu ai.

LUKA 16:28

Ngai nau ni manga naw nga ma ai majaw, shanhte mung ndai nni nkri hkrum ai shara de n du mu ga, shanhte hpe wa shadum jahprang sadi jaw shangun ya rit law,’ ngu nna hpyi wu ai.

LUKA 21:36

Nanhte gaw dai byin wa na ra ai lam ni yawng hpe lai di nna lawt lu na n-gun atsam lu la myit ga hte Masha Kasha a man e tara daw dan hkam na matu tsap lu ging ai ni tai lu myit ga akyu hpyi nga let amaja nga mu,” ngu mu ai.

YAWHAN 21:25

Yesu galaw ai amu kaga law law naw nga ai; dai amu ni a lam langai a hpang langai ka da na nga yang, dai ka da ai laika ni gaw mungkan ga hta pyi n shang na re, ngu nna ngai myit nawn nngai.

KASA 10:42

Shi nan mung, hkrung ai ni hte si ai ni a tara agyi tai na Karai Kasang e san da ai wa rai nga sai lam Kabu Gara Shiga hpe, mung masha ni hpe hkaw tsun dan na matu shi anhte hpe hkang da mani ai.

KASA 15:32

Yuda yan Sila gaw myihtoi mung rai nga ma ai majaw, shanhte hte aten galu galang ga shaga nna nden marai hte Wenyi n-gun atsam, lu la shangun mu ai.

KASA 20:11

Bai ntsa gawk de shi lung wa nna muk ahkyep alep di nhtawm sha nga ai. Shanhte hte nhtoi htoi ai du hkra galu galang tsun shaga chyai ngut jang shi pru wa ai.

KASA 20:2

Dai ginwang hkan ga sa wa nna, mungga law law hte shadum jahprang n-gun jaw da ngut jang Ahkaia mung de du ai.

KASA 20:21

Yuda masha ni hpe mung, maigan masha ni hpe mung, shanhte a yubak mara ni kaw na Karai Kasang hpang de myit malai kayin wa nna, anhte a Madu Yesu hpe kam sham na matu mung, ngai aja awa sadi jaw shadum shahprang ni ai.

KASA 20:24

Rai ti mung nye a matu masat da ai amu lit hpe mung Madu Yesu ngai e ap ya da ai magam amu hpe mung, tsep kawp ngut kre hkra gun na lam chyu sha ahkyak madung rai nga ai majaw ngai gaw nye a asak hpe pyi lahpawt nngai n rai. Dai Madu ap ya da ai magam amu ngu ai gaw Karai Kasang a chyeju Kabu Gara Shiga hpe hkaw tsun sakse hkam na lam nan rai nga ai.

KASA 20:9

Utuhku ngu ai la shabrang ma langai mi gaw hku wawt hku mahka e yup nga dung nga ai. Pawlu grau grau matut manoi ga tsun galu nga yang yup malap mat wa ai hte nta htap masum kaw na di hkrat mat wa ai. Masha ni shi hpe sa hta pawn yu yang, shi si mat sai.

KASA 28:23

Shing rai, shanhte gaw shi hte hkrum chyai na nhtoi madat da nhtawm, dai nhtoi du jang shi manam nga ai shara de masha law law wa sa hpawng nga ma ai. Pawlu gaw, jahpawt kaw nna shana de du hkra Karai Kasang a mungdan hte seng ai shi a mungga hpe Mawshe a tara hte myihtoi ni a ga hku hkan nna Yesu hpe shanhte chye na kam sham wa hkra hkaw tsun sakse hkam shakut nga ai.

KASA 4:36

Dai shaloi Kupru mung na Lewi masha Yosep ngu ai wa nga ai. Shi hpe kasa ni e Barnaba ngu nna mying hkawt shamying mu ai. (De a lachyum gaw shalan shabran n-gun jaw ai wa ngu ai re)

2 KORINHTU 5:20

Dai rai nna anhte gaw Hkristu a lam htinglet ya ai kasa ni tai let, Karai Kasang shi nan anhte a n-gup aga hku nna nanhte hpe lajin nga ai. Nanhte gaw shi hpe hpyen ai ni tai nga ai kaw nna shi a jinghku ni tai wa mu ngu, Hkristu a malai anhte hpyi nem nga ga ai.

2 KORINHTU 6:17

Dai rai nna Madu gaw, “Nanhte gaw shanhte hpe tawn kau da lu na hte shanhte kaw na kaga lak nanhte a hkum ni hpe garan jahka kau mu. Awu asin re ai hpe hpa hkum hkra mu, shaloi ngai nanhte hpe hkap la na made ai.

GALATI 5:3

Dai hta n ga, matu gadoi hkam ai wa gaw jep ai Tara nlang hte hpe shatup shadik lu na ra ai ngu nna, matu gadoi hkam ai masha yawng hpe ngai kalang mi bai sadi jaw nngai.

EHPESU 4:17

Manu n rawng ai myit mang ai lam lu ai maigan masha ni zawn matut nna asak n hkrung na matu Madu a mying ningsang hte ngai nanhte hpe sadi jaw made ai.

TARA JAHPRANG 32:5

Rai ti mung nanhte mahtang sadi n dung, shi a amyu masha tai na n ging nga myit dai; yubak kap nna masu hkalem ai amyu rai nga myit dai.

HPILIPI 2:15

Shing rai yang she nanhte gaw arawn alai hten run nna yubak lu ai ni nga ai ndai mungkan hta mara n kap nna myit masin san seng ai Karai Kasang a kashu kasha majing ni zawn tai wa na myit dai. Shing rai nanhte gaw asak jahkrung ya ai mungga hpe hkaw tsun nga let lamu ting hpe jahtoi ya ai ahtoi hkum ni zawn shanhte a ka-ang e htoi tu nga lu na rai myit dai.

1 HTESALONI 2:11

Kawa gaw tinang a kasha ni hpe yu gawn lajang ai zawn, nanhte langai hte langai hpe anhte yu gawn lajang lai wa saga ai lam nanhte chye nga myit dai.

1 TIMOHTI 4:16

Na a hkum hpe mung na a sharin shaga ai lam hpe mung sadi let sin yu nga u. Nang gaw ndai lam ni hpe agalaw nga u; hpa majaw nga yang, shing rai galaw n yang gaw, na hkum hpe mung, hkaw tsun ai ga na la ai ni hpe mung hkye hkrang la lu na ra ai.

1 PETRU 5:12

Ngai gaw ndai laika kadun ni hpe Sila a karum ai hte ka dat we ai; shi gaw ngai grai kam lu ai kangka ai Hkristan hpu nau wa langai mi rai nga ai ngu nna ngai sawn da ai rai nga ai. Ndai gaw Karai Kasang a teng man ai chyeju rai nga ai lam ngai nanhte hpe n-gun jaw let sakse hkam na matu ndai laika ka dat nngai, Dai hta ngang ngang tsap ngu mu.