KASA 2:4 - Jinghpaw Common Language Bible 2009

⁴ Shanhte nlang hte mung, Chyoi Pra ai Wenyi hpring shajang nna, Wenyi e shadut mu ai hte maren ga amyu kaga ga hku shaga wa ma ai.

Jinghpaw Hanson Version Bible

⁴ Shanhte nlang hte mung, Chyoi pra ai Wenyi hpring shajang nna, Wenyi e shadut mu ai hte maren, ga amyu kaga ga hku shaga wa ma ai.

KASA 2:4 ပူးပေါင်းရင်းမြစ်များ

2 SAMUELA 23:2

Dai Madu a wenyi gaw ngai hku nna tsun nga ai; shi a mungga nye a shinglet hta rawng nga ai.

ESAIA 28:11

Nanhte ngai tsun ai ga n madat myit yang, nanhte hpe laika sharin ya na matu laklai ga shaga ai maigan masha ni hpe Karai Kasang lang wa na ra ai.

ESAIA 59:21

Ngai gaw nanhte hte ga shaka tawn da na nngai: dai gaw nanhte a matu htani htana rai nga na nye a daru magam n-gun hte nye a sharin achyin ai ga ni ngai nanhte hpe jaw ni ai, ya aten kaw nna, nanhte gaw nye a ga madat mara ra na rai myit dai, nanhte a kashu kasha ni hte nanhte a aru arat ni hpe prat mi hte prat mi nye a ga madat mara na matu sharin ya nga mu.”

YEREMIA 6:11

Madu e, shanhte hpe hkru shangun ai na a myit kahtet ai gaw ngai hta mung hkru nga ai; ngai gaw dai hpe loi mi mung n sharang lu nga nngai,” ngu nna htan ni ai. Dai hpang, dai Madu gaw ngai hpe, “Nmaw lam ntsa hkan e nga ai ma kaji ni a ntsa e mung, zup hpawng nga ai shabrang ni a ntsa de mung, nye a myit kahtet ai hpe ru dat u. Madu wa ni hte madu jan ni gaw woi la hkrum nna aprat kaba u-gut gu sai ni pyi ngam tawn da hkrum na mara ai n rai.

EZEKELA 3:11

Dai hpang, bawng dung hkrum nga ai na a mungdan masha ni hpang de sa nna shanhte myit lawm ti mung, n lawm ti mung, Tsaw Htum ai Madu ngai nan shanhte hpe tsun ai ga shanhte hpe tsun u,” ngu nna matut hkang da wu ai.

MIHKA 3:8

Rai ti mung, nye a matu chyawm gaw, dai Madu ngai hpe shi a wenyi hte daru magam n-gun hte jahpring ya nna tara dara ai nyan hpaji hte Israela amyu masha ni shanhte a yubak lam ni hpe tsun dan lu ai share shagan ai myit ni jaw bang ya nga ai.

MAHTE 10:19

Nanhte hpe ap kau myit dai shaloi, kaning ngu nna, hpa hku tsun lu na hpe hkum tsang myit; dai aten du jang, hpa tsun na gaw, nanhte hpe shadum na marin dai.

MARKU 16:17

Kam sham ai ni hpe lamik kumla ni galaw na atsam jaw ya na ra ai; shanhte gaw nye a mying ningsang hte nat ni hpe shaden kau lu na mara ai; shanhte gaw laklai ai ga ni tsun shaga na mara ai.

LUKA 1:15

Kaning rai nme law, shi gaw dai Madu a man e galu kaba wa na ra ai; sabyi hte chyaru shi lu na n rai; kanu a hkritung nna pyi, Chyoi Pra ai Wenyi hte hpring na ra ai.

LUKA 1:41

Mari hkrum shaga ai ga Elisabet na jang, shi a hkritung na ma gaw gumlawt nga ai.

LUKA 1:67

Shaloi Yawhan a kawa Zahkaria gaw Chyoi pra ai Wenyi hte hpring wa nna, myihtoi ga hku tsun wu ai gaw:

LUKA 12:12

Hpa majaw nga yang, Chyoi Pra Ai Wenyi gaw, dai ahkying aten hta nanhte hpa tsun mai na hpe sharin ya na ra ai.”

LUKA 21:15

Hpa majaw nga yang, nanhte tsun ai ga hpe nanhte a hpyen ni n lu dangrang, n lu tsun ninghkap hkra kaning ngu tsun na ngu ai ga ni hte nyan hpaji ngai nanhte hpe jaw na made ai.

LUKA 4:1

Yesu gaw Chyoi Pra Ai Wenyi hpring let, Yawdan hka nna bai wa yang, dai Wenyi e nam mali de woi sa wa wu ai.

YAWHAN 14:26

Nye a mying nsang hte nye a Wa shangun dat na ra ai Karum Ai Wa ngu ai Chyoi Pra Ai Wenyi gaw, nanhte hpe lam magup sharin ya nna, ngai nanhte hpe tsun da ai ga yawng mayawng nanhte hpe shadum shahprang na ra ai.

YAWHAN 20:22

Shing nga tsun nhtawm, sape ni a ntsa e shi kawut nna, “Chyoi Pra ai Wenyi hpe hkap la mu.

KASA 1:5

Yawhan gaw hka hta hkalup jaw ai, rai ti mung nanhte chyawm gaw nhtoi gade nna yang Chyoi Pra ai Wenyi hta hkalup hkam la lu na marin dai,” ngu nna shanhte hpe hkang da mu ai.

KASA 1:8

Rai ti mung dai Chyoi Pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga shingjut shingnaw ni htum hkra nye a sakse ni tai na marin dai,” ngu nna shanhte hpe tsun mu ai.

KASA 10:46

Hpa majaw nga yang, maigan masha ni mauhpa ga baw amyu myu shaga nna Karai Kasang a grau htum ai hpe shakawn kungdawn nga ma ai hpe na lu ma ai majaw rai nga ai.

KASA 10:47

Dai rai nna Petru gaw, “Ndai masha ni mung anhte zawn Chyoi Pra ai Wenyi hkam la ai ni rai ma ai. Dai re ai majaw kadai wa mi shanhte hka hte hkalup hkam la na hpe ban hkum shingdang lu a ta?”

KASA 11:15

Ya, ngai ga hpaw nna tsun nga yang shawng de anhte a ntsa e Chyoi Pra ai Wenyi yu hkrat wa ai zawn shanhte a ntsa e mung yu hkrat wa malu ai.

KASA 11:24

Barnaba gaw masha kaja langai mi rai nna, Chyoi Pra ai Wenyi hte mung, makam masham hte mung hpring tsup ai wa rai nga ai. Masha law law hpe dai Madu hpang de jat bang wa shangun wu ai.

KASA 13:52

Antioki mare na sape ni chyawm gaw, kabu gara ai hte Chyoi Pra ai Wenyi hpring nga ma ai.

KASA 13:9

Dai shaloi Pawlu ngu ai Shawlu gaw, Chyoi Pra ai Wenyi hpring let, lakle sara wa hpe yu azi da nna,

KASA 15:8

Masha shagu a kraw lawang na myit ai lam ni hpe chye ya lu ai Karai Kasang gaw anhte hpe Chyoi Pra ai Wenyi jaw mi ai hte maren maigan masha ni hpe mung jaw ai hte shanhte hpe sharawng awng hkap la ai lam madun mu ai.

KASA 19:6

Ya Pawlu shanhte a ntsa e lata mara ya jang Chyoi pra ai Wenyi shanhte a ntsa e du nna shanhte laklai ai ga, myu kaga shaga nna Karai Kasang a mungga hpe mung tsun shana ma ai.

KASA 2:11

Kreti hte Arabi mung na ni rai nga ga ai. Dai rai yang, Karai Kasang galaw ai mauhpa magam amu lam ni shanhte hkai dan ai ga hpe, tinang a amyu ga hku na la lu nga ga hka!,” nga nna myit kahpra mau let tsun ma ai.

KASA 2:3

Shaloi bra garan ai wan shinglet zawn re ai mung, shanhte kaw dan pru nna langai hte langai a ntsa e jung nga ai.

KASA 4:31

Shing rai akyu hpyi ngut jang, shanhte hpawng nga ai shara gaw gari ashun wa nna shanhte nlang hte hta Chyoi Pra ai Wenyi hpring wa ai hte Karai Kasang a mungga hpe nden ja ai myit hte tsun dan hpang wa ma ai.

KASA 4:8

Dai shaloi Petru gaw Chyoi Pra ai Wenyi hpring let shanhte hpe tsun mu ai gaw, “Mung masha ni a du agyi salang ni e,

KASA 6:3

Dai majaw hpu nau ni e, nanhte hta na Chyoi Pra ai Wenyi hte hpaji machye machyang hpring ai marai sanit lata tawn mu. Anhte dai ni hpe dai amu galaw hpajang na matu san da na ga ai.

KASA 6:5

Shing nga hpaji jaw ai ga dai hpe hpung ting na ni na ra ma ai rai nna, makam masham hpring tsup ai hte Chyoi Pra ai Wenyi hpring ai Stehpan ngu ai wa hte Hpilip, Prokoru, Nikanora, Timun, Parmena hte Antioki mare na Proselutu hpung na Nikola hte hpe lata la ma ai.

KASA 6:8

Stehpan gaw Karai Kasang kaw na chyeju ra n rawng hkra hkam sha ai wa, n-gun atsam hpring tsup ai wa rai nna, mung masha ni a man e lamik kumla kaba ni hte mauhpa amu ni madun dan nu ai.

KASA 7:55

Rai ti mung Stehpan chyawm gaw Chyoi Pra ai Wenyi hpring nna lamu de azi yu wu yang Karai Kasang a hpung shingkang hte Karai Kasang a hkra maga de tsap nga ai Yesu hpe mu wu ai.

KASA 8:17

Dai rai nna Petru yan Yawhan shanhte a ntsa e lata mara ya jang, shanhte dai Chyoi Pra ai Wenyi hkam la lu ma ai.

KASA 9:17

Dai majaw Anani sa nna Shawlu nga ai nta de shang nhtawm Shawlu a ntsa e lata mara let, “Hpu nau Shawlu e, nang myi bai mu lu nna Chyoi pra ai Wenyi hpring lit ga nga, nang sa wa ai lam e nang hpe shadan dan ai Yesu nan, ngai hpe shangun dat ni ai,” ngu wu ai.

ROMA 15:13

Ya Chyoi Pra ai Wenyi a n-gun atsam hte nanhte a myit mada ai lam matut nna gumring gumrat galu kaba wa myit ga, myit mada ai lam a npawt rai nga ai Karai Kasang gaw, nanhte a kam sham ai lam hta e chyeju hte ngwi pyaw ai amyu myu nanhte hpe jahpring shatsup ya myit ga law.

1 KORINHTU 12:10

Dai Wenyi nan kaga wa hpe lamik kumla galaw dan na atsam; kaga wa hpe myihtoi htoi na ahkang; kaga wa hpe Wenyi kaw na jaw ya ai chyeju atsam hte re ai n re ai hpe chye ginhka hparan lu ai atsam, kaga wa hpe ga amyu myu chye tsun na atsam, bai kaga wa hpe tsun ai ga a lachyum hpe htai sanglang dan lu ai atsam jaw shajang mu ai.

1 KORINHTU 13:1

Ngai gaw masha ni a ga hte lamu kasa ni a ga amyu myu hpe chye tsun rai ti mung, tsaw ra myit n rawng yang gaw, mahku rawng ai sumseng hte, ngoi gara ai shupsheng sha ngai tai nga nngai.

1 KORINHTU 13:8

Tsaw ra ai myit gaw galoi mung htak mat chye ai n rai; myihtoi chye htoi ai lam rai yang gaw, hkoi mat na ra ai; ga amyu myu chye tsun ai lam rai yang gaw, sim mat na ra ai; chye chyang ai lam rai yang gaw lai mat wa na ra ai.

1 KORINHTU 14:18

Nanhte kadai hta mung grau nna laklai ai ga amyu myu ngai chye tsun nngai majaw, Karai Kasang hpe ngai shakawn nngai.

1 KORINHTU 14:5

Nanhte nga manga hte gaw, laklai ai ga amyu myu tsun na ngai ra nga nngai, rai ti mung Karai Kasang a mungga hkaw tsun lu ai atsam hte seng ai chyeju kumhpa hpe grau nna lu la shangun mayu nngai. Hpa majaw nga yang, laklai ai ga amyu myu chye tsun ai wa gaw, tinang tsun ai ga a lachyum hpe sanglang htai dan ai masha nga yang she dai Hpung hpe shadaw shangang lu nga ai. Dai n rai yang gaw, Karai Kasang a mungga hkaw tsun ai wa gaw laklai ai ga amyu myu hpe tsun ai wa hta grau nna hpu ging nga ai.

EHPESU 3:19

Rai sa shi a tsaw ra myit hpe gaw, galoi mung tsep kawp chye lu na n rai, rai ti mung, nanhte gaw shi a tsaw ra myit hpe chye chyang wa nna Karai Kasang nan hkum dingnum nanhte hta e shanu nga u ga, ngu nna akyu hpyi nngai.

EHPESU 5:18

Chyaru hkum nang mu; dai gaw nang hpe jahten shabya kau na ra ai. Wenyi hte hpring tsup nga mu.

EHPESU 6:18

Karai Kasang kaw na karum ai lam lu la u ga, hpyi nem let akyu hpyi ai hta ndai lam yawng hte hpe agalaw nga mu. Ndai lam a majaw amaja nga mu; galoi mung myit shayaw asum hkum jaw myit; Karai Kasang a masha ni a matu tut tut akyu hpyi nga mu.

1 PETRU 1:12

Shanhte shachyen nga ai hkaw tsun ai amu gaw shanhte a akyu ara a matu n rai; nanhte a matu rai nga ai lam Karai Kasang gaw ndai myihtoi ni hpe shadan dan manu ai. Nanhte hpang de dai Kabu Gara Shiga la sa wa ai ni gaw dai myihtoi ni tau hkrau nna hkaw tsun ai ni hpe sumsing lamu kaw nna shangun dat ai Chyoi Pra ai Wenyi a n-gun atsam hte nanhte hpe tsun madun dan ai majaw nanhte na lu manit dai. Ndai lam hpe lamu kasa ni pyi chye na mayu ma ai.

2 PETRU 1:21

Hpa majaw nga yang, gara myihtoi ga mung masha a myit ra myit jasat ai hku nna byin pru wa ai n rai; chyoi pra ai wenyi myit shadut ya hkrum ai masha ni gaw Karai Kasang kaw na du ai mungga hpe htawn tsun ma ai.

1 SAMUELA 1:14

shi hpe, “Chyaru nang ai wa zawn na a hkum hpe hkum madun dan et; chyaru n lu ai sha sadi sahka rai nga u!,” ngu nna tsun wu ai.

1 SAMUELA 10:10

Shawlu hte shi a shangun ma shan gaw Gibea shara e du jang, myihtoi hpung mi hte shi hkrum wu ai. Shaloi Karai Kasang a wenyi gaw shi hpe up hkang let shi mung shanhte a kabu gara ka manawt ai hte jahtau garu ai hta shang lawm wu ai.