KASA 2:32 - Jinghpaw Common Language Bible 2009

³² Dai Yesu hpe Karai Kasang jahkrung sharawt la wu ai rai nna anhte yawng mung dai lam a sakse ni rai nga ga ai.

Jinghpaw Hanson Version Bible

³² Dai Yesu hpe Karai Kasang jahkrung sharawt la wu ai; anhte yawng mung, dai lam a sakse ni rai nga ga ai.

KASA 2:32 ပူးပေါင်းရင်းမြစ်များ

YAWHAN 15:27

Nanhte mung, shawng nnan kaw nna ngai hte rau nga nga manit dai majaw, nye a lam sakse hkam ya na marin dai, ngu mu ai.

KASA 1:22

Dai wa gaw hkalup sara Yawhan a hkalup hte seng ai mungga hkaw tsun ai ten kaw nna, sumsing lamu de Madu Yesu hpe anhte kaw na shalun la hkrum ai ten du hkra Madu Yesu hte, rau hkawm rau sa ai anhte ni hta lawm ai wa langai mi rai ra ai.”

KASA 1:8

Rai ti mung dai Chyoi Pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga shingjut shingnaw ni htum hkra nye a sakse ni tai na marin dai,” ngu nna shanhte hpe tsun mu ai.

KASA 13:30

Rai ti mung Karai Kasang gaw shi hpe si ai kaw na jahkrung sharawt la wu ai.

KASA 13:33

Karai Kasang gaw Yesu hpe si ai kaw na hkrung sharawt ya ai hte ji wa ni hpe jaw da ai ga ndat hpe shanhte a kashu kasha rai nga ai anhte a matu galaw shabyin nu ai. Anhte gaw dai Kabu Gara Shiga hpe ndai kaw gun sa na matu ya du sa wa ai rai nga ai.

KASA 17:31

Hpa majaw nga yang Madu lata san da sai wa a lata hte mungkan ga hpe tara malang ai hku daw dan na ninghtoi gaw shi tawn da nu ai rai nga ai. Dai wa hpe si ai kaw na shi hkrung sharawt la ai hte dai lata san da ai lam masha yawng hpe kam ram ai sakse madun dan nu ai,” ngu nna tsun wu ai.

KASA 2:24

Rai ti mung si hkrung si htan a n-gun atsam kaw na shi hpe raw dat nna jahkrung sharawt nu ai. Hpa majaw nga yang dai si hkrung si htan gaw shi hpe gyit hkang sharen da na n mai nga ai.

KASA 3:15

Nanhte gaw asak jaw ya lu ai wa hpe gaw sat kau myit dai, rai ti mung Karai Kasang gaw shi hpe si ai kaw na sharawt la nu ai rai nna anhte gaw dai lam a sakse ni rai nga ga ai.

KASA 3:26

Dai rai nna nanhte langai hte langai tinang a n hkru n shawp ai lam ni hta na myit malai kayin wa ai hte shaman chyeju hkam la lu mu ga nga Karai Kasang gaw shi a shangun ma hpe paw pru shangun ai hte nanhte hpang de shawng shangun dat ya sai,” ngu nna tsun mu ai.

KASA 4:10

nanhte nlang hte Israela amyu masha yawng chye ang myit dai, nanhte wudang hta jen sat kau nna Karai Kasang e jasi ni kaw na jahkrung sharawt la ai, Nazaret wa Yesu Hkristu a mying nsang hta ndai wa hkrak sha mai tsai mat nna nang kaw nanhte a man e tsap nga ai.

KASA 4:33

Kasa ni mung, dai Madu Yesu a bai hkrung rawt wa ai lam hpe atsam kaba hte sakse hkam ma ai rai nna, Karai Kasang gaw shanhte mahkra a ntsa e shaman chyeju nhpaw n-ya ru jaw bun ya mu ai.

KASA 5:30

Anhte a ji wa ni a Karai Kasang gaw nanhte wudang hta jen sat kau ai Yesu hpe jahkrung sharawt da nu ai.

1 KORINHTU 15:15

Dai hta kaga, Karai Kasang a lam hta masu ai sakse ni anhte tai wa na saga ai; hpa majaw nga yang, Karai Kasang gaw Hkristu hpe hkrung sharawt nu ai, nga nna shi a lam anhte sakse hkam saga ai rai ti mung, si mat ai ni teng teng bai n hkrung rawt ma yang gaw, Karai Kasang shi hpe hkrung sharawt nu ai n rai.

1 KORINHTU 6:14

Karai Kasang gaw dai Madu hpe si ai kaw na hkrung sharawt wu ai rai nna, anhte hpe mung shi a n-gun atsam hte hkrung sharawt na mi ai.

2 KORINHTU 4:14

Madu Yesu hpe si ai kaw na hkrung sharawt la ai Karai Kasang gaw anhte hpe mung Madu Yesu hte rau hkrung sharawt la na mi ai rai nna, nanhte hte rau shi a man de woi la na mi ai hpe anhte chye nga ga ai.

GALATI 1:1

Masha a ahkang hte kasa aya hta dang da hkrum ai wa mung n rai; masha e san da ai kasa mung n rai, Yesu Hkristu hte si mat ai ni kaw nna shi hpe hkrung sharawt la ai Kawa Karai Kasang a ahkaw ahkang hte kasa rai nga ai ngai Pawlu gaw,

EHPESU 1:20

Anhte hta amu galaw nga ai dai n-gun atsam chyawm gaw Hkristu hpe si mat ai kaw na sharawt la nna sumsing lamu e Karai Kasang a hkra maga hta dung nga shangun ai shaloi jai lang ai n- gun chyalai rawng ai atsam nan rai nga ai.

KOLOSE 2:12

Nanhte gaw hkalup hkam la myit dai shaloi, shi hte rau lup makoi ai hkrum nna Hkristu hpe si mat ai ni kaw na hkrung sharawt la ai Karai Kasang hta hkrung sharawt la ai n-gun atsam rawng nga ai hpe kam ai makam masham a marang e shi hte rau sharawt la ai mung hkrum manit dai.

HEBRE 13:20

Shi a asak hpe nawng ya kau nna si hkam ai hte htani htana ga shaka hpe dazik dawk da sai majaw sagu ni a Sagu Rem Wa Kaba ngu ai anhte a Madu Yesu hpe Karai Kasang gaw si ai kaw na bai jahkrung sharawt la nu ai.

1 PETRU 1:21

Madu Yesu hpe si ai kaw na bai hkrung sharawt la nna hpung shingkang ap ya hkrum ai wa a marang e, nanhte Karai Kasang hpe kam sham nga manit dai; shing rai nanhte a makam masham hte myit mada ai lam gaw, Karai Kasang hta jung noi nga ai.