KASA 2:30 - Jinghpaw Common Language Bible 2009

³⁰ Dai wa gaw myihtoi langai mi rai nga ai rai nna shi a amyu matu hta na langai wa mi hpe Hkawhkam tai na matu san da na nga nna Karai Kasang dagam ga shaka tawn da sai lam shi chye wu ai majaw,

Jinghpaw Hanson Version Bible

³⁰ Dai wa gaw myihtoi rai nga ai rai nna, shi a amyu matu hta na langai wa mi, shi a tingnyang hta dung nga lu na, nga nna, shi hpe Karai Kasang dagam shaka da ai hpe chye wu ai majaw,

KASA 2:30 ပူးပေါင်းရင်းမြစ်များ

2 SAMUELA 23:2

Dai Madu a wenyi gaw ngai hku nna tsun nga ai; shi a mungga nye a shinglet hta rawng nga ai.

ESAIA 7:14

Dai rai nna, Madu shi nan nanhte hpe kumla langai jaw ya na ra ai; hkawn sek shayi sha gaw hkum gawng li nna shadang sha shangai na ra ai; shi hpe ‘Emanuela’ ngu nna shamying na ra ai.

YEREMIA 30:9

Shing rai na malai, shanhte gaw shanhte a Madu Karai Kasang rai nga ai ngai hpe mung, hkawhkam hku nna hkaw shadun hkrum na Dawi a aru arat hpe mung daw jau wa na mara ai.

MIHKA 5:2

Dai Madu gaw, “Nang Betlehem Ehprat e, nang gaw Yuda mung na mare ni hta kaji htum rai nga ti mung, Israela a matu up hkang du langai nang kaw na pru wa na ra ai; shi a dinghku ru sai mung moi chyaloi nhkoi kaw nna nga nga ai wa rai nga ai,” ngu nna tsun ai.

MAHTE 22:43

Bai Yesu gaw, “Dai rai yang gaw, Dawi Hkawhkam gaw Chyoi Pra ai Wenyi e shadut ai hte Meshia hpe ‘Madu’ nga nna kaning rai shaga lu a ta? Hpa majaw nga yang, Dawi gaw,

MAHTE 27:35

Shi hpe wudang hta jen da ngut jang, shanhte shawun hpaida da ai hte shi a hpun palawng ni hpe jawm garan la mu ai.

MARKU 12:36

Dawi gaw Chyoi Pra ai Wenyi e shadut ya ai hte, ‘Dai Madu nye a Madu hpe tsun wu ai gaw: Na a gumlau hpyen ni hpe, na a lagaw npu e ngai tawn da ai du hkra, nye a hkra maga de dung nga u,’ nga nna tsun ai.

LUKA 24:44

Shaloi Yesu gaw, “Mawshe a Tara hta mung, myihtoi ni a laika ni hta mung, nye a lam hte seng nna ka da nga ai lam ni yawng mayawng, dik wa lu na ra ai, ngu nna nanhte hte rau nga nga yang, ngai nanhte hpe tsun ni ai,” ngu nna shanhte hpe tsun mu ai.

KASA 1:16

Shi gaw, “Hpu nau ni e, Yesu hpe rim la ai ni a lam woi tai ya ai Yuda hpe lakap nna moi Dawi a n-gup hku nna Chyoi Pra ai Wenyi tau tsun da ai Chyum Laika gaw dik wa lu na sha rai nga ai.

ROMA 1:3

Dai Kabu Gara Shiga gaw Karai Kasang shi a Kasha anhte a Madu Yesu Hkristu a lam rai nga ai. Dai Madu gaw shinggyim masha labau hku gawn yang, Dawi a aru arat kaw na rai nga ai.

ROMA 15:12

Bai Esaia gaw, “Yese a aru arat langai mi paw pru na ra ai, maigan amyu ni hpe up na matu Karai Kasang gaw shi hpe paw pru shangun na rai nna, Maigan amyu ni dai wa hta myit mada kam hpa nga na mara ai,” nga ai.

2 TIMOHTI 2:8

Ngai hkaw tsun ai Kabu Gara Shiga hta rawng ai hte maren, si mat ai ni kaw na bai hkrung rawt wa sai Dawi a aru arat rai nga ai Yesu Hkristu hpe dum nga u.

HEBRE 1:1

Moi prat hta Karai Kasang gaw anhte a ji wa ni hpe ga shaga ai lam law law lang, lai ladat amyu myu hku nna myihtoi ni a n-gup hte htawn tsun lai wa sai.

HEBRE 3:7

Dai re ai majaw, dai Chyoi Pra ai Wenyi tsun ai hte maren, “Nanhte dai ni Karai Kasang a nsen na myit yang gaw,

HEBRE 4:7

Shing rai hkam la ai lam hpe, “Dai ni” ngu ai nhtoi kaga langai mi Karai Kasang bai masat da ya sai, ngu ai lam langai mi hte sakse madun nga ai. Madu gaw Chyum Laika hta tsun da sai hte maren, shaning law law na ai hpang Dawi a n-gup hte, “Nanhte dai ni shi a nsen na myit yang gaw, nanhte du hkum ja nga myit,” nga nna bai tsun ai.

HEBRE 6:17

Karai Kasang gaw shi a shatawng shada ai lam hpe galai shai kau shangun na n re ai lam ga sadi hte seng ai sali wunli hkam la ai ni hpe asan sha madun dan mayu wu ai; dai re ai majaw, shi a ga sadi hta dagam ai ga jat bang wu ai.

HEBRE 7:21

Rai ti mung Yesu gaw dagam ai ga hte hkinjawng tai wa sai. Karai Kasang shi hpe tsun ai gaw, “Nang gaw htani htana hkinjawng tai na rin dai: nga nna dai Madu dagam ai ga tsun sai majaw, shi a ga hpe dawm kau na ra ai n rai,’” nga nna tsun ai.

2 PETRU 1:21

Hpa majaw nga yang, gara myihtoi ga mung masha a myit ra myit jasat ai hku nna byin pru wa ai n rai; chyoi pra ai wenyi myit shadut ya hkrum ai masha ni gaw Karai Kasang kaw na du ai mungga hpe htawn tsun ma ai.

SHINGRAN 17:14

Shanhte gaw Sagu Kasha hpe hpyen gasat na mara ai; rai ti mung dai Sagu Kasha gaw, shi shaga la nna lata la hkrum ai, kangka re ai shi a hpang hkan nang ai ni hte rau awng padang lu na ra ai. Hpa majaw nga yang, shi gaw Madu ni a Madu, Hkawhkam ni a Hkawhkam rai nga ai,” nga nna ngai hpe tsun ai.

SHINGRAN 19:16

Shi a hpun palawng hte magyi hta, “Hkawhkam ni a Hkawhkam, madu ni a Madu,” nga nna ka kap da nga ai.