KASA 2:27 - Jinghpaw Common Language Bible 2009

²⁷ Hpa majaw nga yang nang ngai hpe Katsan ga e kabai kau da ndai n rai; na a kangka ai shangun ma wa hpe, lup sung hku hta yat tsam mat shangun na ndai n rai.

Jinghpaw Hanson Version Bible

²⁷ Kaning rai nme law, nang nye a myit masin hpe katsan ga e kau da ya na n rai; Na a chyoi pra ai wa hten byak hkrum na, nang hkraw na n rai.

KASA 2:27 ပူးပေါင်းရင်းမြစ်များ

SHAKAWN KUNGDAWN 116:3

Si du a sumgawn gaw ngai hpe htinggrum da nna; katsan ga na ru tsang ni, ngai hpe wang shinggrup da nga sai. Shing rai, ngai gaw hkrit ai hte nchyi nmu myit kahtet nga li ai.

SHAKAWN KUNGDAWN 49:15

Rai ti mung, Karai Kasang gaw ngai hpe mawai la nna; shi ngai hpe si du a lata kaw nna hkye hkrang la na ra ai.

SHAKAWN KUNGDAWN 86:13

Na a dinggrin tsaw ra myit gaw nye a matu kade wa kabu gara nga a hka! Nang gaw ngai hpe lup sung hku kaw nna nan hkye hkrang la nit dai.

SHAKAWN KUNGDAWN 89:19

Kalang mi na shingran langai mi hta, na a kangka ai shangun ma kaja ni hpe nang tsun ai gaw, “Gumhkawng ai hpyenla langai mi hpe ngai shadaw karum yu se ai; amyu masha ni kaw na langai mi hpe ngai lata la nna hkawhkam tingnyang ap ya se ai.

YONA 2:6

Ngai gaw bum ni a npawt de yu mat wa nna, katsan ga a chyinghka ni htani htana pat da nga ai. Rai ti mung, O Madu nye a Karai Kasang e, nang chyawm gaw ngai hpe sung htum ai shara kaw na woi la nga nit dai.

MAHTE 11:23

Nang mung Kurazin e, lamu du hkra shagrau sharawt ai hkam la lu na ra ai ngu nna nawn da wu ni? Katsan ga du hkra jahkrat kau ai nang hkrum na rin dai. Hpa majaw nga yang, nang hta dan ai mauhpa magam bungli ni hpe, Sodom hta e shabyin taw gaw, dai mare gaw dai ni du hkra naw agrin nga na rai nga ai.

MARKU 1:24

Dai wa gaw, “Nazaret wa Yesu e, anhte nang hte hpa seng ga ta? Anhte hpe jahten kau na matu nang sa du n ni? Nang kadai re ai hpe ngai chye nga nngai, nang gaw Karai Kasang a Chyoi Pra ai Wa rai nga ndai!,” nga nna marawn jahtau ai.

LUKA 1:35

Dai lamu kasa gaw, “Chyoi Pra ai Wenyi na a ntsa e du nna, Karai Kasang a atsam nang hpe shingnip ka-up na ra ai; dai re ai majaw, shangai wa na ra ai wa hpe Karai Kasang a Kasha ngu nna shamying ai hkam la na ra ai.

LUKA 16:23

Shing rai katsan ga e nni nkri hkrum let sharawt mada dat yu yang, tsan tsan e Abraham hpe mung, shi a makau e dung nga ai Lazaru hpe mung, mu wu ai.

LUKA 24:44

Shaloi Yesu gaw, “Mawshe a Tara hta mung, myihtoi ni a laika ni hta mung, nye a lam hte seng nna ka da nga ai lam ni yawng mayawng, dik wa lu na ra ai, ngu nna nanhte hte rau nga nga yang, ngai nanhte hpe tsun ni ai,” ngu nna shanhte hpe tsun mu ai.

LUKA 4:34

“Ah! Nazaret wa Yesu e, anhte nang hte hpa seng ga ta? Anhte hpe jahten kau na matu ndai kaw nang sa du nga n ni? Nang kadai re ai ngai chye nga nngai, nang gaw Karai Kasang a chyoi pra ai wa rai nga ndai,” nga ai.

YAWHAN 11:39

Yesu gaw, “Nlung dai hpe galau kau mu,” ngu nna hkang da mu ai. Shaloi si ai wa a kana Marhta gaw, “Madu e, ya gaw manam na sai, shi si ai mung mali ya rai sai,” ngu nna tsun mu ai.

KASA 2:26

Dai re ai majaw nye a myit masin kabu gara ai hte hpring nna, nye a n-gup ngwi pyaw ai ga hte hpring nga li ai. Ngai gaw si chye ai masha rai nga ti mung, myit amu sha hte myit mada nga na nngai.

KASA 2:28

Asak hkrung ai lam nang ngai hpe madun dan nit dai; nang ngai hte nga nga ai majaw ngai hpe kabu gara ai hte jahpring ya na rin dai,’ nga ai.

KASA 2:31

Karai Kasang gaw du na ra ai aten hta hpa baw galaw hkyen nga ai lam Dawi chye wu ai rai nna Meshia bai hkrung rawt wa na lam hte seng nna, ‘Madu hpe Katsan ga hta kabai tawn da na n rai, Shi a hkum hkrang dai lup sung hku hta yat tsam mat shangun na n rai,’ nga nna shi tsun da wu ai.”

KASA 3:14

Shi gaw Chyoi Pra ai hte Mai Kaja ai Wa rai nga ai rai ti mung nanhte gaw shi hpe ndang kau nna masha sat ai wa langai mi hpe mahtang nanhte ra sharawng ai hku dat dat ya na Pilat kaw hpyi myit dai.

KASA 4:27

Dai hte maren kaja wa teng teng Herod yan Pontu Pilat gaw maigan masha ni, Israela amyu masha ni hte rau Madu a Chyoi pra ai shangun ma rai nga ai, nang Meshia shatai sai Yesu hpe tai ninghkap na matu ndai mare e jawm hpawng nga ma ai.

1 KORINHTU 15:52

Rai ti mung, hpang jahtum na pahtau ngoi ai shaloi e, akajawng sha, myi grip mi laman hta e, anhte yawng hte gaw galai mat wa na ga ai; hpa majaw nga yang, dai pahtau dum dat ai shaloi si mat ai ni gaw n hten n mat ai sha bai hkrung rawt wa na mara ai hte, galoi mung bai si sana n rai. Anhte yawng galai mat wa na ga ai.

1 KORINHTU 15:55

“Si hkrung si htan e, na a padang ninghkaw kanang nga nga a ta? Si hkrung si htan e, na a palen kanang nga nga a ta?,”

1 YAWHAN 2:20

Rai ti mung Yesu Hkristu gaw nanhte a ntsa e dai Chyoi Pra ai Wenyi ru jaw bun ya ai hkrum manit dai rai nna, nanhte yawng mayawng gaw, dai tengman ai hpe chye lu myit dai.

SHINGRAN 1:18

Ngai gaw ahkrung nga ai wa mung ngai rai nga nngai; ngai si ni ai rai ti mung ya htani htana prat dingsa e ngai ahkrung nga nngai. Ngai gaw si hkrung si htan a ntsa e mung, si hkrung si htan a mungdan a ntsa e mung up hkang na ahkang aya lu nngai.

SHINGRAN 20:13

Dai hpang, panglai gaw tinang hta rawng ai masha chyasi ni hpe bai dat ya wu ai. Si hkrung si htan hte si ai ni nga ai katsan ga mung, shanhte hta rawng ai masha chyasi ni hpe bai dat ya mu ai. Shanhte gaw tinang galaw lai wa sai arawn alai hte maren, tara daw dan ai hkrum ma ai.

SHINGRAN 3:7

“Bai, Hpiladehpi mare na hpung a lamu kasa hpe ning ngu ka dat u: “Ndai gaw, Chyoi pra ai hte tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa kaw na mungga rai nga ai.