KASA 2:26 - Jinghpaw Common Language Bible 2009

²⁶ Dai re ai majaw nye a myit masin kabu gara ai hte hpring nna, nye a n-gup ngwi pyaw ai ga hte hpring nga li ai. Ngai gaw si chye ai masha rai nga ti mung, myit amu sha hte myit mada nga na nngai.

Jinghpaw Hanson Version Bible

²⁶ Dai re ai majaw nye a myit masin kabu nga ai hte, nye a shinglet awng nga li ai; Nye a hkum shan mung myit mada ai kaw rai na ra ai;

KASA 2:26 ပူးပေါင်းရင်းမြစ်များ

SHAKAWN KUNGDAWN 16:9

Nang gaw ngai hpe Si du a n-gun atsam kaw nna makawp maga la ndai, ngai nang hpe kangka ai hte daw jau ni ai, shing rai, nang gaw ngai hpe Katsan ga de n kabai kau na rai nga ndai majaw, ngai gaw kabu chyeju dum ai hte tsep kawp shim lum nga nngai.

SHAKAWN KUNGDAWN 30:11

Nang gaw nye a yawn hkyen ai hpe kabu gara ka gumlawt ai hte galai ya nit dai; nye a myit yawn ai lam hpe nang la kau ya nna, kabu gara ai hte ngai hpe shinggrup da ya nit dai.

SHAKAWN KUNGDAWN 63:5

Nye a wenyi gaw, dwi sau ai lusha hpe sha lu ai zawn myit dik ai hkrum na ra ai; ngai nang hpe kabu gara ai mahkawn mangoi ga ni hte mahkawn shakawn nga na nngai.

SHAKAWN KUNGDAWN 71:23

Na matu tingse dum ai shaloi, kabu gara ai hte ngai jahtau na nngai; nang ngai hpe hkye hkrang la nit dai majaw, nye a myit masin, hkum hkrang mahkra hte, ngai mahkawn na ring ngai.

KASA 2:25

Dai Madu a lam hte seng nna Dawi tsun ai gaw, ‘Dai Madu hpe nye a myi man chyaw ngai tut tut mu lu nga nngai. Ngai myit shamu shamawt ai n hkrum u ga, Madu gaw nye a makau e nga nga ai.

KASA 2:27

Hpa majaw nga yang nang ngai hpe Katsan ga e kabai kau da ndai n rai; na a kangka ai shangun ma wa hpe, lup sung hku hta yat tsam mat shangun na ndai n rai.