KASA 2:23 - Jinghpaw Common Language Bible 2009

²³ Karai Kasang gaw, shi a shatawng shada ai lam daw dan shangut da sai hte maren, Yesu hpe nanhte a lata de ap kau wu ai. Nanhte gaw shi hpe n tara ai hte yubak kap ai ni a lata de ap kau nna wudang hta jen sat kau myit dai.

Jinghpaw Hanson Version Bible

²³ ndai wa gaw, Karai Kasang shatawng ngut tawn sai hpaji hte, tau chye tau chyang ai lam hku ap kau hkrum wu yang, nanhte gaw, n tara ai masha a lata hte, shi hpe wudang hta jen sat kau myit dai:

KASA 2:23 ပူးပေါင်းရင်းမြစ်များ

NINGPAWT NINGHPANG 50:20

Nanhte ngai hpe n hkru ai hku gaw maw manit dai; rai ti mung byin lai wa sai lam ni a majaw dai ni du hkra masha law law a asak hpe jahkrung ya na matu Karai Kasang dai hpe mai kaja ai lam hku galaw nu ai.

SHAKAWN KUNGDAWN 76:10

Masha a masin kahtet ai lam gaw na a matu grau nna shakawn na lam chyu sha shabyin ya nga ai; majan ni hta n si ai sha, naw hkrung ngam nga ai ni gaw na a masat da ai poi ni hta kabu gara shang lawm lu na mara ai.

ESAIA 37:26

“Ndai lam mahkra hpe moi chyaloi nhkoi kaw nna ngai shatawng shada nga nngai hpe nang galoi mung n na yu n ni? Ya mung dai amu ni hpe ngai matut galaw nga nngai. Ngai gaw nang hpe bunghku kum ai mare ni hpe nlung sumpum shatai kau na daru magam n-gun jaw ni ai.

Daniela 4:35

Shi gaw mungkan masha ni hpe hpa mi n re ai zawn yu nga ai; sumsing lamu na lamu kasa ni hte mungkan ga na masha ni gaw shi up hkang ai n pu hta taw nga ai. Kadai mung shi a sharawng awng ai hpe ninghkap lu ai n rai; shi galaw ai amu hpe kadai mung ga san n shapraw lu nga ai.

MAHTE 20:19

maigan masha ni a lata de ap kau na mara ai rai nna, shanhte gaw shi hpe asawng asang di nna anu kayat ai hte wudang hta jen da na mara ai; rai ti mung masum ya nhtoi hta e bai jahkrung sharawt la ai hkrum na ra ai,” ngu nna tsun mu ai.

MAHTE 26:24

Chyum laika hta ka da nga ai hte maren, dai Masha Kasha gaw si hkam na matu sa wa lu na rai nga ai; rai ti mung dai Masha Kasha hpe ap kau ai wa gaw dingnye lu na ra ai. Dai masha n shangai taw gaw shi a matu grau kaja nga ai!,” ngu wu ai.

MAHTE 27:35

Shi hpe wudang hta jen da ngut jang, shanhte shawun hpaida da ai hte shi a hpun palawng ni hpe jawm garan la mu ai.

MARKU 15:24

Dai hpang shanhte shi hpe wudang hta jen da nna, shi a hpun palawng ni hpe shanhte hta na kadai wa garan la ang na hpaida da nna garan la ma ai.

LUKA 22:22

Masha Kasha gaw Karai Kasang e san da ai hte maren, si hkam na rai nga ai; rai ti mung shi hpe ap kau ai wa hta hkrithpa dingnye lu na ra ai,” ngu mu ai.

LUKA 22:37

Hpa majaw nga yang, ngai nanhte hpe tsun made ga, ‘Dai wa gaw tara tawt lai ai ni hta lawm nga ai,’ nga nna nye a lam ka da ai hte maren, ngai hta byin na ra ai. Dai gaw nye a lam ka da ai chyum ga hte maren byin nga sai majaw rai nga ai,”

LUKA 23:33

Ya pungkum ngu ai kawng du jang, shanhte gaw Yesu hpe mung, damya yan hpe mung, shi a hkra maga de langai mi, pai maga de langai mi di nna wudang hta jen da mu ai.

LUKA 24:20

Anhte a hkinjawng agyi ni hte du salang ni shi hpe sat kau na daw dan nna ap kau nhtawm, wudang hta jen sat kau manu ai.

YAWHAN 19:18

Shanhte gaw dai yang e shi hpe wudang hta jen da ma ai. Shi hte rau masha marai lahkawng hpe mung maga mi de langai ngai di jen da mu ai rai nna, Yesu gaw dai yan a lapran e rai nga ai.

YAWHAN 19:24

Dai majaw shanhte gaw, “Palawng ndai hpe anhte n gang je ai sha kadai mahtang la ang na gaw shawun si hpaida da ga,” nga nna shada da tsun ma ai. Ndai hku byin ai gaw, “Shanhte gaw nye a hpun nba hpe shada da garan la nna, nye a kata palawng hpe mung hpaida da ma ai,” nga nna Chyum Laika hta tsun ai ga dik wa na matu rai nga ai. Dai majaw hpyen ma ni shing rai galaw ma ai.

KASA 13:27

Kaning rai nme law Yerusalem mare e nga ai masha ni hte shanhte a ningbaw ningla ni gaw, shi hkye hkrang la ai Madu re ai hpe mung shanhte Bansa Nhtoi shagu hti ai myihtoi ni a ga ni hpe mung n chye na ma ai. Rai ti mung shanhte gaw Yesu hpe sat kau na daw dan ai hte dai myihtoi ga ni hpe shatup manu ai.

KASA 15:18

Ndai gaw moi chyaloi nhkoi kaw nna Karai Kasang e chye shangun ai lam rai nga ai, nga nna Madu tsun nga ai.’

KASA 2:36

Dai re ai majaw, Israela amyu ting a Meshia hku nna mung, Madu hku nna mung, Karai Kasang e san da ai wa gaw, nanhte wudang hta jen sat kau ai Yesu nan rai nga ai gaw kaja wa chye nga myit ga law!,” ngu nna tsun mu ai.

KASA 3:18

Karai Kasang gaw shi a Meshia nni nkri hkrum na ra ai lam, moi shawng shawng kaw nna myihtoi ni yawng a n-gup hte tau tsun tawn nu ai rai nna, dai lam ni ndai hku nna dik wa shangun nu ai.

KASA 4:28

Shing rai shanhte hpawng de ai lam gaw Madu a n-gun atsam hte myit ra ai lam hku nna daw dan sai hte maren byin wa u ga matu rai nga ai.

KASA 5:28

“Nanhte hpe dai amying hte n sharin shaga na matu anhte aja awa hkang da saga ai. Rai ti mung nanhte hpa galaw manit dai lam yu yu mu! Nanhte gaw nanhte a sharin shaga ai lam hpe Yerusalem mare ting shachyam shabra dat manit dai rai nna, dai wa si ai gaw anhte a majaw re ngu nna nanhte shadu mayu nga myit dai,” ngu nna tsun mu ai.

KASA 5:30

Anhte a ji wa ni a Karai Kasang gaw nanhte wudang hta jen sat kau ai Yesu hpe jahkrung sharawt da nu ai.

KASA 7:52

Nanhte a nji nwa ni n zingri yu ai myihtoi kadai wa nga a ta? Shanhte gaw Karai Kasang a ding hpring nga ai shangun ma du sa na ra ai lam tau hkrau nna htawn tsun ai myihtoi ni hpe sat kau ma ai; ya nanhte mung dai wa hpe ap kau sat kau ai ni rai nga myit dai.

ROMA 2:12

Mawshe a Tara hpe garai n chye ai maigan masha ni yubak mara galaw ma ai shaloi jep ai Tara hte n re ai sha sum hkrum na mara ai, rai ti mung Yuda ni gaw Tara lu ma ai majaw shanhte yubak galaw nna Tara hte tara dara ai hkrum na mara ai.

ROMA 4:17

Dai gaw, “Ngai nang hpe masha amyu law law a kawa shatai sade ai,” nga nna Chyum Laika hta tsun da ai hte maren rai nga ai. Dai rai nna Abraham kam sham ai Karai Kasang a man e dai ga sadi gaw mai kaja ai hte grin nga malit dai. Shi gaw Abraham kam sham ai Karai Kasang, si mat ai ni hpe jahkrung ya ai Karai Kasang, shawng de garai n byin yu ai arai ni byin tai paw pru wa hkra hkang da ai Karai Kasang, shi nan rai nga ai.

1 HTESALONI 2:15

Yuda masha ngu ai ni gaw Madu Yesu hpe mung, myihtoi ni hpe mung, sat kau ai ni rai nna anhte hpe mung zingri zingrat ai ni rai ma ai. Shanhte gaw Karai Kasang sharawng awng na hku n galaw ma ai! Masha shagu a matu n htan shai ai hpyen tai ma ai.

1 PETRU 1:2

Shi a Wenyi hta chyoi pra ai amyu masha shatai la nna, Yesu Hkristu a ga madat mara na hte shi a sai hte shachyoi shapra la na matu Kawa Karai Kasang a moi kaw nna shatawng shada da sai hte maren nanhte hpe lata la manit dai. Chyeju hte ngwi pyaw ai gaw nanhte hta hpring tsup nga malit ga law.

1 PETRU 1:20

Ginding aga garai n lat kaw nna Karai Kasang gaw shi hpe lata san da nu ai rai nna ndai hpang jahtum ai nhtoi ni hta e nanhte a matu mara shadan dan dat sai.

1 PETRU 2:8

Bai kaga chyum ga langai mi hta, “Ndai nlung gaw masha ni hpe ahtu kataw shangun na ra ai; shanhte hpe daw ru hkrat mat shangun ai lunghkrung mung tai na ra ai, nga nna tsun da nga ai. Shanhte gaw dai mungga hpe n kam n sham ma ai majaw ahtu kataw mat ma ai. Shing re ai gaw shanhte a matu Karai Kasang a myit ra lajang ai lam rai nga ai.

YUDA 1:4

Hpa majaw nga yang tara n hkungga ai masha ni n dum shami anhte kaw mayun shang nga ma ai. Shanhte gaw, shanhte a pyaw hpa lam hkan ai n kaja ai arawn alai ni hpe lu magap shalawt na matu anhte a Karai Kasang a chyeju hte seng ai mungga hpe kam ai hku manai makai di kau ma ai hta n-ga, anhte a langai sha rai nga ai Madu Yesu Hkristu hpe mung ningdang kau ma ai. Shanhte hkam la masai daw dan lam hpe moi chyaloi nhkoi kaw nna chyum mungga ni hta tau tsun da nga sai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying ka da lawm sai mungkan masha nlang hte hta lai nna, mungkan ntsa e nga ai masha yawng gaw dai matse labye hpe nawku na mara ai.