KASA 2:17 - Jinghpaw Common Language Bible 2009

¹⁷ ‘Karai Kasang ning nga ai, hpang jahtum na nhtoi ni hta masha amyu baw yawng a ntsa hta, nye a Wenyi ngai ru jaw na nngai. Nanhte a shayi shadang sha ni, myihtoi htoi na mara ai. Nanhte a brang ram ni shingran mu nna nanhte a ding la ni yup mang mu na mara ai.

Jinghpaw Hanson Version Bible

¹⁷ ‘Karai Kasang ning nga ai: Hpang jahtum na nhtoi ni hta, Nye a Wenyi, ashan yawng a ntsa e ngai ru jaw nna, Nanhte a shayi shadang sha ni myihtoi htoi na mara ai. Nanhte a brang ram ni shingran mu nna, Nanhte a dingla ni yup mang mu na mara ai.

KASA 2:17 ပူးပေါင်းရင်းမြစ်များ

NINGPAWT NINGHPANG 49:1

Yaku gaw shi a shadang sha ni hpe shaga la nna, “Nang e grup rai wa hpawng yu mu; du na ra ai aten nanhte hta hpa byin wa na lam, ngai nanhte hpe tsun dan made ga:

NINGPAWT NINGHPANG 6:12

Karai Kasang gaw mungkan ga hpe mada yu wu yang, dai gaw n hkru n shawp ai amu hte hpring nga ai hpe mu wu ai; hpa majaw nga yang, shinggyim masha ni mahtang n hkru n shawp ai asak hkrun lam hta hkawm sa nga ma ai.

SHAKAWN KUNGDAWN 72:6

Prang ni a ntsa e, marang htu ai hte lamu ga ntsa e, marang shaya hkrat nga ai zawn, hkawhkam wa mung dai zawn rai nga u ga.

GA SHAGAWP 1:23

Nang hpe ngai daru sharin ai shaloi, madat mara la u; nang hpe ngai mai kaja ai hpaji daw ga jaw nna, nye a machye machyang hpaji garan ya na we ai.

ESAIA 2:2

Du wa na nhtoi ni hta Nawku Htingnu dung ai bum gaw yawng hta grau tsaw htum ai bum tai na ra ai, kawng ni yawng hta grau tsaw na ra ai. Amyu baw ni law law dai shara de yan bang wa na mara ai,

ESAIA 40:5

Dai hpang dai Madu a hpung shingkang gaw dan dawng wa nna, amyu masha ni yawng dai hpe mu na mara ai. Dai Madu gaw shi nan ndai amu hpe ga sadi jaw nu ai,” ngu nna ja ja jahtau tsun nga ai.

ESAIA 44:3

“Ngai gaw hpang gara ai lamu ga hpe ntsin jaw na nngai; hkun hkraw ai lamu ga ntsa e hka shi ni hpe shalwi dat na nngai. Ngai gaw nanhte a kashu kasha ni a ntsa de nye a wenyi ru bun na nngai; na a aru arat ni a ntsa de nye a shaman chyeju ru jaw na nngai.

ESAIA 49:26

Ngai gaw nang hpe dip gamyet sha ai ni hpe shada da sat hkat shangun na nngai; shanhte gaw lu nang nna masha sat ai hte n-yun bu na mara ai. Dai hpang amyu masha ni yawng gaw ngai nan dai Madu rai nga nngai hpe mung, nang hpe hkye la ai hte nang hpe shalawt dat ai wa rai nga nngai hpe chye wa na mara ai. Shanhte gaw ngai nan Israela a daru magam n-gun hte hpring ai Karai Kasang rai nga nngai hpe chye wa na mara ai.”

ESAIA 66:23

Shata Praw shagu hte Bansa Nhtoi shagu hta galaw ai poi hta amyu baw shagu na masha ni gaw ngai hpe nawku na matu ndai Yerusalem de sa wa na mara ai,” nga nna dai Madu tsun ai.

EZEKELA 11:19

Ngai gaw shanhte hpe salum nnan hte myit masin nnan jaw bang ya na nngai. Ngai gaw shanhte a ja la ai nlung salum hpe shaw kau ya nna madat mara ai salum shanhte hpe jaw bang ya na nngai.

EZEKELA 39:29

Nye a wenyi hpe Israela amyu masha ni a ntsa e ru bun nna ngai gaw shanhte kaw na galoi mung myi man bai kayin kau da na nngai n rai. Tsaw Htum ai dai Madu ngai nan tsun ni ai,” ngu nna tsun wu ai.

Daniela 10:14

Na a amyu masha ni du na ra ai aten hta hpa byin wa na mara ai lam nang hpe chye na shangun na matu ngai sa du nngai. Da ndai gaw du wa na aten hte seng ai shingran langai rai nga ai,” ngu nna tsun wu ai.

HOSEA 3:5

Ndai lam zawn, Israela amyu masha ni gaw dai Madu shanhte a Karai Kasang hte shanhte a Hkawhkam Dawi a amyu matu na langai, hpang de lang mi bai kayin wa ai aten du wa na mara ai. Dai hpang shanhte gaw dai Madu hpe hkrit hkungga wa nna, shi kaw na chyeju kumhpa ni hkam la lu na mara ai.

MIHKA 4:1

Du na ra ai aten ni hta, Nawku Htingnu dung ai bum gaw yawng hta tsaw htum ai shara tai nna, kawng ni yawng hta grau tsaw na ra ai. Masha amyu baw law law ni dai shara de htaw bang na mara ai,

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

ZEHKARIA 2:13

Masha shagu hte e, shi gaw shi a chyoi pra ai nga shara kaw na du sa nga ai majaw dai Madu a man e asim sha nga nga mu.

LUKA 3:6

Shaloi, masha amyu ni yawng gaw, Karai Kasang a hkye hkrang la ai lam mu lu na mara ai!’”

YAWHAN 17:2

Hpa majaw nga yang, ngai nsha wa a lata de nang ap ya ai yawng mayawng hpe htani htana asak jaw n ga, nang gaw nsha wa hpe masha yawng mayawng a ntsa e up ai ahkang aya jaw ya nit dai.

YAWHAN 7:39

Yesu gaw, shi hpe kam sham ai ni hkam la lu na rai nga ai Wenyi a lam hpe sha-ang nna ndai lam tsun nga ai. Hpa majaw nga yang, Yesu gaw shi a hpung shingkang garai n dan hkung ai majaw, shi hpe kam sham ai ni hpe dai Wenyi garai n jaw wu ai.

KASA 10:45

Maigan masha ni mung Chyoi Pra ai Wenyi chyeju kumhpaw kumhpa hpe hkam la ma ai majaw Yopa mare de na Petru hte rau sa du ai matu gadoi hkam la sai Yuda masha ni gaw mau mahka nga ma ai.

KASA 11:27

Dai aten daram hta Myihtoi nkau mi Yerusalem kaw nna Antioki de sa du ma ai.

KASA 11:28

Shanhte hta na Agabu ngu ai wa rawt nna ga ntsa ting hta hku wa kaba wa na ra ai lam, Wenyi a atsam hte tau tsun dan mu ai. (Dai lam gaw Hkawseng Klawdi a prat e byin wa sai;)

KASA 2:16

Ndai lam chyawm gaw, myihtoi Yoela tsun da ai lam rai nga ai. Shi tsun ai gaw,

KASA 2:18

Rai sa, dai nhtoi hte yang nye a nchyang la ni hte nye a nchyang jan ni a ntsa e nye a Wenyi ngai ru jaw nna, shanhte nye a mungga htawn tsun na mara ai.

KASA 2:33

Shi hpe Kawa Karai Kasang a hkra maga de dung nga lu ai ahkang aya hte shagrau da nu ai hpang, Kawa Karai Kasang ga ndat jaw da ai Chyoi Pra ai Wenyi hpe hkam la nhhtawm ya nanhte mu lu na lu ai Wenyi hpe anhte a ntsa e ru jaw dat wu ai.

KASA 21:9

Dai wa gaw dinghku garai n shang ai hkawn jet mali lu ai. Dai shayi sha ni gaw Karai Kasang a mungga hkaw tsun shabra ai ni rai nga ma ai.

ROMA 5:5

Dai myit mada ai lam chyawm gaw anhte hpe myit daw shangun mi ai n rai; hpa majaw nga yang anhte hpe Karai Kasang jaw da sai kumhpaw kumhpa ngu ai dai Chyoi Pra ai Wenyi e Karai Kasang a tsaw ra ai myit hpe anhte a kraw lawang hta e ru bang ya mani ai.

1 KORINHTU 12:10

Dai Wenyi nan kaga wa hpe lamik kumla galaw dan na atsam; kaga wa hpe myihtoi htoi na ahkang; kaga wa hpe Wenyi kaw na jaw ya ai chyeju atsam hte re ai n re ai hpe chye ginhka hparan lu ai atsam, kaga wa hpe ga amyu myu chye tsun na atsam, bai kaga wa hpe tsun ai ga a lachyum hpe htai sanglang dan lu ai atsam jaw shajang mu ai.

1 KORINHTU 12:28

Karai Kasang gaw dai Hpung hta e, langai ngu na shara hta Kasa ni, lahkawng ngu shara hta myihtoi ni, masum ngu na shara hta sara ni, dai hpang e lamik kumla galaw ai ni, dai hpang machyi makaw shamai shatsai na atsam lu ai ni, masha kaga ni hpe karum madi shadaw lam madun chye ai atsam lu la ai ni, lam woi ningshawng ni hte, laklai ai ga amyu myu chye shaga ai ni hpe mung shi shara hte shi san tawn da manu ai.

HEBRE 1:2

Rai ti mung ndai hpang jahtum na nhtoi ladaw ni hta chyawm gaw shi a Kasha a n-gup hte anhte hpe shi a mungga jaw da mani ai. Dai Kasha wa hte nan nga yawng nga pra hpe hpan tawn da nu ai hte jahtum e mungkan yawng mayawng hpe up madu ai wa tai wa na shi hpe lata san da nu ai.

YAKU 5:3

Nanhte a ja hte gumhpraw ni hta nhkan jung mat nga ai rai nna dai nhkan gaw nanhte nhtan shai ai maga na sakse tai na ra ai rai nna nanhte a hkum shan hpe wan zawn sha kau na ru ai. Nanhte gaw ndai hpang jahtum na nhtoi ni hta e sut gan mahkawng sumpum da manu ai.

2 PETRU 3:3

Dai jahtum ai nhtoi ni hta tinang a hkum shan a kayut ai a myit ra ai hku hkan let asak hkrung ai masha ni paw pru na mara ai hpe yawng a shawng e nanhte chye na da ra myit dai. Shanhte gaw nanhte hpe jahpoi asawng let, “Dai Madu bai du sa na nga nna ga sadi jaw da ai n rai ni? Ya shi kanang rai nga a ta?