KASA 2:14 - Jinghpaw Common Language Bible 2009

¹⁴ Dai hpang Petru gaw kaga sape ni shi langai hte rau rawt tsap nna nsen shaja let dai masha ni hpe tsun mu ai gaw, “Yuda mung na ni hte Yerusalem mare e nga nga ai ni nlang hte e, ndai lam nanhte chye na myit ga, nye a ga hpe mung madat la mu!

Jinghpaw Hanson Version Bible

¹⁴ Shaloi Petru gaw sape shi langai ni hte rau rawt nna, nsen shaja let dai masha ni hpe tsun wu ai gaw, “Yuda mung na ni hte Yerusalem e nga nga ai ni nlang hte e, ndai lam nanhte chye na myit ga; nye a ga hpe mung madat la mu.

KASA 2:14 ပူးပေါင်းရင်းမြစ်များ

GA SHAGAWP 8:32

Ya chyawm gaw, shabrang ni e, nye a ga hpe madat mu; ngai tsun ai ga hte maren, hkan galaw ai rai yang, nanhte a lu na marin dai.

ESAIA 40:9

Yerusalem e, tsaw ai bum ntsa de lung nna kabu gara shiga htawn tsun u! Ziun e, ja ai nsen hte shaga nna, kabu gara shiga ndau shabra u! Dai hpe jahtau tsun u, hkum hkrit nga et. Shanhte a Karai Kasang du sa wa nga ai ngu, Yuda mare ni hpe tsun mu!

ESAIA 51:1

Dai Madu gaw, “Hkye hkrang la hkrum mayu ai ni hte karum la na matu ngai kaw du sa wa ai ni e, nye a ga madat mu. Nang pru sa wa ai kaw na lunghkrung, nang tawk la ai kaw na nhkun hpe myit yu u.

ESAIA 51:4

“Nye a amyu masha ni e, nye a ga madat mara mu, ngai tsun ai ga hpe madat mu: Ngai gaw masha amyu baw ni hpe nye a sharin shaga ga jaw nngai; nye a tara ni gaw shanhte a matu nhtoi tai na ra ai.

ESAIA 51:7

“Teng man ai amu hpe chye nna nye a sharin achyin ga hpe na a myit masin ni hta kyem da ai wa e, nye a ga madat u. Amyu masha ni nang hpe ashu nna n kaw n law di yang, hkum hkrit et;

ESAIA 52:8

Mare sin langa ni jahtau nga ma ai, kabu gara ai hte rau sha jahtau nga ma ai. Shanhte gaw dai Madu Ziun de nhtang wa ai hpe shanhte a myi hte chyaw mu lu ma ai.

ESAIA 55:2

Lusha majing n re ai hta na a gumhpraw hpe lahpawt lama rai hpa majaw jai shama n ta? Hpa majaw na a shabrai ni hpe jai kau nna naw kawsi kyet nga n ni? Nye a ga madat mara nna, ngai tsun ai hku galaw u, shaloi, nang gaw yawng hta kaja htum ai lusha hta kabu gara wa lu na rai ndai.

ESAIA 58:1

Dai Madu gaw, “Nang shaja lu ai daram jahtau u! Shanhte a yubak mara ni hte seng nna nye a amyu masha Israela ni hpe tsun dan u!

HOSEA 8:1

Dai Madu gaw ning nga tsun ai: “Pahtau dum dat mu! Gumlau hpyen ni gaw nye a mungdan de galang ni zawn htim yu wa ma hka! Nye a amyu masha ni gaw shanhte hte ngai tawn da ai ga shaka hpe jahten kau nhtawm nye a sharin shaga ai ga hpe gumlau kau manu ai.

MAHTE 2:1

Herod Hkawhkam a lakhtak e, Yuda mung na Betlehem mare hta Yesu shangai wa sai. Shangai wa ngut ai hpang, gade n na yang, sinpraw mung na hpaji rawng ai masha nkau mi, Yerusalem mare de sa du ma ai rai nna,

KASA 1:26

Shaloi shanhte gaw dai yan lahkawng hta na langai mi hpe lata la na matu hpaida da ma yang, Mahtia hta ang wa ai majaw shi hpe lata san da ma ai. Dai kaw nna shi gaw dai kasa shi langai hta jat lawm wu ai.

KASA 13:16

Shaloi Pawlu rawt nna lata dingsi let, “Israela amyu sha ni hte nang e Karai Kasang hpe nawku daw jau nga ai tara maigan ni yawng hte e madat la mu!

KASA 2:22

Israela masha ni e, ga ndai ni hpe madat la mu! Karai Kasang gaw mauhpa magam amu ni hte lamik kumla ni hpe Nazaret wa ngu ai Yesu a lata hte nanhte a man e madun dan sai. Dai rai nna shi gaw Karai Kasang kaw na daru magam ahkang aya lu ai wa re ai lam dan leng wa sai. Dai lam ni gaw nanhte a man e byin lai wa sai majaw nanhte ni nan chye nga myit dai.

KASA 21:28

Shanhte gaw, “Israela masha ni e, karum la marit! Ndai wa gaw shara shagu hkan hkawm nna yawng mayawng hpe anhte Israela amyu hpe mung, Mawshe a Tara hpe mung ndai Nawku Htingnu hpe mung nhtan shai mara shagun ai hku hkaw tsun sharin shaga ai wa rai nga ai law. Dai hta n-ga ya shi gaw tara maigan masha ni hpe Nawku Htingnu kata de shaga shashawn nna ndai Chyoi pra ai shara hpe awu asin di kau nu ai law!” nga nna jahtau ma ai.

KASA 5:35

tsun wu ai gaw, “Israela amyu masha manaw manang ni e, ndai ni hpe nanhte kaning di na ngu ai gaw atsawm sha sadi let naw myit yu mu.

KASA 7:2

Stehpan gaw, “Hpu nau ni hte wa ni e, ngai tsun ai hpe madat mara yu mu! Anhte a kaji daju Abraham, Haran mare de garai n wa nga, Mesopotamia mung e naw rai nga yang, hpung shingkang rawng ai Karai Kasang gaw shi kaw dan pru nna,

TARA JAHPRANG 27:9

Dai hpang Mawshe gaw Lewi hkinjawng ni hte rau Israela amyu masha ni hpe, “Israela amyu masha ni e, atsin sha nga nna, nye a ga madat mu. Dai ni, nanhte gaw dai Madu nanhte a Karai Kasang a amyu masha ni tai nga manit dai;

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.