KASA 2:11 - Jinghpaw Common Language Bible 2009

¹¹ Kreti hte Arabi mung na ni rai nga ga ai. Dai rai yang, Karai Kasang galaw ai mauhpa magam amu lam ni shanhte hkai dan ai ga hpe, tinang a amyu ga hku na la lu nga ga hka!,” nga nna myit kahpra mau let tsun ma ai.

Jinghpaw Hanson Version Bible

¹¹ Kreti hte Arabi mung na ni, anhte gaw, Karai Kasang a mauhpa amu magam lam shanhte hkai dan ai ga hpe, tinang a buga ga hku na la lu nga ga hka,” nga nna myit kahpra rai tsun ma ai.

KASA 2:11 ပူးပေါင်းရင်းမြစ်များ

1 HKAWHKAM 10:15

dai hta kaga hpaga ga ai masha ni kaw na hta la lu ai ahkun ni, hpaga amyat ni hte Arabi hkawhkam ni hte Israela ginwang ni hpe up hkang ai mung du ni sak jaw ai shagrau kumhpa ni naw lawm nga ai.

2 HKAWHKAM LABAU 17:11

Hpilisti masha nkau mi mung Yehoshahpat hpang de gumhpraw hte kaga kumhpa law law sa sak jaw ma ai; Arab masha ni mung sagu 7,700 hte bainam 7,700 sa sak jaw ma ai.

2 HKAWHKAM LABAU 26:7

Karai Kasang gaw shi hpe Hpilisti ni hpe mung, Gurabala mare e nga ai Arab masha ni hpe mung, Meuni masha ni hpe mung gasat dang kau lu na matu karum ya nga ai.

YOBA 9:10

Shi galaw ai amu kaba hpe anhte n dang chye lu ga ai; shi galaw ai mauhpa amu htum ngu n nga nga ai.

SHAKAWN KUNGDAWN 107:15

Shanhte a matu, shi galaw dan nu ai mauhpa magam bungli ni hte; shi a dinggrin tsaw ra myit a majaw, dai Madu hpe chyeju shakawn nga ra ma ai.

SHAKAWN KUNGDAWN 107:21

Shanhte a matu, shi galaw dan sai mauhpa magam bungli ni hte; shi a dinggrin tsaw ra myit a majaw, dai Madu hpe chyeju shakawn lu na rai mu ai.

SHAKAWN KUNGDAWN 107:8

Shanhte a matu, shi galaw dan nu ai mauhpa magam bungli ni hte; shi a dinggrin tsaw ra myit a majaw shanhte dai Madu hpe chyeju shakawn lu na rai mu ai.

SHAKAWN KUNGDAWN 111:4

Dai Madu gaw shi a mauhpa magam bungli ni, anhte hpe n malap shangun nga ai; shi gaw matsan dum ai hte n-gaw n wai ai myit rawng ai wa rai nga ai.

SHAKAWN KUNGDAWN 136:4

Shi chyu sha mauhpa lamik kumla kaba galaw lu nga ai; shi a tsaw ra myit htani htana agrin nga ai.

SHAKAWN KUNGDAWN 26:7

Chyeju dum ai mahkawn mangoi ga langai ngai mahkawn nna na a mauhpa magam amu ni yawng hpe tsun dan nngai.

SHAKAWN KUNGDAWN 40:5

Anhte a Madu Karai Kasang e, anhte a matu nang galaw da ya sai amu ni gaw law la nga ai; nang hte bung ai wa kadai mung n nga nga ai! Anhte a matu mauhpa yaw shada lam law law hpe nang galaw da ya nit dai. Dai ni gaw nau law la ai majaw, dai ni yawng a lam hpe ngai dang hti lu ai n rai!

SHAKAWN KUNGDAWN 71:17

Ngai brang ram prat naw rai nga ai aten kaw nna nang ngai hpe sharin ya nit dai; na a mauhpa magam amu ni hpe ya du hkra, ngai tsun dan nga nngai.

SHAKAWN KUNGDAWN 77:11

Madu e, na a galu kaba ai magam amu ni hpe ngai myit dum nga na nngai; nang galaw lai wa sai mauhpa amu ni hpe ngai bai myit dum nga na nngai.

SHAKAWN KUNGDAWN 78:4

Dai lam ni hpe anhte a kashu kasha ni a man e, makoi da na ga ai n rai; Madu a daru magam n-gun a lam, shi a galu kaba ai magam amu ni hte shi galaw dan sai mauhpa lam ni hpe hpang ban prat masha ni hpe anhte htawn tsun dan na ga ai.

SHAKAWN KUNGDAWN 89:5

Madu e, sumsing lamu ni gaw nang galaw ai mauhpa lam ni hpe mung, chyoi pra ai ni gaw na a sadi sahka lam hpe mung, mahkawn mangoi nga ma ai.

SHAKAWN KUNGDAWN 96:3

Masha amyu ni hpe shi a hpung shingkang, amyu masha ni yawng hte hpe shi a grau htum ai magam amu ni hpe htawn tsun dan nga mu.

PRU MAT 15:11

“Madu e, karai ni hta nang zawn re ai wa kadai nga nga a ta? Kadai wa nang zawn chyoi pra ai hta mauhpa amu shadan dan lu a ta? Nang galaw dan ai zawn, lamik kumla ni hte chyalai n-gun hte hpring ai amu hpe kadai wa galaw lu a ta?

ESAIA 13:20

Kadai mung dai shara e galoi mung bai nga lu na n rai. Bu hkawm nga ai Arab masha ni mung dai shara hkan shanhte a sum gap sana ma ai n rai, sagu rem ai ni mung dai yang e sagu rem sana ma ai n rai.

ESAIA 21:13

Ndai gaw Arabi hte seng ai mungga rai nga ai. Dedan masha ni e, nanhte gaw Arabi mung a hkun hkraw ai shara hta hpaga dabang hku but nga myit dai,

ESAIA 25:1

Madu e, nang gaw nye a Karai Kasang rai nga ndai; Ngai nang hpe shagrau na nngai, na a mying nsang hpe kungdawn na nngai. Nang gaw mauhpa amu ni hpe galaw nit dai; moi kaw nna nang galaw ai yaw shada lam ni hpe nang kangka ai hte galaw da nit dai.

ESAIA 28:29

Ndai hpaji byeng-ya yawng gaw Chyahtum Chyalai N-gun rawng ai dai Madu kaw na rai nga ai. Karai Kasang shatawng shada ai amu gaw hpaji rawng nga ai rai nna, dai ni gaw tut nawng awng dang nga ma ai.

YEREMIA 3:2

Kawng pungding ni hpe sharawt mada yu u. Shawa num zawn nang n galaw yu ai shara mi nga nga a ni? Arab masha gaw zaibru jang e lagyim ala nga ai zawn, nang gaw nmaw lam makau dingyang hkan sumtsaw ni hpe ala nga ndai. Nang gaw lamu ga hpe shawa num amu hte awu asin di kau nga nit dai.

KASA 2:10

Hprugi hte Pamhpuli, Egutu hte Kureni makau na Lebu ginwang hkan e nga ai ni, Roma nna wa nga ai ni ngu ai Yuda masha hte Proselutu ni,

KASA 2:12

Shanhte gaw mau mahka ung ang let, “Ndai zawn byin ai lam gaw hpa baw lachyum wa rai nga a ta?,” nga nna shada san hkat nga ma ai.

KASA 27:12

Dai daru hta nshung ta lai hkra hkring nga na n hkrak ai shara langai mi rai nga ai majaw dai kaw na pru nhtawm Hponik daru du lu yang du hkra sa nna, dai yang e nshung ta tawt hkra hkring nga na masha law malawng myit hkrum ma ai. Dai Hponik daru gaw Kreti zunlawng kaw na rai nna sinna dingda hte sinna dingdung de man yawng ai daru rai nga ai.

KASA 27:13

Dai rai nna dingda nbung angwi sha bung wa jang sanghpaw la ni gaw, shanhte myit ai lam awng dang sai zawn nawn nna, hpri chyinghkyi dawm la nhtawm, Kreti zunlawng makau hku jahtep lu ai daram jahtep nna garet sa wa ma ai.

KASA 27:7

Dai kaw nna anhte gaw, nhtoi law law wa, yat yat sa wa yang Kidu mare makau ang de yak hkak kaba hkrum let du ga ai. Nbung n sun ai majaw shawng de n shanang sa wa lu nna Kreti zunlawng hpe shinggrup let, Salmone ginchyum ang hku lai wa ga ai.

1 KORINHTU 12:10

Dai Wenyi nan kaga wa hpe lamik kumla galaw dan na atsam; kaga wa hpe myihtoi htoi na ahkang; kaga wa hpe Wenyi kaw na jaw ya ai chyeju atsam hte re ai n re ai hpe chye ginhka hparan lu ai atsam, kaga wa hpe ga amyu myu chye tsun na atsam, bai kaga wa hpe tsun ai ga a lachyum hpe htai sanglang dan lu ai atsam jaw shajang mu ai.

1 KORINHTU 12:28

Karai Kasang gaw dai Hpung hta e, langai ngu na shara hta Kasa ni, lahkawng ngu shara hta myihtoi ni, masum ngu na shara hta sara ni, dai hpang e lamik kumla galaw ai ni, dai hpang machyi makaw shamai shatsai na atsam lu ai ni, masha kaga ni hpe karum madi shadaw lam madun chye ai atsam lu la ai ni, lam woi ningshawng ni hte, laklai ai ga amyu myu chye shaga ai ni hpe mung shi shara hte shi san tawn da manu ai.

GALATI 1:17

Dai hta kaga nye a shawng e kasa tai nga ai ni hte sa hkrum na ngai Yerusalem de n lung wa ai sha Arabia mung de kalang ta sa mat wa nhtawm Damasku mare de bai wa nngai.

GALATI 4:25

Hagara gaw Arabi mung e nga ai Sina bum a malai tai nga ai. Shi gaw ya mayam tai nga ai Yerusalem mare hte mare masha ni a matu kumla tai ya nga ai.

TITU 1:12

Shanhte hta na tinang a amyu myihtoi rai nga ai Kreti masha langai mi gaw, “Kreti masha ni tut tut masu, matse labye n hkru, nakru lagawn bu,” nga nna tsun ai.

TITU 1:5

Kreti zunlawng hta naw galaw ra nga ai lam shagu hpe hkrak jaw hkra hkan yu galaw hpajang na matu hte, mare shagu hta hpung hpe up hkang na lit hkam salang ni hpe san da na matu ngai nang hpe jahti da de ai. Ya ngai jaw da na rai nga ai ga matsun ni hpe hkum malap kau et.

HEBRE 2:4

Dai hta kaga Karai Kasang gaw shi nan lamik kumla ni, mauhpa amu amyu myu galaw dan ai hku nna mung, Chyoi Pra ai Wenyi hte seng ai chyeju kumhpa ni hpe shi a myit ai hku hte maren garan jaw ai hku nna mung, shanhte a sakse ni hta jat kahtap nna madun dan nga ai.