KASA 2:10 - Jinghpaw Common Language Bible 2009

¹⁰ Hprugi hte Pamhpuli, Egutu hte Kureni makau na Lebu ginwang hkan e nga ai ni, Roma nna wa nga ai ni ngu ai Yuda masha hte Proselutu ni,

Jinghpaw Hanson Version Bible

¹⁰ Hprugi hte Pamhpuli, Egutu hte Kureni ginwang hkan e nga ai Lebu mung na ni, Roma nna wa nga ai ni, ngu ai, Yuda masha hte proselutu,

KASA 2:10 ပူးပေါင်းရင်းမြစ်များ

NINGPAWT NINGHPANG 12:10

Rai ti mung Hkanan mung hta grai nga n manu ai hte hku hku wa ai rai nna, dingda maga Egutu mung e tawng marang mi sa shingbyi nga na matu Abram pru sa wa wu ai.

ESHTA 8:17

Hkawhkam wa a ndau shabra laika hti shana dan ai mungdaw shagu hte mare shagu hta bansa ai shani lusha poi galaw let kabu gara awng sharawng nga ma ai. Kaga mung masha law law hte mung shanhte hpe hkrit nga ma ai majaw Yuda masha tai wa nga masai.

YEREMIA 46:9

Hpyen gumra ni pru sa nna, hpyen leng ni hkawm taleng nga na hkang dat nu ai! Ehtiopi mung hte Libya mung na hpyen ninggang ni hpe lang nga ai hpyenla ni hte Ludi mung na ndan chye shachyen ai masha ni pru wa mu ga,’” ngu nna tsun wu ai.

EZEKELA 30:5

“Dai majan gaw Ehtiopi, Libya, Luda, Arabi hte Hkuba mung kaw nna saw shaga da ai hpyenla ni hpe mung, nye a amyu masha ni hpe mung sat kau na ra ai.”

Daniela 11:43

Shi gaw Egutu mung na makoi da ai ja gumhpraw hte kaga manu dan ai sut gan rai ni hpe magawn mat wa ya na ra ai. Libya hte Ehtiopi mung hpe mung shi dang la na ra ai.

HOSEA 11:1

Dai Madu gaw, “Israela gaw ma naw rai nga yang, ngai shi hpe tsaw ra ai hte nye a kasha zawn shi hpe Egutu mung kaw na shaga shapraw la se ai.

ZEHKARIA 8:20

Chyahtum Chyalai N-gun rawng ai dai Madu gaw, “Mare kahtawng law law hkan na amyu masha ni Yerusalem mare de sa wa na aten du wa nga ai.

ZEHKARIA 8:23

Dai nhtoi hte yang, maigan masha marai shi gaw Yuda masha langai hpang de sa nna, ‘Karai Kasang gaw nanhte hte rau rai nga ai hpe anhte na saga ai majaw nanhte hte rau anhte rau hkawm sa mayu ga ai,” ngu nna tsun na mara ai.

MAHTE 2:15

si ai ten du hkra dai yang e nga nga ma ai. Dai gaw, “Ngai sha hpe Egutu mung na ngai shaga la se ai,” nga nna myihtoi a n-gup hta dai Madu tsun ai ga dik wa u ga she byin wa ai lam rai nga ai.

MAHTE 23:15

Hpyi hpun ai tara sara ni hte Hparishe ni e, nanhte dingnye lu myit dai; sape langai mi shatai la na matu nanhte gaw nammukdara hte hkarang hpe htinglet kahkrang hkawm myit dai, rai ti mung, sape shatai la ngut jang, shi hpe nanhte hta htam lahkawng grau hkra, ngarai mung hta hkrat bang na ging dan ai wa shatai myit dai.

MAHTE 27:32

Shanhte pru sa wa nga ma yang, shanhte gaw Kureni masha Simun mying ai masha langai mi hpe mu hkrum nna, Yesu a wudang hpai ya u ga, shi hpe adip arip di nna hpai shangun mu ai.

MARKU 15:21

Lam e rai nga yang, shanhte gaw Kureni mung masha, Alexandru yan Ruhpu a kawa, Simun ngu ai wa hte hkrum ma yang, hpyen la ni gaw shi hpe adip arip di nna Yesu a wudang hpai shangun mu ai.

KASA 11:20

Rai ti mung, shanhte hta na Kupru hte Kureni mung na kam sham ai kaga nkau mi Antioki de du ma ai rai nna, Yuda n re ai maigan Heleni masha ni hpe Madu Yesu a lam Kabu Gara Shiga hpe htawn tsun ma ai.

KASA 13:1

Ya Antioki mare na hpung hta e myihtoi ni, sara ni nkau mi lawm nang nga ma ai; Dai ni gaw, Barnaba, shan chyang masha ngu ai Simun, Kureni masha Luki, Herod munggyi a kaji kaw nna rau ram kanawn manang rai nga ai Manaen, hte Shawlu ni rai ma ai.

KASA 13:13

Pawlu hte shi a manang ni gaw Pahpu mare kaw nna li jawn nhtawm Pamhpuli mung na Perga mare de du wa ma ai. Yawhan Marku chyawm gaw shanhte hte hka nna Yerusalem mare de nhtang mat wa wu ai.

KASA 13:43

Ya tara jawng na shawa masha ni zuphpawng bra mat wa ai hpang Yuda masha ni law law Proselutu ni ngu ai Yuda nawku hkan ai maigan masha ni law law wa Pawlu yan Barnaba kaw hkan nang ma ai. Kasa ni mung dai masha ni hpe Karai Kasang a chyeju hta asak hkrung grin nga na matu n-gun jaw shadum jahprang mu ai.

KASA 14:24

Dai hpang shan gaw Pesidi mung hku ga sa wa nna Pamhpuli mung de du ma ai.

KASA 15:38

Rai ti mung Pawlu mahtang gaw, “Shi Sasana hkrun lam htum hkra shan hte rau n hkan hkraw ai, Pamhpuli mung e shan kaw na pru mat wa ai wa re ai majaw woi hkawm na matu n hkrak ai nga nna n shalawm mayu wu ai.

KASA 16:6

Ya Asi mung e mungga lam hkaw tsun dan na Chyoi Pra ai Wenyi shanhte hpe ahkang n jaw mu ai majaw shanhte gaw Hprugi hte Galati mung de ga sa wa ma ai.

KASA 17:21

(Hpa majaw nga yang, ya Ahten mare masha nlang hte hte dai yang na shingbyi manam ni gaw laklai ai prat dep byin nga ai amu ningnan ni a lam tsun hkai chyai ai hte madat la let, shanhte a aten nhtoi hpe jai lang ai hta ra sharawng nga ma ai.)

KASA 18:2

Dai mare hta Pontu mung e shangai ai Akula mying ai Yuda la langai mi hte hkrum wu ai; Dai wa gaw, Yuda masha nlang Roma mare na pru wa lu na nga nna Hkawseng Klawdi mungga shapraw dat ai majaw, madu jan Priskila hte rau Itali mung na htawt wa ai gade garai n na yang,

KASA 18:23

Dai kaw tawng marang mi nga nhtawm, shi bai pru nna Galati mung hte Hprugi mung hpe ga lai sa wa let, kam sham ai ni nlang hpe shadaw shangang nga ai.

KASA 2:11

Kreti hte Arabi mung na ni rai nga ga ai. Dai rai yang, Karai Kasang galaw ai mauhpa magam amu lam ni shanhte hkai dan ai ga hpe, tinang a amyu ga hku na la lu nga ga hka!,” nga nna myit kahpra mau let tsun ma ai.

KASA 23:11

Dai shana Madu gaw shi a makau e tsap pru nna, “Hkum hkrit et, nang nye a lam Yerusalem mare hta sakse hkam nit dai hte maren Roma mare hta mung naw hkam lu na ndai,” ngu tsun wu ai.

KASA 27:5

Dai hpang Kiliki mung hte Pamhpuli mung na panglai hpe rap di sa wa yang Luki mung na Mura mare de du ga ai.

KASA 28:15

Roma mare na kam sham ai hpu nau ni gaw anhte sa wa ai lam shiga na shajang nna hkap tau la na matu, Api gat hte manam jarawp masum du hkra sa ma ai. Pawlu shanhte hpe mu jang, shi Karai Kasang hpe shakawn kungdawn nna myit n-gun grai lu la nga ai.

KASA 6:5

Shing nga hpaji jaw ai ga dai hpe hpung ting na ni na ra ma ai rai nna, makam masham hpring tsup ai hte Chyoi Pra ai Wenyi hpring ai Stehpan ngu ai wa hte Hpilip, Prokoru, Nikanora, Timun, Parmena hte Antioki mare na Proselutu hpung na Nikola hte hpe lata la ma ai.

KASA 6:9

Rai ti mung Kureni mung hte Alexandru mare na Yuda ni lawm ai ‘Shanglawt’ ngu ai tara jawng hte seng ai ni, bai, shanhte hte rau Kiliki hte Asi kaji mung na Yuda amyu masha nkau mi rawt nna Stehpan hte ndang kalang hkat hpang wa ma ai.

ROMA 1:15

Dai rai nna Roma e nga ai nanhte hpe mung dai Kabu Gara Shiga hkaw tsun dan na ngai grai myit hkut nga nngai.

ROMA 1:7

Karai Kasang e tsaw ra nna shi a amyu masha tai na matu shaga la hkrum sai Roma hpung masha ni yawng hpang de ndai laika ka dat nngai. Anhte a Wa Karai Kasang hte Madu Yesu Hkristu kaw na chyeju hte ngwi pyaw ai gaw, nanhte hta e anga nga u ga law.

2 TIMOHTI 1:17

Shi gaw Roma mare du ai shaloi jang, ngai hpe n mu yang mu hkra hkan tam sagawn la ai.

SHINGRAN 11:8

Shan a moi mang gaw shan a Madu jen sat hkrum ai mare kaba a nmaw lam hta taw nga na ra ai. Dai mare a kumla ga hku shamying ai mying gaw Sodom mare shing n rai Egutu rai nga ai.