KASA 2:1 - Jinghpaw Common Language Bible 2009

¹ Ya, Pentekoti shani du jang, kam sham ai ni nlang hte gaw shara mi hta sha hpawng nga ma ai.

Jinghpaw Hanson Version Bible

¹ Ya Pentekoti shani du jang, shanhte nlang shara sha hta rau hpawng nga ma ai.

KASA 2:1 ပူးပေါင်းရင်းမြစ်များ

2 HKAWHKAM LABAU 30:12

Hkawhkam wa hte shi a du salang ni hkang dat ai ga hta hkan let, shi a myit ra hkan lu hkra nga, Karai Kasang mung Yuda mung hta amu galaw ai hte amyu masha ni hpe shanhte daw dan ai hte maren myit hkrum shinggyin da wu ai.

SHAKAWN KUNGDAWN 133:1

Karai Kasang a amyu masha ni myit hkrum rap ra nna, rau hpawng nga lu ai gaw, kade wa mauhpa rai nga a hka, dai gaw kade wa ngwi pyaw nga a hka!

PRU MAT 23:16

“Nanhte nsi naisi shu hpang wa ai shaloi, Nlung Nnan Poi galaw na rai myit dai. Nanhte a sabyi sun hte namsi namsaw sun ni kaw na namsi namsaw shinggyin la ai mangai aten hta Nmut Shinggyin Poi mung galaw lu na rai myit dai.

PRU MAT 34:22

“Shawng ngai ai nanhte a hkaulan mam hpe dan hpang ai shaloi, nmut shinggyin poi galaw na rai myit dai. Dai sha n-ga, namsi namsaw ni hpe shinggyin la ai shaloi Sum Poi galaw lu na rai myit dai.

YEREMIA 32:39

Ngai gaw shanhte hte shanhte a aru arat ni a mai kaja lam a matu asak hkrun lam tup hta ngai hpe aten shagu shagrau sha-a na ngu ai yaw shada lam langai sha shanhte hpe jaw na nngai.

ZEHPANI 3:9

“Dai hpang, ngai gaw masha amyu baw ni hpe galai kau nna shanhte gaw kaga hpara ni hpe n nawku ai sha ngai kaw chyu akyu hpyi wa na mara ai. Shanhte yawng nye a ga matsun ni hpe madat mara hkan sa na mara ai.

KASA 1:5

Yawhan gaw hka hta hkalup jaw ai, rai ti mung nanhte chyawm gaw nhtoi gade nna yang Chyoi Pra ai Wenyi hta hkalup hkam la lu na marin dai,” ngu nna shanhte hpe hkang da mu ai.

KASA 1:8

Rai ti mung dai Chyoi Pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga shingjut shingnaw ni htum hkra nye a sakse ni tai na marin dai,” ngu nna shanhte hpe tsun mu ai.

KASA 2:46

Shani shagu myit langai sha hte Nawku Htingnu hta shanhte htep lahti machyu nga nna tinang a nta ni hta myit nem ai hte kabu gara let rau sha lusha, shahpa sha ma ai.

KASA 20:16

Pawlu gaw Asi mung e nhtoi hkatum n shama mayu wu ai majaw Ehpesu mare hpe lai kau da nna li hte sa mat wa na myit daw dan da wu ai; hpa majaw nga yang Pawlu gaw byin mai yang Pentekoti shani dep lu hkra Yerusalem mare de du wa na matu tin da wu ai.

KASA 4:24

Dai na jang shanhte gaw myit langai sha hte Karai Kasang kaw, “Sumsing lamu hte ginding aga, panglai hte dai hte hta nga manga hpe hpan tawn da ai Madu e,

KASA 4:31

Shing rai akyu hpyi ngut jang, shanhte hpawng nga ai shara gaw gari ashun wa nna shanhte nlang hte hta Chyoi Pra ai Wenyi hpring wa ai hte Karai Kasang a mungga hpe nden ja ai myit hte tsun dan hpang wa ma ai.

KASA 4:32

Dai kam sham ai shawa hpawng ting gaw myit mang langai sha rai nga ma ai. Kadai mung tinang lu ai arai hpe nye a n nga ai sha shanhte yawng gaw lu ai arai hpa hpe rai tim shada da jawm garan lang ma ai.

KASA 5:12

Ya kasa ni gaw lamik kumla ni hte mauhpa amu law law hpe mung masha ni a man e madun dan mu ai. Kam sham ai ni yawng gaw Shawlumon mying ai jarawp hta hpawng de nga ma ai.

ROMA 15:6

Shing rai yang she, nanhte yawng rau sha nsen langai sha hte anhte a Madu Yesu Hkristu a Kawa Karai Kasang a hpung shingkang hpe shakawn kungdawn lu na myit dai.

1 KORINHTU 16:8

Pentekoti poi shani du hkra, Ehpesu Mare e ngai naw anga nga na nngai.

HPILIPI 1:27

Ya e nanhte a matu grau nna ra ahkyak dik ai lam gaw Hkristu a kabu gara shiga e hkan sa shangun ai hte maren asak hkrung nga pra na lam rai nga ai. Shing rai jang ngai nanhte hpang de sa du ai rai ti mung, n du lu ai rai ti mung, Wenyi e yaw shada ai lam langai sha hte nanhte lahpran tsap nga nna, myit ra sharawng ai lam langai sha hte dai kabu gara shiga a makam masham lam ngang grin galu kaba wa na matu rau sha majan jawm gasat nga ai lam hpe ngai na lu na nngai.

HPILIPI 2:2

Dai rai nna nanhte gaw myit hkrum ai lam langai sha, myit masin langai sha, myit mang langai sha rai nga ai hku nna, nye a kabu gara myit hpe jahpring shatsup ya na matu, ngai nanhte hpe shadut jahkat dat made ai.