KASA 19:9 - Jinghpaw Common Language Bible 2009

⁹ Rai ti mung nkau mi gaw myit ja nna n kam n sham ma ai rai nna, shawa masha ni a man e dai Madu a lam hpe n kaja ai ga ni hte tsun jahpoi asawng ma ai. Dai rai nna Pawlu gaw shanhte kaw na pru nna, sape ni hpe kaga jahka la nhtawm Turanu ngu ai wa a hpaji jawng gawk kaba hta shani shagu tsun bawng sharin shaga hkat nga ai.

Jinghpaw Hanson Version Bible

⁹ Rai timung, nkau mi gaw myit ja ma ai rai nna, n madat hkraw ai hta n-ga, shawa masha ni a man e ndai Lam hpe aroi asawng ya jang, shanhte kaw na shi pru nna, sape ni hpe kaga jahka la nhtawm, Turanu ngu ai wa a hpaji jawng hta, shani shanang sharin shaga hkat nga ai.

KASA 19:9 ပူးပေါင်းရင်းမြစ်များ

2 HKAWHKAM 17:14

Rai ti mung shanhte mahtang n madat n mara nga ma ai hte, dai Madu shanhte a Karai Kasang hpe n kam n sham ai shanhte a kaji kawa ni zawn du ja nga ma ai.

2 HKAWHKAM LABAU 30:8

Shanhte zawn myit hkum ja nga myit; dai Madu a ga hpe madat mara nga mu. Dai Madu nanhte a Karai Kasang gaw htani htana a matu shachyoi shapra da ai Yerusalem mare na Nawku Htingnu de sa nhtawm shi hpe nawku mu, shaloi shi nanhte hpe galoi mung pawt bu na ra ai n rai.

2 HKAWHKAM LABAU 36:16

Rai ti mung shanhte gaw Karai Kasang a kasa ni hpe asawng asang di nhtawm Karai Kasang a mungga hpe n kaw n law di nna shi a myihtoi ni hpe mani asawng kau mu ai majaw hpang jahtum dai Madu gaw shi a amyu masha ni hpe lawt lam htum mat hkra masin kahtet bu nga ai.

NEHEMIA 9:29

Na a sharin shaga ga ni madat na matu shanhte hpe nang sadi jaw nga ndai, rai ti mung shanhte gaw gumrawng gumtawng ai hte na a tara ni hpe mung, na a Tara shatup ai gaw asak lam rai nga ti mung ningdang kau ma ai. Baw ja ai hte du ja nga ai majaw, shanhte n madat n mara ma ai.

SHAKAWN KUNGDAWN 95:8

“Meriba e nga lai wa sai nanhte a kaji kawa ni zawn nanhte a du ni hpe hkum shaja da nga myit; nam mali na Masa shara e, nanhte a kaji kawa ni nga lai wa ai shaloi na zawn, nanhte a myit hpe hkum shaja da nga myit.

GA SHAGAWP 8:34

Nye a ga madat mara ai hte nye a chyinghka e shani shagu nga nga nna; nye a nta nhku de shang wa ai chyinghka lam hta ala nga ai wa gaw a nga ai.

ESAIA 8:14

Hkrit hkungga na zawn re ai nye a chyoi pra ai hpung shingkang a majaw, ngai gaw amyu masha ni hpe ahtu kataw shangun ai nlung zawn rai nga nngai; ngai gaw Yuda hte Israela a mungdan amyu masha ni hte Yerusalem mare masha ni hpe hkam ai mahkam zawn rai nga nngai.

YEREMIA 19:15

Chyahtum Chyalai N-gun Rawng ai dai Madu Israela a Karai Kasang gaw, “Nang adu ja nga ndai hte ngai tsun ai ga hpe n madat nga ndai majaw ngai galaw na ngu tsun da ni ai hte maren, ndai mare hta mung, makau grup yin na kahtawng shagu hta mung ari mahkra ngai shapraw na we ai,” ngu nna tsun nu ai.

YEREMIA 7:26

Rai tim, marai langai mi pyi madat ai n rai, dai lam hpe hpa zawn n nawn ya nga ma ai. Dai zawn madat ya na malai, nanhte gaw du grau ja wa ai hte nanhte a nji nwa ni hta grau nna pyi gumlau nga myit dai.

MAHTE 15:14

Dai rai nna shanhte a majaw, myit hkum ru nga myit. Shanhte gaw myi kyaw ai wa hpe lam madun ai myi kyaw ai ni rai nga ma ai: myi kyaw ai wa gaw, myi kyaw ai wa hpe lam madun a yang gaw, shan lahkawng gaw nhkun kata de di hkrat na mara ai,” ngu mu ai.

MAHTE 16:4

Ndai prat na masha ni gaw gade wa n hkru n kaja nna karai kata ai masha ni rai nga ma hka! Nanhte gaw ngai kaw lamik kumla langai mi hpyi myit dai; rai ti mung, Yona a lamik kumla hta kaga, hpa lamik kumla mung, nanhte hpe ngai n dan na nme ai,” ngu nna tsun wu ai. Shaloi shi shanhte hpe kau da nna pru mat wa ai.

MAHTE 26:55

Dai hpang Yesu gaw shawa masha ni hpe, “Damya hpe rim la ai zawn, ngai hpe rim la na, nanhte nhtu, dawhkrawng hte pru sa wa marin ni? Ngai shani shagu Nawku Htingnu hta e dung nna sharin shaga nga ai ten hta, nanhte ngai hpe n rim la manit dai.

YAWHAN 12:40

Karai Kasang gaw, shanhte a myi hpe magap kau ya nna, myit masin ni hpe mung shaja kau ya wu ai, nga ai ga hte maren shanhte n kam n sham lu ma ai.

KASA 11:26

Shi hpe mu jang Antioki de woi wa wu ai. Ya, shan gaw laning mi tup dai hpung masha ni hte rau hpawng nga ma ai rai nna masha law law hpe sharin shaga lu ma ai, sape ni mung Hkristan ni ngu ai mying hpe Antioki mare hta shawng lu la ma ai.

KASA 14:4

Mare masha ni chyawm gaw myit bra wa ma ai rai nna, nkau mi Yuda ni hpang de, nkau mi kasa ni hpang de, rai mat ma ai.

KASA 17:4

Shanhte hta na nkau mi gaw kam sham nna, Pawlu yan Sila hte kanawn nga ma ai. Dai ni hta Karai Kasang hpe kam sham nawku ai Grik masha law law hte arawng lu ai num ni ram ram wa lawm nga ma ai.

KASA 19:23

Ya dai hte yang, Madu a Lam a majaw Ehpesu mare e kabring kabrawng re ai lam grai sawng ai hku byin wa ai.

KASA 19:30

Pawlu gaw shi nan dai shawa hpawng de shang sa nna shanhte hte hkrum katut mayu da nu ai, rai ti mung kam sham ai ni shi hpe hkum shadang mu ai.

KASA 20:31

Dai re majaw, ngai nanhte mahkra hpe masum ning tup shani shana myi prwi law law hkrat nna sharin achyin shadum shahprang da ai hpe dum nna amaja nga mu.

KASA 22:4

Ngai gaw Yesu a lam hta hkan nang ai numsha lasha ni hpe gyit hkang sharen nna htawng hta bang da let, sat kau ai du hkra zingri zingrat yu ni ai.

KASA 24:21

ngu nna jahtau tsun ai ga hta kaga ngai hta hpa mara nga yang ndai masha ni shanhte hkum nan tsun dan mu ga,” ngu nna tsun wu ai.

KASA 28:22

Rai ti mung, ndai nang lawm ai hka bra hpung hpe shara shagu hta masha ni n ra sharawng nna tsun ninghkap nga ma ai hpe anhte chye ga ai majaw, nang myit ai hku mung anhte na mayu ga ai,” ngu nna htan mu ai.

KASA 7:51

“Dai daram wa nanhte du ja nga myit hka! Nanhte a myit masin ni gaw Karai Kasang hpe dai daram wa n kam n sham nga malit hka! Karai Kasang a shingran mungga hpe na la na dai daram wa na lahpang nga myit hka! Nanhte gaw, nanhte a nji nwa ni galaw ai zawn Chyoi Pra ai Wenyi hpe nanhte galoi mung ninghkap nga myit hka!

KASA 9:2

Yesu a lam hkan ai numsha lasha ni hpe rim la nna Yerusalem de dun wa lu hkra shi hpe ahkaw ahkang jaw sai lam Damasku mare na tara jawng ni hpe htet dat ai laika hpyi gun wu ai.

ROMA 11:7

Dai rai yang gaw kaning ngu tsun na rai ta? Israela amyu masha ni gaw tinang tam ai hpe n mu ma ai lam dan leng nga ai. Karai Kasang e lata la hkrum ai ni nkau mi sha mu lu ma ai, ngam ai ni gaw Karai Kasang a saw shaga ai nsen hpe n na ma ai.

ROMA 9:18

Dai rai nna Karai Kasang gaw, Kadai hpe mung chyeju galaw mayu yang galaw nga ai, kadai hpe mung myit shaja mayu yang shaja ya nga ai.

1 KORINHTU 16:9

Hpa majaw nga yang, dai mare hta ngai hpe ninghkap ai hpyen ni law law nga nga ma ai; rai ti mung, akyu rawng nna kaba la ai magam bungli gun hpai na ahkaw ahkang kaja mung nga nga ai.

1 TIMOHTI 6:5

Dai hta n ga, myit n gu ai lam hte teng man ai lam hpe n mu n chye ai ni kaw nna ndang kalang ai lam ni gaw ya sha ya sha pru nga ai. Nawku htung ngu ai gaw lu su ngamai na matu re ngu nna shanhte myit la ma ai.

2 TIMOHTI 1:15

Nang chye nga ndai hte maren, Hpugelu yan Heramoge hte hpawn Asi kaji mung e nga ai ni yawng ngai hpe kau da mani ai.

2 TIMOHTI 3:5

Shanhte gaw anhte a nawku makam masham htung lai ntsa lam hkrang masa hpe hkan sa ma ai rai ti mung de a hpung shingkang atsam majing hpe gaw nyet kau ai ni rai ma ai. Shing re ai masha ni hpe mung koi kau u.

2 TIMOHTI 4:2

Dai mungga hkaw dan na matu, chye na shangun na matu, mara madun nna daru na matu, n-gun jaw na matu, myit galu ai hte sharin shaga na matu, (du hkra ladaw ang ai rai ti mung, n ang ai rai ti mung) a shaja nga u, ngu nna ngai nang hpe shadut jahkat dat de ai.

HEBRE 3:13

Nanhte hta na langai mi mung yubak mara e hkalem hkalau ai hkrum nna du ja ai masha n tai myit ga, Chyum Laika hta tsun ai “Dai ni” ngu nna anhte a matu naw tsun lu ai laman hte hta, shani shagu shada da mahtang karum shadaw hkat nga mu.

2 PETRU 2:12

Rai ti mung ndai masha ni gaw hkwi rim la nhtawm sat kau na matu nga pra ai du sat chyazai ni zawn shanhte pyi n chye ai lam ni hpe hkritung myit hte roi asawng ai amu galaw ma ai. Shanhte gaw du sat chyazai ni zawn jahten shabya kau ai hkrum na mara ai.

2 PETRU 2:2

Shing rai hkra rai ti mung, masha law law wa shanhte a n kaja ai kyang lai len lam hta hkan sa na mara ai. Shanhte shing rai galaw ma ai majaw dai teng man ai Lam hpe masha kaga ni n kaja ai hku tsun jahpoi na mara ai.

YUDA 1:10

Rai ti mung ndai masha ni gaw shanhte n chye n chyang ai hpa hpe mung mara shagun shahpyak chye ma ai. Nam na dusat chyazai ni zawn shanhte a hkritung myit hte chye na lu ai arai ni mung shanhte hpe hten za sum hkrum shangun nga ma ai.