KASA 19:6 - Jinghpaw Common Language Bible 2009

⁶ Ya Pawlu shanhte a ntsa e lata mara ya jang Chyoi pra ai Wenyi shanhte a ntsa e du nna shanhte laklai ai ga, myu kaga shaga nna Karai Kasang a mungga hpe mung tsun shana ma ai.

Jinghpaw Hanson Version Bible

⁶ Ya Pawlu shanhte a ntsa e lata mara jang, Chyoi pra ai Wenyi shanhte a ntsa e du nna, shanhte ga amyu kaga tsun nna myihtoi htoi ma ai.

KASA 19:6 ပူးပေါင်းရင်းမြစ်များ

MARKU 16:17

Kam sham ai ni hpe lamik kumla ni galaw na atsam jaw ya na ra ai; shanhte gaw nye a mying ningsang hte nat ni hpe shaden kau lu na mara ai; shanhte gaw laklai ai ga ni tsun shaga na mara ai.

KASA 19:7

Shanhte yawng lasha marai shi lahkawng rai nga ma ai.

KASA 2:4

Shanhte nlang hte mung, Chyoi Pra ai Wenyi hpring shajang nna, Wenyi e shadut mu ai hte maren ga amyu kaga ga hku shaga wa ma ai.

KASA 6:6

Dai hpang shanhte hpe kasa ni a man de jashawn dat nna dung nga shangun mu ai, kasa ni akyu hpyi ngut jang, shanhte a ntsa e lata mara jaw da mu ai.

KASA 9:17

Dai majaw Anani sa nna Shawlu nga ai nta de shang nhtawm Shawlu a ntsa e lata mara let, “Hpu nau Shawlu e, nang myi bai mu lu nna Chyoi pra ai Wenyi hpring lit ga nga, nang sa wa ai lam e nang hpe shadan dan ai Yesu nan, ngai hpe shangun dat ni ai,” ngu wu ai.

1 TIMOHTI 5:22

Madu a magam bungli gun hpai na matu kadai hpe mung lata mara nna aya dang ya na hkum tin et. Kaga masha ni yubak galaw ai lam hta hkum lawm et; nang nan mara n kap hkra san seng nga u.

2 TIMOHTI 1:6

Dai re ai majaw ngai nang hpe lata mara nna aya dang ya ai shaloi Karai Kasang kaw na nang hkam la sai chyeju kumhpa hpe ahkrung nga shangun na matu nang hpe ngai bai shadum dat de ai.