KASA 19:4 - Jinghpaw Common Language Bible 2009

⁴ Shaloi Pawlu gaw, “Yawhan a hkalup lam gaw yubak mara kaw na myit malai lu ai ni a matu jaw ai she rai nna, shi a hpang e sa ai Yesu ngu ai wa hpe mahtang kam sham ra ai,” ngu nna Israela masha ni hpe tsun mu ai.

Jinghpaw Hanson Version Bible

⁴ shaloi Pawlu, “Yawhan gaw myit malai baptisma she jaw ai rai nna, shi a hpang e sa ai, Yesu ngu ai wa hpe mahtang, kamsham ra ai,” ngu nna mung masha ni hpe tsun mu ai, ngu mu ai.

KASA 19:4 ပူးပေါင်းရင်းမြစ်များ

YAWHAN 1:15

Shi a lam Yawhan sakse hkam ya wu ai gaw, “Nye a hpang e du sa ai wa gaw, ngai garai n shangai kaw nna nga nga sai wa rai nna, ngai hta grau kaba ai wa rai nga ai, ngu nna ngai sakse hkam ya ai wa gaw ndai wa nan rai nga ai,” ngu nna jahtau tsun ai.

YAWHAN 1:26

Yawhan gaw, “Ngai gaw hka hta hkalup jaw nngai, rai ti mung nanhte a ka-ang e nanhte n chye ai wa langai mi tsap nga ai.

YAWHAN 1:27

Dai wa gaw nye a hpang e du sa ai wa rai nga ai; shi a kyepdin sumri hpe raw ya na pyi ngai n ging nngai,” ngu nna shanhte hpe htan mu ai.

YAWHAN 1:7

Karai Kasang a mungga hpe masha yawng na la nna kam sham wa mu ga nga, dai wa gaw dai nhtoi a lam sakse hkam ya na matu du sa ai.

KASA 1:5

Yawhan gaw hka hta hkalup jaw ai, rai ti mung nanhte chyawm gaw nhtoi gade nna yang Chyoi Pra ai Wenyi hta hkalup hkam la lu na marin dai,” ngu nna shanhte hpe hkang da mu ai.

KASA 11:16

Shaloi she, ‘Yawhan gaw hka hte hkalup jaw wu ai rai ti mung nanhte gaw Chyoi Pra ai Wenyi hta hkalup hkam la na marin dai,’ nga nna shi Madu tsun ai ga hpe ngai dum we ai.