KASA 19:34 - Jinghpaw Common Language Bible 2009

³⁴ Rai ti mung shi Yuda masha langai mi rai nga ai hpe shanhte chye jang, yawng hte ting, “Ehpesu masha ni a Artemi she galu kaba ai law,” nga nna lang lata hkying hkum lahkawng daram na hkra marawn bu ma ai.

Jinghpaw Hanson Version Bible

³⁴ Rai timung shi Yuda masha re ai chye jang, yawng hte ting, “Ehpesu masha ni a Artemi she galu kaba ai law,” nga nna lang lata hkying lahkawng daram na hkra marawn bu ma ai.

KASA 19:34 ပူးပေါင်းရင်းမြစ်များ

1 HKAWHKAM 18:26

Shanhte hpe jaw da ai usu hpe shanhte hpya la nna dai hpe hkyen shachyip tawn nhtawm shana de du hkra, Bala kaw hpyi ma ai. Shanhte gaw, “Bala e, anhte hpe htan ya mi law!,” ngu nna jahtau tsun ma ai. Shing rai shanhte galaw tawn ai tawn hkungri grup grup hta ka manawt nga ma ai. Rai ti mung hpa mahtai mi n pru nga malu ai.

MAHTE 6:7

Nanhte akyu hpyi ai shaloi maigan masha ni zawn lachyum n pru ai ga ni tsun kahtap htap hkum rai myit, dai maigan masha ni gaw shanhte galu galang akyu hpyi ai majaw, shanhte a hpara ni madat ya na zawn nawn nga ma ai.

KASA 16:20

Shing rai shan hpe du ni a man de woi jashawn nhtawm, “Ndai yan gaw Yuda masha rai ma ai; shan gaw anhte a mare hta kasu kabrawng ai lam byin hkra woi galaw nga ma ai.

KASA 19:24

Hpa rai nga yang Demetri ngu ai gumhpraw janghkam langai mi gaw Artemi hpara num sumla kaji ni hpe galaw shachyaw dut ai hte amu galaw manang ni hpe grai woi shalu jasu da mu ai.

KASA 19:26

Rai ti mung ya ndai Pawlu ngu ai wa gaw Ehpesu mare e sha n rai sa, ganoi Asi mung ting ngu na wa masha lata hte galaw ai karai ni gaw Karai Kasang n re nga nna masha law law hpe gunglau ai hte myit shayit kau ya manu ai gaw, nanhte nan mu lu na lu nga myit dai.

KASA 19:28

Shawa masha ni dai ga na jang, shanhte masin pawt bu shajang nna “Ehpesu masha ni a Artemi she galu kaba ai law!” nga nna marawn nga ma ai.

KASA 19:33

Ya Yuda masha ni Alexandru hpe shawng de pru sa shangun mu ai rai nna, masha nkau mi gaw ndai byin ai lam hte seng ai wa rai sam ai ngu myit la ma ai, Alexandru mung shawa hpawng hpe asim sha nga na matu shi a lata galang dingsi nna ga tsun hparan ningdang kau na shakut wu ai.

KASA 19:35

Jahtum e mare chyare wa mare masha ni hpe jasim kau ngut jang, “Ehpesu masha ni e, Ehpesu mare gaw galu kaba ai hpara shayi Artemi a nawku htingnu hte sumsing lamu de na hkrat wa ai nlung sumla e bau sin ai mare rai nga ai hpe masha shagu chye nga ai.

ROMA 2:22

“Masha num hkum shaw,” ngu nna nang tsun nhtawm tinang dai num shaw nga n hka? Gawkngu sumla hpe nang matsat nga nhtawm shanhte a hpara nta ni hpe hpya la nga n ni?

SHINGRAN 13:4

Baren numraw gaw matse labye hpe shi a ahkang aya ap ya sai majaw, masha shagu gaw dai baren numraw hpe nawku ma ai. Shanhte dai matse labye hpe nawku ma ai hte, “Ndai matse labye hte kadai wa bung nga a ta? Shi hpe kadai wa shingjawng gasat lu na a ta?,” nga shajang ma ai.