KASA 19:1 - Jinghpaw Common Language Bible 2009

¹ Ya Apolo Korinhtu mare e nga nga yang, Pawlu gaw dai mungdaw a hkin-gau mayan lahta daw kaw nna kata maga hku ga sa wa ai hpang Ehpesu mare de du ai. Dai mare kaw shi sape nkau mi hpe hkrum ai rai nna,

Jinghpaw Hanson Version Bible

¹ Ya Apolo Korinhtu mare e nga nga yang, Pawlu gaw lahta mung hku ga sa wa nna, Ehpesu mare de du ai: dai yang shi sape nkau mi hpe hkrum ai rai nna,

KASA 19:1 ပူးပေါင်းရင်းမြစ်များ

KASA 18:1

Dai hpang Pawlu gaw Ahten mare na pru nna Korinhtu mare de du ai.

KASA 18:8

Krispu mying ai tara jawng agyi wa mung shi a nta masha nlang hte hpawn Madu hpe kam sham ma ai; kaga Korinhtu masha ni law law mung, dai mungga na la nna kam sham ai hte hkalup hkam la ma ai.

KASA 19:17

Dai lam hpe Ehpesu mare na Yuda masha ni hte tara maigan masha ni nlang chye ma yang, shanhte yawng hkrit mat shajang nna, Madu Yesu a mying nsang hpe shagrau sha-a shajang ma ai.

KASA 19:26

Rai ti mung ya ndai Pawlu ngu ai wa gaw Ehpesu mare e sha n rai sa, ganoi Asi mung ting ngu na wa masha lata hte galaw ai karai ni gaw Karai Kasang n re nga nna masha law law hpe gunglau ai hte myit shayit kau ya manu ai gaw, nanhte nan mu lu na lu nga myit dai.

KASA 20:16

Pawlu gaw Asi mung e nhtoi hkatum n shama mayu wu ai majaw Ehpesu mare hpe lai kau da nna li hte sa mat wa na myit daw dan da wu ai; hpa majaw nga yang Pawlu gaw byin mai yang Pentekoti shani dep lu hkra Yerusalem mare de du wa na matu tin da wu ai.

KASA 20:18

Dai ni du jang Pawlu gaw, “Asi mung de ngai nnan du ai shani kaw nna nanhte hte rau nga nga ai aten nlang hte hta ngai kaning rai nga nga nngai gaw nanhte chye chyalu rai nga myit dai.

KASA 21:29

“Hpa majaw nga yang, shanhte gaw Pawlu hte Trohpimu ngu ai Ehpesu mare masha langai mi hte rau mare e mu manu ai rai nna dai wa hpe Nawku Htingnu de shashawn nu ai, nga nna myit ma ai.”

1 KORINHTU 1:12

Ngai ning ngu nna tsun made ga, nanhte hta na masha nkau mi gaw, “Ngai gaw Pawlu a sape rai nngai; ngai gaw Apolo a sape rai nngai; ngai gaw Petru a sape rai nngai; ngai gaw Hkristu a sape rai nngai,” nga nna nanhte langai hte langai shai ai hku tsun hkat shajang nga myit dai.

1 KORINHTU 15:32

Lama wa ngai shinggyim masha a maw mawn ai myit hte sha mungkan akyu hpe myit mada let Ehpesu Mare na matse labye dusat ni hte gasat hkat nngai rai yang gaw, nye a matu hpa akyu nga na a ta? Si mat ai ni bai n hkrung rawt wa na rai yang gaw, masha ni tsun ga ai ga, “Anhte lu ga, sha ga, pyaw pyaw rai nga ga, hpawt ni anhte si na ga ai,” nga ai hte maren sha rai na rai nga ai.

1 KORINHTU 16:12

Ya, hpu nau Apolo a lam hte seng nna tsun ga nga yang, kaga hpu nau ni hte rau shi nanhte hpang de sa chyai hkawm na matu, ngai shi hpe ya sha ya sha n-gun jaw shadut jahkat we ai, rai ti mung ya aten hta sa na shi kachyi mi pyi myit n hkut wu ai. Mai ang ai aten du yang, shi sa na ra ai.

1 KORINHTU 16:8

Pentekoti poi shani du hkra, Ehpesu Mare e ngai naw anga nga na nngai.

1 KORINHTU 4:6

Hpu nau ni e, nanhte a matu mai kaja ai lam hpe myit tau yu let, ndai lam hta ngai hte Apolo a lam hpe ga shadawn kasi shatai nna tsun dan made ai. Dai hku tsun dan ai lam gaw, “Hkan sa tara madung hpe lai nna hkum galaw mu,” nga ai ga malai a sung ai lachyum hpe nanhte chye na lu na matu rai nga ai. Nanhte gaw langai wa hta myit kaba gumrawng nna kaga wa hpe n gawn n sawn hkum rai myit.

EHPESU 1:1

Karai Kasang a myit ra ai hku hte maren, Hkristu Yesu a kasa aya hta san da hkrum ai ngai Pawlu kaw nna Ehpesu mare hta e nga ai Hkristu hte langai sha rai nga ai asak hkrung lam hta kangka sadi dung ai Karai Kasang a masha ni hpang de ga shana dat nngai.