KASA 18:7 - Jinghpaw Common Language Bible 2009

⁷ Dai hpang shanhte kaw na shi pru mat wa nhtawm Karai Kasang hpe kam sham nawku ai Yuda masha n re ai Titu Yustu mying ai wa a nta de shang manam nga ai. Dai wa a nta gaw tara jawng hte htep rai nga ai.

Jinghpaw Hanson Version Bible

⁷ Dai yang na shi pru nhtawm, Karai Kasang hpe nawku ai Titu Yustu mying ai wa a nta de, shang bang wa ai; dai wa a nta gaw tara jawng hte htep rai nga ai.

KASA 18:7 ပူးပေါင်းရင်းမြစ်များ

YAWHAN 9:31

Yubak kap ai ni a ga hpe Karai Kasang n madat nga ai gaw anhte chye ga ai, Karai Kasang hpe nawku hkungga nna shi a myit ra ai hku hte maren hkan sa galaw ai ni a ga hpe gaw madat nga ai.

KASA 10:2

Shi gaw tara hkungga ai wa rai nna shi hte shi a nta dinghku masha ni yawng Karai Kasang hpe hkrit hkungga nawku daw jau ma ai. Shi gaw matsan mayan re ai Yuda masha ni hpe mung alu law law jaw ai hte karum madi shadaw let Karai Kasang kaw tut tut akyu hpyi nga ai.

KASA 10:22

Shanhte gaw, “Anhte hpe hpyen latsa up ai du wa Korneli shangun dat mi ai. Shi gaw kaja ai masha langai mi rai nna Karai Kasang hpe hkrit hkungga ai hte Yuda amyu ting a man e grai myi man pa ai, hkungga lara hkrum ai wa rai nga ai. Karai Kasang a Lamu Kasa langai mi gaw, nang hpe Korneli shi a nta de shaga bang nna nang tsun ai ga madat la na lam hkang da nu ai,” ngu nna tsun mu ai.

KASA 13:42

Ya Pawlu hte Barnaba dai tara jawng na pru wa yang masha ni gaw hpang na bat Bansa Nhtoi bai nhtang sa nna ndai lam ni hpe grau nna hkaw tsun dan na saw shaga ma ai.

KASA 13:43

Ya tara jawng na shawa masha ni zuphpawng bra mat wa ai hpang Yuda masha ni law law Proselutu ni ngu ai Yuda nawku hkan ai maigan masha ni law law wa Pawlu yan Barnaba kaw hkan nang ma ai. Kasa ni mung dai masha ni hpe Karai Kasang a chyeju hta asak hkrung grin nga na matu n-gun jaw shadum jahprang mu ai.

KASA 13:50

Rai ti mung Yuda masha ni gaw mare na du agyi salang ni hte Karai Kasang hpe nawku kam sham ai lahta tsang maigan amyu num sha ni hpe myit sharawt jashut nhtawm Pawlu Yan Barnaba hpe zingri zingrat di shangun ai hte, shanhte a lamu ga kaw na gawt shapraw kau ma ai.

KASA 16:14

Shanhte hta na anhte a ga na la ai numsha gaw Htuatira mare na sumpan hkyeng sawm dut ai Ludi ngu ai jan rai nga ai. Shi gaw Karai Kasang hpe nawku kam sham ai numsha rai nna, Pawlu tsun dan nga ai ga hpe na lasha let madat la u ga, Madu e shi a myit hpaw ya wu ai.

KASA 17:4

Shanhte hta na nkau mi gaw kam sham nna, Pawlu yan Sila hte kanawn nga ma ai. Dai ni hta Karai Kasang hpe kam sham nawku ai Grik masha law law hte arawng lu ai num ni ram ram wa lawm nga ma ai.

KOLOSE 4:11

Yustu ngu nna mung shamying ai Yesu mung, nanhte hpe shakram dat ai. Ndai marai masum chyu sha kam sham ai Yuda masha ni rai nna, Karai Kasang a mungdan a matu ngai hte rau amu galaw ai nye a shingdep shingtau ni rai nga ma ai hte ngai hpe karum dik ai ni rai ma ai.