KASA 18:5 - Jinghpaw Common Language Bible 2009

⁵ Ya Sila yan Timohti Makedoni mung nna hkan dep du wa ma yang Pawlu gaw mungga hkaw tsun ai amu hkrai san aten jaw nna, Yesu gaw Meshia nan rai nga ai lam Yuda masha ni hpe sakse hkam dan nga ai.

Jinghpaw Hanson Version Bible

⁵ Ya Sila yan Timohti Makedoni mung nna hkan dep jang, Pawlu gaw mungga hkaw lam hkrai san rai nna, Yesu gaw Hkristu nan rai nga ai, nga nna Yuda masha ni hpe sakse hkam da wu ai.

KASA 18:5 ပူးပေါင်းရင်းမြစ်များ

YEREMIA 20:9

Rai ti mung, ngai gaw, “Ngai gaw dai Madu hpe malap kau na nngai, shi a mying hta mahta nna galoi mung n shaga na ni ai,” ngu nna tsun ai shaloi, na a mungga gaw nye a myit masin kata hta wan zawn hkru nga li ai. Dai hpe hkam jan lu na matu kaja htum ai hku shakut ti mung, dai hpe loi mi pyi n lu sharang lu nngai.

YEREMIA 6:11

Madu e, shanhte hpe hkru shangun ai na a myit kahtet ai gaw ngai hta mung hkru nga ai; ngai gaw dai hpe loi mi mung n sharang lu nga nngai,” ngu nna htan ni ai. Dai hpang, dai Madu gaw ngai hpe, “Nmaw lam ntsa hkan e nga ai ma kaji ni a ntsa e mung, zup hpawng nga ai shabrang ni a ntsa de mung, nye a myit kahtet ai hpe ru dat u. Madu wa ni hte madu jan ni gaw woi la hkrum nna aprat kaba u-gut gu sai ni pyi ngam tawn da hkrum na mara ai n rai.

EZEKELA 3:14

Dai Madu a daru magam n-gun gaw nye a ntsa e n-gun kaba hte du yu wa nna, shi a wenyi gaw ngai hpe shapoi mat wa wu ai, shing rai ngai gaw ja ja myit ru ai hte masin kahtet nga nngai.

MIHKA 3:8

Rai ti mung, nye a matu chyawm gaw, dai Madu ngai hpe shi a wenyi hte daru magam n-gun hte jahpring ya nna tara dara ai nyan hpaji hte Israela amyu masha ni shanhte a yubak lam ni hpe tsun dan lu ai share shagan ai myit ni jaw bang ya nga ai.

LUKA 12:50

Ngai hkam la na hkalup langai mi naw nga ai; dai garai n hkam hkam gaw, ngai nachying myit nni nkri hkrum nga nngai.

LUKA 16:28

Ngai nau ni manga naw nga ma ai majaw, shanhte mung ndai nni nkri hkrum ai shara de n du mu ga, shanhte hpe wa shadum jahprang sadi jaw shangun ya rit law,’ ngu nna hpyi wu ai.

YAWHAN 1:41

Shi gaw shi a kahpu rai nga ai Simun hpe shaloi jang tam la nna, “Meshia hpe anhte mu saga ai,” ngu nna shi hpe tsun dan wu ai. (Meshia ngu ai gaw Hkristu nga ai rai nga ai.)

YAWHAN 10:24

Dai shaloi Yuda masha ni gaw shi kaw sa shinggrup nna, Nang galoi du hkra anhte hpe kam shut shangun nga na n ta? “Nang kaja wa Meshia rai n yang gaw, anhte hpe teng ai lam leng leng tsun dan mi,” ngu ma ai.

YAWHAN 15:27

Nanhte mung, shawng nnan kaw nna ngai hte rau nga nga manit dai majaw, nye a lam sakse hkam ya na marin dai, ngu mu ai.

YAWHAN 3:28

‘Ngai gaw Meshia n rai nngai, shi a shawng e shangun dat hkrum ai wa she rai nngai,’ ngu nna ngai tsun ni ai gaw nanhte nan nye a sakse ni rai nga myit dai.

KASA 10:42

Shi nan mung, hkrung ai ni hte si ai ni a tara agyi tai na Karai Kasang e san da ai wa rai nga sai lam Kabu Gara Shiga hpe, mung masha ni hpe hkaw tsun dan na matu shi anhte hpe hkang da mani ai.

KASA 15:22

Dai hpang kasa ni hte salang ni gaw hpung masha yawng hte bawng ban nna shanhte hta na masha nkau mi hpe lata la nhtawm, Pawlu yan Barnaba hte rau Antioki de shangun dat na lam myit hkrum daw dan ma ai. Shanhte gaw kam sham ai ni grai hkungga ai hte kam mai ai Barsaba ngu ai Yuda hte Sila yan hpe lata la nna,

KASA 16:1

Pawlu gaw Derbe hte Lustra mare de du sa wa ai. Lustra mare hta Timohti mying ai Hkristan langai mi nga ai. Kanu gaw kam sham ai Yuda Hkristan num rai nna, Kawa gaw Grik masha rai nga ai.

KASA 16:12

Dai kaw nna bai lai yang Hpilipi mare de du ga ai. Dai mare gaw Makedoni mung a mare daju rai nna Roma amyu masha ni nga mahta ai mare langai mi mung rai nga ai. Dai mare kaw anhte tawng marang mi nga nga ga ai.

KASA 16:9

Dai shana e Pawlu gaw shingran hta, Makedoni masha langai mi sa tsap nga nna, “Makedoni mung de rap sa nna anhte hpe karum la mi,” nga nna shi hpe hpyi ai mu wu ai.

KASA 17:3

Meshia gaw nni nkri hkrum na lam, si ai kaw na bai hkrung rawt wa na lam hpe Chyum Laika hku hkan nna tsun sanglang dan wu ai. Pawlu gaw, “Ngai nanhte hpe tsun dan nga ai Yesu gaw, dai Meshia nan rai nga ai,” nga nna mung tsun jahprang mu ai.

KASA 18:28

Hpa majaw nga yang shi gaw shawa hte ga shaga ai hpawng ni hta Chyum Laika hta na sakse ni madun let, Yesu gaw Meshia rai nga ai lam Yuda masha ni hpe aja awa tsun dangrang kapat kau nga ai.

KASA 2:36

Dai re ai majaw, Israela amyu ting a Meshia hku nna mung, Madu hku nna mung, Karai Kasang e san da ai wa gaw, nanhte wudang hta jen sat kau ai Yesu nan rai nga ai gaw kaja wa chye nga myit ga law!,” ngu nna tsun mu ai.

KASA 20:21

Yuda masha ni hpe mung, maigan masha ni hpe mung, shanhte a yubak mara ni kaw na Karai Kasang hpang de myit malai kayin wa nna, anhte a Madu Yesu hpe kam sham na matu mung, ngai aja awa sadi jaw shadum shahprang ni ai.

KASA 20:23

Chyoi Pra ai Wenyi gaw ngai hpe gyit hkang sharen da ai hte zingri zingrat ai lam ngai hpe ala nga ai, nga nna mare shagu hta tau hkrau sadi jaw ai hpe chyu sha ngai chye nngai.

KASA 20:24

Rai ti mung nye a matu masat da ai amu lit hpe mung Madu Yesu ngai e ap ya da ai magam amu hpe mung, tsep kawp ngut kre hkra gun na lam chyu sha ahkyak madung rai nga ai majaw ngai gaw nye a asak hpe pyi lahpawt nngai n rai. Dai Madu ap ya da ai magam amu ngu ai gaw Karai Kasang a chyeju Kabu Gara Shiga hpe hkaw tsun sakse hkam na lam nan rai nga ai.

KASA 4:20

An chyawm gaw, anhte nan lala mu la na la sai lam ni hpe n tsun ai n nga lu ga ai,” ngu nna shanhte hpe bai htan mu ai.

KASA 9:22

Rai ti mung, Shawlu a hkaw tsun ai lam grau nna n-gun atsam rawng wa ai hte Yesu gaw Meshia rai nga ai lam sakse ni pra pra madun dan ai majaw Damasku e nga ai Yuda ni shi hpe ga bai n htan lu ma ai.

2 KORINHTU 1:19

Hpa majaw nga yang, nanhte hpe ngai hte Sila yan Timohti hkaw dan sai Karai Kasang a kasha Hkristu Yesu gaw, “Re ai hte n re ai,” kayau kaya re ai wa n rai. Kaja wa nga yang shi gaw Karai Kasang a myit ra ai lam hpe, “Re ai,” ngu nna tsun ai Madu rai nga ai.

2 KORINHTU 11:9

Dai hta n ga, ngai gaw nanhte hte rau nga nga ai ten e ja gumhpraw ra wa ai shaloi karum la na matu ngai nanhte hpe n shatsang nngai. Makedoni mung na sa du ai hpu nau ni chyawm gaw ngai ra mara a matu la sa wa ya ma ai. Lai wa sai ten hta mung, nanhte hpe lit n shali nngai zawn, du na ra ai ten hta mung nanhte hpe ngai galoi mung lit n shali na nngai.

2 KORINHTU 5:14

Anhte hpe Hkristu a tsaw ra ai myit e up hkang da mi ai. Hpa majaw nga yang, marai langai mi masha yawng mayawng a matu mara si hkam sai hpe anhte myit mu myit hkut saga ai. Dai rai nna dai gaw shi a si hkam ai hta yawng mayawng si hkam lawm sai ngu ai lachyum rai nga ai.

HPILIPI 1:23

Ngai gaw lam lahkawng a hpatwat e rai nna kade nde nna gang da ai ngai hkrum nga nngai. Ngai gaw ndai ya hkrung nga ai asak hkrung lam hpe tawn kau da nna Hkristu hte rau asak hkrung mayu la nngai; dai gaw nye a matu grau kaja nga ai.

1 HTESALONI 3:2

Hkristu a Kabu Gara Shiga hkaw tsun ai hta anhte rau magam bungli galaw nga ai anhte a hpu nau wa Timohti hpe shangun dat ga ai.

1 HTESALONI 3:6

Ya chyawm gaw, Timohti gaw anhte hpang de bai du wa ra ai rai nna, nanhte hta makam masham hte tsaw ra ai myit law htam wa sai lam kabu gara hkalum la mai ai shiga gun wa ya mi ai. Nanhte gaw anhte hpe tut nawng e atsawm sha myit dum tsaw ra nga myit dai hta n ga, nanhte hpe anhte grai mu hkrum mayu ga ai hte maren, nanhte mung anhte hpe mu hkrum mayu nga myit dai lam anhte hpe wa tsun dan mi ai.

1 PETRU 5:12

Ngai gaw ndai laika kadun ni hpe Sila a karum ai hte ka dat we ai; shi gaw ngai grai kam lu ai kangka ai Hkristan hpu nau wa langai mi rai nga ai ngu nna ngai sawn da ai rai nga ai. Ndai gaw Karai Kasang a teng man ai chyeju rai nga ai lam ngai nanhte hpe n-gun jaw let sakse hkam na matu ndai laika ka dat nngai, Dai hta ngang ngang tsap ngu mu.