KASA 18:23 - Jinghpaw Common Language Bible 2009

²³ Dai kaw tawng marang mi nga nhtawm, shi bai pru nna Galati mung hte Hprugi mung hpe ga lai sa wa let, kam sham ai ni nlang hpe shadaw shangang nga ai.

Jinghpaw Hanson Version Bible

²³ Dai kaw tawng mi nga nhtawm, shi bai pru nna, Galati mung hte Hprugi mung ga sa wa let, sape ni nlang hpe shadaw shangang nga ai.

KASA 18:23 ပူးပေါင်းရင်းမြစ်များ

EZRA 1:6

Shanhte hte ni nawn ai htingbu ni yawng mung Nawku Htingnu a matu, aja gumhpraw hte lang na hkinghku ni, arung arai ni, yam nga u hpung ni, kaga manu dan ai arai ni hte hkungga arai law law shanhte hpe jaw ya let karum ya ma ai.

Daniela 11:1

Shi gaw ngai hpe karum la na hte makawp maga la na lit lu ai wa rai nga ai.

LUKA 1:3

Ngai mung dai lam ni mahkra hpe nnan byin wa ai kaw nna npawt ndung hkren azin ayang san sagawn la ngut ai hpang arawng lu ai Htawhpilu e, na a matu matut manoi hkrak jaw ai hku Madu Yesu galaw ai hte sharin shaga ai lam ni hpe ka da yang mai na re ngu nna myit lu nngai.

LUKA 22:32

Rai ti mung, na a kam sham ai myit n hten lit ga ngu nna, nang Simun a matu ngai akyu hpyi da ni ai. Shing rai nang ngai hpang de bai kayin dum wa yang, na nhpu nnau ni hpe shangang shakang ya lu na rai ndai.”

LUKA 22:43

Dai shaloi, lamu de na lamu kasa langai mi shi kaw dan pru nna, shi hpe sa shalan n-gun jaw ya wu ai.

KASA 14:22

Shan gaw, “Anhte gaw Karai Kasang a mungdan hta shang na matu ru yak jam jau law law hpe hkrum hkra lai di kau ra ga ai,” nga nna kam sham ai sape ni myit shangang ya let dai makam masham hta ngang kang grin nga na matu n-gun jaw shadum jahprang ma ai.

KASA 15:32

Yuda yan Sila gaw myihtoi mung rai nga ma ai majaw, shanhte hte aten galu galang ga shaga nna nden marai hte Wenyi n-gun atsam, lu la shangun mu ai.

KASA 15:41

Shing rai Pawlu gaw, Suri mung Kiliki mung hku ga sa wa nna hpung ni hpe shadaw shangang wu ai.

KASA 16:40

Shaloi Pawlu yan Sila gaw dai htawng na pru wa nna, Ludi a nta de shang wa ma ai. Dai kaw kam sham ai hpu nau ni hte hkrum nna shanhte hpe shalan shabran n-gun jaw ai ga ni tsun da nhtawm pru mat wa ma ai.

KASA 16:6

Ya Asi mung e mungga lam hkaw tsun dan na Chyoi Pra ai Wenyi shanhte hpe ahkang n jaw mu ai majaw shanhte gaw Hprugi hte Galati mung de ga sa wa ma ai.

KASA 19:1

Ya Apolo Korinhtu mare e nga nga yang, Pawlu gaw dai mungdaw a hkin-gau mayan lahta daw kaw nna kata maga hku ga sa wa ai hpang Ehpesu mare de du ai. Dai mare kaw shi sape nkau mi hpe hkrum ai rai nna,

KASA 2:10

Hprugi hte Pamhpuli, Egutu hte Kureni makau na Lebu ginwang hkan e nga ai ni, Roma nna wa nga ai ni ngu ai Yuda masha hte Proselutu ni,

1 KORINHTU 16:1

Yuda mung na Karai Kasang a masha ni hpe karum la na matu alu gumhpraw lahkawn na lam nanhte ka san dat ai hte seng nna, Galati mung na Hpung ni hpe ngai htet da ai hte maren, nanhte galaw mu.

GALATI 1:2

nang e ngai hte rau rai nga ai hpu nau ni yawng hte Galati mung na hpung ni hpang de laika ka nna shakram dat ga ai.

GALATI 1:9

Nanhte hkap la da sai dai Kabu Gara Shiga hte shai ai kaga Kabu Gara Shiga langai mi hpe masha langai ngai nanhte hpe hkaw tsun dan a yang gaw shi dagam dala hkrum u ga, ngu nna shawng e anhte tsun yu saga ai hte maren, ya e ngai bai naw tsun nga nngai.

GALATI 4:14

Nye hkum hkam kaja lam a majaw nanhte a matu dingbai dingna sharu shatsang ai lam byin shangun sai rai ti mung, nanhte ngai hpe n kaw n law n di ai n matsat kau mi ai hta n ga, sumsing lamu de na lamu kasa langai mi hpe zawn, kaja wa Hkristu hpe zawn ngai hpe hkap hkalum la mi ai.

TARA JAHPRANG 3:28

Yawshu mahtang nang mu mada ai mung hpe madu la na matu amyu masha ni hpe woi rap na rai wu ai majaw shi hpe ga matsun ni jaw nna myit n-gun jaw u,’ ngu nna tsun wu ai.

1 HTESALONI 3:2

Hkristu a Kabu Gara Shiga hkaw tsun ai hta anhte rau magam bungli galaw nga ai anhte a hpu nau wa Timohti hpe shangun dat ga ai.

1 HTESALONI 4:18

Dai re ai majaw, ndai ga ni hte shada da shangwi shapyaw n-gun jaw hkat nga mu.

1 HTESALONI 5:14

Bai hpu nau ni e, lagawn ai ni hpe sadi jaw mu, myit kaji ai ni hpe shadaw shalan nga mu, n-gun kya ai ni hpe karum la mu, yawng mayawng a ntsa e hkam sharang nga mu.