KASA 18:18 - Jinghpaw Common Language Bible 2009

¹⁸ Pawlu gaw Korinhtu mare hta nhtoi tsawmra wa na hkra nga nga ai. Dai hpang kam sham ai ni hpe shakram da nna Priskila yan Akula hte rau li jawn let Suri mung de sa wa ma ai. Karai Kasang kaw ga shaka tawn da ai lam nga ai majaw, Kanhkeria mare kaw na hkali hte garai n pru yang shi a baw doi kau wu ai.

Jinghpaw Hanson Version Bible

¹⁸ Dai hpang Pawlu gaw, dai yang nhtoi tsawmra wa na hkra naw nga nga nhtawm, hpunau ni hpe shakram da nna, li jawn let Suri mung de sa wa ai; Priskila yan Akula shan la mung, shi hte rau rai nga ma ai; shawng e ga shaka da ai ga nga lu ai majaw, Kenhkrea mare e baw doi wu ai.

KASA 18:18 ပူးပေါင်းရင်းမြစ်များ

BU HKAWM 6:18

Nazari wa gaw Sum chyinghka lam e shi a baw kara rep shangun nna mahku hkungga nat ai wan hta dai hpe ju kau na rai wu ai.

BU HKAWM 6:2

Numsha rai ti mung, lasha rai ti mung, Nazari tai nna shi hkum nan dai Madu a matu ap nawng ai hte ga shaka tawn da ai wa kadai mung,

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MARKU 6:46

Shawa masha ni hpe shakram dat ngut jang akyu hpyi na matu bum langai mi de shi lung wa sai.

KASA 1:15

Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

KASA 15:23

shan a lata hku laika langai mi ka ya dat mu ai. Dai laika hta: “Nanhte a hpu nau ni rai nga ai anhte kasa ni hte salang ni gaw, Antioki mare hte Suri mung, Kiliki mung hkan e nga ai maigan amyu Hkristan hpu nau ni hpang de ngwi pyaw ai ga shana shakram dat ga ai.

KASA 15:41

Shing rai Pawlu gaw, Suri mung Kiliki mung hku ga sa wa nna hpung ni hpe shadaw shangang wu ai.

KASA 18:2

Dai mare hta Pontu mung e shangai ai Akula mying ai Yuda la langai mi hte hkrum wu ai; Dai wa gaw, Yuda masha nlang Roma mare na pru wa lu na nga nna Hkawseng Klawdi mungga shapraw dat ai majaw, madu jan Priskila hte rau Itali mung na htawt wa ai gade garai n na yang,

KASA 18:26

Shi gaw tara jawng hta nden ja ai myit hte hkaw tsun hpang ai. Ya Priskila yan Akula gaw shi hkaw tsun ai ga na jang, shi hpe nta de saw shaga la nna, Karai Kasang a mungga lam hpe grau nna jaw ai hku tsun sanglang sharin ya wu ai.

KASA 18:27

Bai shi gaw Ahkaia mung de rap sa wa na myit daw dan ai rai nna, Ehpesu mare na kam sham ai ni gaw shi a matu Ahkaia mung na kam sham ni hpang de, Apolo hpe hkap hkalum la na matu shachyen ya ai hte lajin ai laika jaw dat ya mu ai. Ya shi Ahkaia mung de du ai shaloi Karai Kasang a chyeju hte shi gaw kam sham ai ni hpe grai wa shadaw shangang karum mu ai.

KASA 21:23

Dai rai nna anhte tsun ai hte maren hkan galaw u: anhte kaw ga shaka tawn da ai marai mali nga ma ai.

KASA 21:24

Dai ni hpe shaga la nna shanhte hte rau nang hkum jasan jaseng u, shanhte a matu hkrat ang ai baw doi jahpu nang jaw ya u, ndai hku galaw ai rai yang, masha ni na ai na a lam tsun kajai nga ai shiga ni hpa n teng nga ai hte nang nan dai Mawshe a Tara htunghking hkan shatsup ai wa rai nga ai gaw, masha nlang chye na na ra ai.

KASA 21:3

Ya Kupru zunlawng mu mada jang, de a hkra maga hku lai mat wa nhtawm Suri mung de anhte jawn sa wa nna hpaga rai jahkrat na matu Turu mare hta hkring ga ai.

ROMA 16:1

Kenhkrea hpung hta daw jau amu galaw nga ai anhte a kajan kana Hpobe hpe nanhte hpang de tau madi shadaw dat nngai.

1 KORINHTU 9:20

Ngai gaw Yuda amyu masha ni kaw magam gun nga ai shaloi, shanhte hpe woi lum la lu hkra Yuda masha langai mi zawn ngai tai nngai; ngai hkum nan Mawshe a tara npu e n nga ti mung tara npu na ni hpe lum la lu hkra, tara npu na ni kaw magam gun nga ai shaloi, tara npu na wa zawn ngai tai nngai.

GALATI 1:21

Dai hpang e Suri mung hte Kiliki ginwang hkan e ngai sa du nngai.