KASA 18:14 - Jinghpaw Common Language Bible 2009

¹⁴ Shaloi Pawlu ga htan na nga n-gup ap sha naw rai yang, Galio mahtang, “Yuda masha ni e, amu ndai tara tawt lai ai amu, n hkru n hkra re ai amu, rai yang gaw, nanhte mara shagun ai lam hpe myit galu ai hte hkan madat ya na lam nga ai.”

Jinghpaw Hanson Version Bible

¹⁴ Shaloi Pawlu htan na nga, n-gup ap sha naw rai yang, Galio mahtang, “Yuda masha ni e, amu ndai, tara tawt lai ai amu, n hkru n hkra re ai amu rai yang gaw, ngai nanhte a matu sharang ya lu na nngai:

KASA 18:14 ပူးပေါင်းရင်းမြစ်များ

MAHTE 5:2

shi shanhte hpe sharin shaga hpang mu ai gaw:

MARKU 9:19

Dai rai nna Yesu gaw, “Makam masham n rawng ai amyu e! Gade na hkra ngai nanhte hte rau nga nga lu na rai ta? Gade na hkra ngai nanhte hpe hkam sharang nga lu na rai ta? Dai ma hpe ngai hpang de woi sa wa marit,” ngu nna tsun mu ai.

KASA 13:10

“Nat a kasha e! Nang gaw mai kaja ai lam shagu a hpyen wa rai nga ndai. Nang hta myit magaw hkalem hkalau ai lam yawng hpring nga ai rai nna nang gaw galoi mung Madu a teng man ai lam hpe masu ndum shatai kau ai wa rai nga n hka!

KASA 13:18

shaning mali shi ning tup nam mali hkan e shanhte a akyang hpe hkam sharang ya mu ai.

KASA 21:39

Pawlu gaw, “Ngai Kiliki mung na Tarshu mare hta shangai ai, grai ahkyak ai mare kaba na Yuda masha langai mi rai nngai. Chyeju hte ndai masha ni hpe ga shaga na ahkang jaw e,” ngu nna hpyi nem wu ai.

KASA 25:11

Lama wa ngai tara hpe tawt lai nna si ging ai mara lama ma galaw kau ai rai yang ngai hpe shalawt dat na matu ngai hpyi nem na n rai. Rai ti mung, ndai ni ngai hpe shagun ai mara langai mi mung n teng yang gaw, shanhte a lata de ngai hpe kadai wa ap kau lu na n rai. Ngai hpe Hkawhkam Kehta hkum nan jeyang daw dan ya na matu hpyi lajin nngai” ngu nna htan wu ai.

KASA 25:26

Rai ti mung shi hte seng nna Hkawseng hpang de tup hkrak ka shana dat na hpa mung ngai n lu nngai. Dai rai nna ngai shi hpe nanhte a man e mung grau nna Hkawhkam Agripa a man de shaga shashawn ai lam gaw, shi hpe Hkawhkam wa jep san yu ngut jang, ngai ka shana dat na lam lama ma lu u ga matu rai nga ai.

ROMA 13:3

Hpa majaw nga yang, kaja ai amu galaw ai ni gaw up hkang ai du ni hpe hkrit agam nga na lam n nga ai, rai ti mung n hkru ai amu galaw ai ni chyawm gaw hkrit ra na rai myit dai. Nang gaw ahkang aya lu ai ni hpe n hkrit ai sha nga mayu n ni? Mai kaja ai bungli galaw u, shing rai jang, shi nang hpe shakawn kungdawn na rin dai.

2 KORINHTU 11:1

Ngai loi mi angawk ai mara hpe nanhte sharang ya mi ga ngai ra nga nngai. Chyeju hte kaja wa sharang ya mi.

2 KORINHTU 11:4

Hpa majaw nga yang, nanhte hpang de masha langai ngai sa du nna anhte n hkaw dan yu ai kaga Yesu langai mi a lam hkaw dan ai shaloi, nanhte gaw kabu gara hkap la myit dai, bai nanhte gaw anhte kaw na hkap la lu sai wenyi hte kabu gara shiga hte tsep kawp nhtan shai ai wenyi hte kabu gara shiga hpe hkap hkalum la nga manit hka!

HEBRE 5:2

Shi hkum nan pyi lam amyu myu hta gawng kya nga ai rai nna, machye machyang kata ai ni, shut hpyit lam dam ai ni hpe sumnung ai myit madun lu ai wa rai nga ai.