KASA 18:13 - Jinghpaw Common Language Bible 2009

¹³ Shanhte gaw, “Ndai wa jep ai tara hpe nhtan shai ai hku Karai Kasang hpe nawku na matu, masha ni hpe woi gunglau nga ai,” nga nna mara shagun mu ai.

Jinghpaw Hanson Version Bible

¹³ “Ndai wa jep ai tara hte nhtan shai ai hku, Karai Kasang hpe nawku na nga, masha ni hpe woi gunglau nga ai,” ngu nna mara shagun mu ai.

KASA 18:13 ပူးပေါင်းရင်းမြစ်များ

YAWHAN 19:7

Shaloi Yuda masha ni gaw, “Dai wa gaw shi hkum hpe Karai Kasang a Kasha rai nngai nga nna hpyi hpun ai ga tsun ai majaw, si ging ai ngu nna anhte a tara hta tsun da nga ai,” ngu nna shi hpe htan mu ai.

KASA 18:15

Rai ti mung dai amu gaw tsun shaga ai hta lang ai ga hkum ni a lam, mying shingteng ni hte nanhte a tara ni hte seng nna tsun dangrang mara shagun hkat ai amu she rai nga malit dai majaw, nanhte hkrai jeyang daw dan la mu. Dai zawn re ai amu ni a matu ngai tara agyi tai ya nngai n rai!,” ngu nna Yuda masha ni hpe daru kau wu ai.

KASA 18:4

Bansa Nhtoi shagu tara jawng hta Yuda masha ni hpe mung, Grik masha ni hpe mung kam sham wa hkra dai mungga lam ni woi bawng ban tsun sang lang dan nga ai.

KASA 21:28

Shanhte gaw, “Israela masha ni e, karum la marit! Ndai wa gaw shara shagu hkan hkawm nna yawng mayawng hpe anhte Israela amyu hpe mung, Mawshe a Tara hpe mung ndai Nawku Htingnu hpe mung nhtan shai mara shagun ai hku hkaw tsun sharin shaga ai wa rai nga ai law. Dai hta n-ga ya shi gaw tara maigan masha ni hpe Nawku Htingnu kata de shaga shashawn nna ndai Chyoi pra ai shara hpe awu asin di kau nu ai law!” nga nna jahtau ma ai.

KASA 25:8

Rai ti mung Pawlu gaw, “Yuda masha ni a jep ai Tara hpe mung, Nawku Htingnu hpe mung, Hkawhkam Kehta hpe mung, ngai hpa n shut n hpyit yu nngai,” ngu nna shi hkum hpe makawp maga ai ga tsun nga ai.

KASA 6:13

Dai hpang shanhte gaw masu ai sakse ni hpe shaga shawn dat mu ai rai nna shanhte gaw, “Dai wa, ndai Chyoi Pra ai Nawku Htingnu hte Mawshe a Tara hpe jahpoi asawng ai ga atsun nga ai.