KASA 18:12 - Jinghpaw Common Language Bible 2009

¹² Galio gaw Ahkaia mung e munggyi rai nga yang Yuda masha ni masha jahpawng la nhtawm Pawlu hpe rim la nna tara tingnyang a man de woi wa mu ai.

Jinghpaw Hanson Version Bible

¹² Rai timung, Galio gaw Ahkaia mung e munggyi rai nga yang, Yuda masha ni lang lata sha Pawlu hpe gumlau rawt nna, shi hpe tara tingnyang de dun wa nhtawm,

KASA 18:12 ပူးပေါင်းရင်းမြစ်များ

MAHTE 27:19

Ya Pilat gaw tara jeyang ai gawk e naw dung nga yang, shi a madu jan gaw masha langai mi hpe shi kaw shangun dat nna, “Dai ding hpring ai wa hpe hpa mung hkum di u, hpa majaw nga yang, mana na nye a yupmang hta e shi a majaw, ngai nni nkri law law wa hkrum sha ni ai,” ngu nna shiga langai mi htet dat wu ai.

YAWHAN 19:13

Pilat gaw dai ga ni hpe na jang, Yesu hpe woi shapraw nhtawm, Hebre ga hku Gabahta ngu ai nlung nep tawn ai shara na tara tingnyang hta dung nga ai.

KASA 13:12

Munggyi wa dai byin ai lam hpe mu jang Madu a sharin shaga ai lam hpe grai mau ai hte kam sham nga ai.

KASA 13:50

Rai ti mung Yuda masha ni gaw mare na du agyi salang ni hte Karai Kasang hpe nawku kam sham ai lahta tsang maigan amyu num sha ni hpe myit sharawt jashut nhtawm Pawlu Yan Barnaba hpe zingri zingrat di shangun ai hte, shanhte a lamu ga kaw na gawt shapraw kau ma ai.

KASA 13:7

Dai wa gaw Sergiu Pawlu ngu ai myit kunghpan ai munggyi wa a jinghku langai mi rai nga ai. Dai munggyi wa gaw Karai Kasang a mungga madat la mayu nna Barnaba yan Pawlu hpe shi a man de shaga jashawn mu ai.

KASA 13:8

Rai ti mung (Grik ga hku Eluma) mying ai Lakle sara wa gaw munggyi wa Hkristan makam masham hpe n kam n sham n hkap la hkra Pawlu yan Barnaba hpe ninghkap shingdang ma ai.

KASA 14:19

Dai hpang Pesidi mung na Antioki hte Ikoni mare hkan na Yuda masha nkau mi sa du nna shawa hpawng hpe shanhte maga lawm hkra woi awn nhtawm, Pawlu hpe n lung hte kabai nna shi hpe si mat sai zawn nawn ai majaw, mare shinggan de garawt shapraw kau mu ai.

KASA 14:2

Rai ti mung, n kam n sham ai Yuda masha ni gaw maigan masha ni hpe woi kasu kabrawng nna kam sham ai ni hpe n ju n dawng na hku nhtang gumlau mu ai.

KASA 17:13

Rai ti mung Beria mare hta mung kasa Pawlu gaw Karai Kasang a mungga hkaw dan nga ai lam, Htesaloni mare na Yuda masha ni na chye jang, shanhte dai de sa nna, mare masha ni hpe myit sharawt nhtawm kabrawng shangun mu ai.

KASA 17:5

Rai ti mung Yuda masha ni myit manawn ai majaw, mare lam hkan na akyu n rawng pagawn para re ai n hkru n kaja ai masha ni hpe saw la nhtawm shawa hpawng langai mi byin hkra shinggyin la nna mare ting hpe woi kabrawng shangun mu ai. Shanhte gaw Yasun a nta de shang nna Pawlu yan Sila hpe shawa hpawng a man de shapraw na hku tam ma ai.

KASA 18:11

Shing rai dai yang e Karai Kasang a mungga sharin achyin ya let, laning mi shata kru nga nga ai.

KASA 18:27

Bai shi gaw Ahkaia mung de rap sa wa na myit daw dan ai rai nna, Ehpesu mare na kam sham ai ni gaw shi a matu Ahkaia mung na kam sham ni hpang de, Apolo hpe hkap hkalum la na matu shachyen ya ai hte lajin ai laika jaw dat ya mu ai. Ya shi Ahkaia mung de du ai shaloi Karai Kasang a chyeju hte shi gaw kam sham ai ni hpe grai wa shadaw shangang karum mu ai.

KASA 19:21

Ndai lam ni byin ngut ai hpang Pawlu gaw, Makedoni mung hte Ahkaia mung kaw nna Yerusalem mare de sa wa na matu myit daw dan wu ai. Shi gaw, “Dai mare de ngai sa nhtawm, Roma mare de mung ngai du yu na nngai,” nga nna tsun ai.

KASA 25:10

Pawlu gaw, “Ya ngai hkawseng Kehta a tara tingnyang man e nan tsap nga nngai rai nna, ndai kaw e daw dan hkam na hpyi nngai, nang nan atsawm sha chye nga ai hte maren Yuda masha ni hpe ngai hpa mung n shut nngai.

ROMA 15:26

Hpa majaw nga yang, Makedoni hte Ahkaia mung na hpung ni gaw Yerusalem na Karai Kasang a masha ni hta na matsan mayan ni hpe karum madi shadaw alu jaw na lam langai mi galaw na matu daw dan da masai.

ROMA 16:5

Shan a nta e shanu nga ai hpung hpe mung shakram ya mi. Dai hte maren Asi mung e Hkristu a matu shawng kam sham ai wa rai nga ai ngai tsaw ra ai Eponetu hpe shakram ya mi.

1 KORINHTU 16:15

Nanhte gaw Stehpan hte shi a nta masha ni a lam chye nga myit dai; shanhte gaw Ahkaia mung na shawng nnan Hkristan tai wa ai ni rai nga ma ai hte Karai Kasang a masha ni hpe galaw daw na matu, shanhte dai ap nawng da sai ni rai nga ma ai.

2 KORINHTU 1:1

Karai Kasang a myit ra ai hku hte maren, Hkristu Yesu a Kasa wa ngai Pawlu hte anhte a hpu nau Timohti gaw, Korinhtu mare na Karai Kasang a hpung hte Ahkaia mung ting na Karai Kasang a masha ni nlang hte hpe shakram dat ga ai.

2 KORINHTU 11:10

Hkristu a teng man ai ga ngai hta rawng nga ai hte maren, ndai nye a gumrawng ai lam hpe Ahkaia mung shara shagu hta kadai mung jasim shangap kau ya lu na n rai, ngu nna ngai ga sadi jaw nngai.

2 KORINHTU 11:26

Ngai law law lang bu hkawm sa ai hta hka tung wa nna hkrum ai tsin yam, damya hkrum ai tsin yam, nye a Yuda amyu masha ni di ai tsin yam, maigan amyu ni e di ai tsin yam, mare kahtawng hkan hkrum ai tsin yam nam mali hkan hkrum ai tsin yam, nammukdara e hkrum ai tsin-yam, masu ai hpu nau ni e di ai tsin yam ni hpe hkrum katut lai wa ni ai.

2 KORINHTU 9:2

Nanhte karum madi shadaw mayu ai shawang myit rawng nga myit dai hpe ngai chye nngai. Dai rai nna nanhte a lam Makedoni mung masha ni hpe gumrawng dan dat ni ai. “Ahkaia mung na hpu nau ni gaw maning kaw nna pyi karum na matu lajang shajin da nga masai,” ngu nna Makedoni ni hpe ngai tsun mase ai. Nanhte a myit sharawng awng ai a majaw shanhte malawng maga a myit hpe jasu sharawt ya nga ai.

1 HTESALONI 2:14

Hpu nau ni e nanhte hta byin hkrum hkra ai lam ni gaw, Yuda mung na Karai Kasang a Hpung ni rai nga ai Hkristu a masha ni hta mung hkrum hkra nga ma ai. Nanhte gaw tinang a buga masha ni a lata hta zingri zingrat hkrum ai zawn, shanhte mung Yuda masha ni a lata hta hkrum nga ma ai.

1 HTESALONI 2:16

Anhte maigan masha ni hpe shanhte kaning rai hkye hkrang la hkrum lu na lam hkaw tsun ai hpe pyi Yuda masha ni hkum shingdang shakut ma ai. Ndai lai hku nna shanhte shut hpyit nga ai yubak mara ni hpe hkum hkra galaw manu ai. Dai rai nna hpang jahtum e Karai Kasang a pawt sindawng ai gaw shanhte a ntsa de du hkrat wa sai!

YAKU 2:6

Nanhte mahtang matsan mayan wa hpe n gawn n sawn di kau manit hka! Nanhte hpe zingri zingrat di nna tara agyi ni a man de dun ahkyit wa ai ni gaw kadai ni rai ma ta? Dai ni gaw lu su ai ni rai ma ai!