KASA 17:7 - Jinghpaw Common Language Bible 2009

⁷ Shanhte mahkra Yesu ngu ai Hkawhkam kaga langai mi naw nga ai, nga nna tsun ma ai majaw Hkawseng Kehta a tara hte nhtan shai tawt lai ai ni rai nga ma ai,” nga nna jahtau tsun ma ai.

Jinghpaw Hanson Version Bible

⁷ shanhte mahkra, Yesu ngu ai hkawhkam kaga langai mi naw nga ai, nga nna tsun ma ai majaw, Kehta tara hte nhtan shai ai, rai nga ma ai,” nga nna jahtau tsun ma ai,

KASA 17:7 ပူးပေါင်းရင်းမြစ်များ

Daniela 3:12

Babelon mungdaw hpe woi hpareng na matu nang san da ai Shadrak, Meshak hte Abednego ngu ai Yuda masha nkau mi chyawm gaw madu a hkang da ai ga ni hpe n madat nga ma ai. Shanhte gaw na a karai hpe n nawku ai hte nang shadun da ai hkrang sumla hpe n gum dagup nga ma ai,” ngu nna tsun ma ai.

Daniela 6:13

Dai hpang shanhte gaw hkawhkam wa hpe, “Yuda mung na bawng dung masha langai rai nga ai Daniela gaw madu hkawhkam hpe hkrit hkungga ai n rai; nang hkang da ai ga hpe madat ai n rai. Shi gaw lani mi hta masum lang man man akyu hpyi nga wu ai,” ngu nna tsun ma ai.

LUKA 10:38

Ya, Yesu hte shi a sape ni sa wa nga ma yang, kahtawng langai mi de du nna, Marhta ngu ai numsha langai mi, shi a nta hta shi hpe hkap hkalum la wu ai.

LUKA 23:2

Shanhte gaw, “Ndai wa gaw, anhte a amyu hpe lam woi shadam ai hte, hkawseng kaw hkanse bang na lam hkum da nna, shi hkum dai hkawhkam rai nngai, nga nna tsun nga ai hpe anhte mu ga ai,” ngu nna shi hpe mara shagun mu ai.

YAWHAN 19:12

Dai ga na jang Pilat gaw Yesu hpe shalawt kau dat na lam tam nga ai. Rai ti mung shawa masha ni gaw, “Nang dai wa hpe shalawt dat sayang gaw, nang Hkawseng wa a jinghku n rai nit dai! Kadai rai ti mung tinang hkum hpe hkawhkam rai nngai nga ai wa gaw hkawseng wa hpe gumlau ai wa rai nga ai,” nga nna jahtau ma ai.

KASA 16:21

Shan gaw anhte a tara hte nhtan shai ai htung hking ni hpe sharin ya nga ma ai. Anhte gaw Roma mungchying sha ni rai nga ai majaw dai htung hking ni hpe n hkap la n hkan sa lu ga ai,” ngu nna tsun mu ai.

KASA 17:5

Rai ti mung Yuda masha ni myit manawn ai majaw, mare lam hkan na akyu n rawng pagawn para re ai n hkru n kaja ai masha ni hpe saw la nhtawm shawa hpawng langai mi byin hkra shinggyin la nna mare ting hpe woi kabrawng shangun mu ai. Shanhte gaw Yasun a nta de shang nna Pawlu yan Sila hpe shawa hpawng a man de shapraw na hku tam ma ai.

KASA 17:8

Dai ga na jang shawa masha ni hte mare du agyi ni garu kachyi nga ma ai.

YAKU 2:25

Shawa num Rahab a lam mung dai hte maren rai nga ai. Shi gaw Israela kin-yu ni hpe hkap hkalum la nna kaga lam hku lawt pru mat wa na matu karum la ai magam bungli a majaw Karai Kasang a man e ding hpring sharawng awng ai hpe hkam la lu nu ai.

1 PETRU 2:15

Hpa majaw nga yang, nanhte galaw ai mai kaja ai amu ni a marang e machye machyang n rawng ai angawk angak nga nna shaga ai masha ni a ga hpe nanhte shazim kau mu ga, Karai Kasang ra sharawng nga ai.