KASA 17:5 - Jinghpaw Common Language Bible 2009

⁵ Rai ti mung Yuda masha ni myit manawn ai majaw, mare lam hkan na akyu n rawng pagawn para re ai n hkru n kaja ai masha ni hpe saw la nhtawm shawa hpawng langai mi byin hkra shinggyin la nna mare ting hpe woi kabrawng shangun mu ai. Shanhte gaw Yasun a nta de shang nna Pawlu yan Sila hpe shawa hpawng a man de shapraw na hku tam ma ai.

Jinghpaw Hanson Version Bible

⁵ Yuda masha ni chyawm gaw myit manawn nna, pagawn para re ai masha ni hta na n hkru ai masha nkau mi hpe saw la nhtawm, masha jahpawng tawn nna, mare ting hpe kabrawng shangun mu ai; shing rai, Yasun a nta hpe adip nna, shawa masha ni hpang de shan hpe shapraw ya na hku, tam ma ai,

KASA 17:5 ပူးပေါင်းရင်းမြစ်များ

SHAKAWN KUNGDAWN 35:15

Rai ti mung, ngai ru yak tsin-yam hkrum nga ai shaloi, shanhte yawng kabu gara nga ma ai; ngai hpe jawm shinggrup da nna asawng asang di mi ai. Tsasam masha ni ngai hpe gayat ai hte ngai hpe n sim n sa kahpret nga ma ai.

SHAKAWN KUNGDAWN 69:12

Mare lam ni hta, shanhte nye a lam hpe hkan shatan nga ma ai; chyaru nang ai ni mung, laka ga ni hte nye a lam hpe asawng nga ma ai.

GA SHAGAWP 14:30

Ngwi pyaw sim sa ai myit masin gaw hkum hkrang hpe hkam kaja shangun nga ai; manawn masham ai myit chyawm gaw nrut nra hpe shatsam kau ya ai mawng ana zawn rai nga ai.

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

MAHTE 27:18

Yuda agyi salang ni manawn masham n ju n dawng ai majaw, shanhte Yesu hpe ap kau mu ai hpe Pilat atsawm sha chye ya mu ai.

KASA 13:45

Yuda masha ni chyawm gaw, dai shawa hpawng hpe mu jang, manawn ai myit hte hpring chyat nga ma ai rai nna, Pawlu tsun ai lam hpe ndang hkat ai hte aroi ara ngu da mu ai.

KASA 14:19

Dai hpang Pesidi mung na Antioki hte Ikoni mare hkan na Yuda masha nkau mi sa du nna shawa hpawng hpe shanhte maga lawm hkra woi awn nhtawm, Pawlu hpe n lung hte kabai nna shi hpe si mat sai zawn nawn ai majaw, mare shinggan de garawt shapraw kau mu ai.

KASA 14:2

Rai ti mung, n kam n sham ai Yuda masha ni gaw maigan masha ni hpe woi kasu kabrawng nna kam sham ai ni hpe n ju n dawng na hku nhtang gumlau mu ai.

KASA 17:13

Rai ti mung Beria mare hta mung kasa Pawlu gaw Karai Kasang a mungga hkaw dan nga ai lam, Htesaloni mare na Yuda masha ni na chye jang, shanhte dai de sa nna, mare masha ni hpe myit sharawt nhtawm kabrawng shangun mu ai.

KASA 17:6

Rai ti mung shan hpe n mu jang, shanhte gaw Yasun hte kam sham ai hpu nau ni nkau mi hpe mare du agyi hpang de dun garawt sa nna, “Ndai ni gaw mungkan ting hpe gale galau di hkawm ai ni rai ma ai! Ya anhte a mare de du mara ai rai nna Yasun gaw shi a nta hta shan hpe hkap la mu ai.

KASA 17:7

Shanhte mahkra Yesu ngu ai Hkawhkam kaga langai mi naw nga ai, nga nna tsun ma ai majaw Hkawseng Kehta a tara hte nhtan shai tawt lai ai ni rai nga ma ai,” nga nna jahtau tsun ma ai.

KASA 17:9

Tara agyi ni gaw Yasun hte kaga manang ni hpe pahkam gumhpraw jaw shangun nhtawm pru wa na ahkang jaw mu ai.

KASA 18:12

Galio gaw Ahkaia mung e munggyi rai nga yang Yuda masha ni masha jahpawng la nhtawm Pawlu hpe rim la nna tara tingnyang a man de woi wa mu ai.

KASA 19:40

Hpa majaw nga yang, dai ni kabring kabrawng re ai lam gaw anhte a majaw byin ai re ngu nna mara shagun na tsang shara nga ai. Ndai zawn kabring kabrawng rai na lam hpa n nga ai. Kabring kabrawng byin shangun ai lam a npawt hte seng nna ngang kang ai mara hpa n madun lu na ga ai,” ngu tsun mu ai.

KASA 7:9

“Yaku a kasha ni gaw shanhte a kanau Yosep hpe manawn nna, Egutu mung de mayam hku dut kau dat mu ai. Rai ti mung Karai Kasang gaw shi hte rau rai nga ai rai nna,

ROMA 16:21

Nye a shingdep shingtau rai nga ai Timohti hte nye a bawsang, Yuda masha ni rai nga ai, Luki, Yasun hte Sosipata hte gaw nanhte hpe shakram dat ma ai.

1 KORINHTU 3:3

Dai majaw nanhte gaw shinggyim ta re ai hku naw nga nga myit dai. Nanhte hta manawn masham ai hte ga li ga law rai nga myit dai majaw, dai gaw nanhte ndai mungkan hte seng ai hku asak hkrung nga ai ni re ngu ai hpe sakse madun nga ai n rai ni?

2 KORINHTU 11:26

Ngai law law lang bu hkawm sa ai hta hka tung wa nna hkrum ai tsin yam, damya hkrum ai tsin yam, nye a Yuda amyu masha ni di ai tsin yam, maigan amyu ni e di ai tsin yam, mare kahtawng hkan hkrum ai tsin yam nam mali hkan hkrum ai tsin yam, nammukdara e hkrum ai tsin-yam, masu ai hpu nau ni e di ai tsin yam ni hpe hkrum katut lai wa ni ai.

GALATI 5:21

n su n nawn ai, chyaru nang ai lam, sawse lawklek ai hte dai hte bung ai lam ni rai nga ma ai; shing rai galaw ai ni gaw Karai Kasang a Mungdan a sali wunli hkam la na n rai, shawng e tsun dan sai hte maren, ya mung nanhte hpe tsun madun nga nngai.

GALATI 5:26

Anhte gaw kaman lila grang gumrawng nna shada da jahte tam ai hte shada manawn masham hkum rai nga ga.

1 HTESALONI 1:6

Nanhte gaw anhte a kasi ningli hte Madu a kasi ningli hpe len la hkan sa nga myit dai. Nanhte gaw nni nkri ru yak jam jau law law hkrum hkra myit ti mung, dai Kabu Gara Shiga hpe Chyoi Pra ai Wenyi kaw na lu la ai kabu gara sharawng awng ai myit hte hkap la myit dai.

YAKU 4:5

“Anhte hta Karai Kasang bang da ya ai wenyi gaw hkrithpa laja lana re ai ra marin ai myit hte hpring chyat nga ai,” nga nna dai Chyum Laika tsun ai ga hta teng man ai lam n rawng ai ngu nna nanhte myit nga myit ni?

TARA AGYI 9:4

Shanhte gaw shi hpe Bala Ga Shaka htingnu kaw na gumhpraw sanit shi shaw ya dat ma ai rai nna gumhpraw dai hte shi matut mahkai na masha gumbyak hpung mi hpe saw la wu ai.