KASA 17:4 - Jinghpaw Common Language Bible 2009

⁴ Shanhte hta na nkau mi gaw kam sham nna, Pawlu yan Sila hte kanawn nga ma ai. Dai ni hta Karai Kasang hpe kam sham nawku ai Grik masha law law hte arawng lu ai num ni ram ram wa lawm nga ma ai.

Jinghpaw Hanson Version Bible

⁴ Shanhte hta na nkau mi gaw kamsham nna, Pawlu yan Sila hte kanawn nga ma ai; dai ni hta, tara hkungga ai Heleni masha law law wa hte, arawng lu ai num ni ram ram mung, lawm ma ai.

KASA 17:4 ပူးပေါင်းရင်းမြစ်များ

GA SHAGAWP 13:20

Hpaji rawng ai wa hte kanawn nga u, shaloi, nang hpaji rawng wa na ra ai; angawk ai masha ni hte nang jinghku galaw ai rai yang, hten byak ai nang hkrum na ra ai.

GA SHAGAWP 9:6

Myit n su ai masha u hpung ni hpe kau da nna, asak hkrung nga mu; hpaji machye machyang lam hta hkan hkawm nga mu,” nga nna jahtau tsun wu ai.

Shawlumon A Mahkawn Ga 6:1

Numsha ni hta grau tsawm htum ai jan e, na a tsaw ra wa kade sa mat wa sata? Nang hpe anhte tam karum ya lu u ga, na a tsaw ra wa gara lam hku pru mat wa ai gaw, anhte hpe tsun dan mi.

ZEHKARIA 2:11

Dai aten e, masha amyu baw law law ni dai Madu hpang de sa wa nna, shi a amyu masha ni tai wa na mara ai. Shi gaw nanhte a ka-ang hta shanu nga nna, nanhte hpang de ngai hpe shi shangun dat ai hpe nanhte chye lu na marin dai.

YAWHAN 7:35

Ahkang aya lu ai Yuda masha ni gaw, “Anhte n mu hkra ndai wa gaw gade sa wa na ra ai i? Yuda masha ni nga bra hkawm nga ai Grik mare ni de sa nna Grik masha ni hpe hkaw tsun sharin shaga na ra ai kun?

KASA 13:43

Ya tara jawng na shawa masha ni zuphpawng bra mat wa ai hpang Yuda masha ni law law Proselutu ni ngu ai Yuda nawku hkan ai maigan masha ni law law wa Pawlu yan Barnaba kaw hkan nang ma ai. Kasa ni mung dai masha ni hpe Karai Kasang a chyeju hta asak hkrung grin nga na matu n-gun jaw shadum jahprang mu ai.

KASA 13:50

Rai ti mung Yuda masha ni gaw mare na du agyi salang ni hte Karai Kasang hpe nawku kam sham ai lahta tsang maigan amyu num sha ni hpe myit sharawt jashut nhtawm Pawlu Yan Barnaba hpe zingri zingrat di shangun ai hte, shanhte a lamu ga kaw na gawt shapraw kau ma ai.

KASA 14:1

Dai hte maren Ikoni mare kaw mung Pawlu yan Barnaba gaw tara jawng hta shang nna, Yuda masha ni hte maigan masha ni wunawng kaba kam sham mat hkra hkaw tsun dan ma ai.

KASA 14:4

Mare masha ni chyawm gaw myit bra wa ma ai rai nna, nkau mi Yuda ni hpang de, nkau mi kasa ni hpang de, rai mat ma ai.

KASA 15:22

Dai hpang kasa ni hte salang ni gaw hpung masha yawng hte bawng ban nna shanhte hta na masha nkau mi hpe lata la nhtawm, Pawlu yan Barnaba hte rau Antioki de shangun dat na lam myit hkrum daw dan ma ai. Shanhte gaw kam sham ai ni grai hkungga ai hte kam mai ai Barsaba ngu ai Yuda hte Sila yan hpe lata la nna,

KASA 15:27

Dai re ai majaw anhte gaw, Yuda yan Sila hpe nanhte hpang de shangun dat ga ai rai nna, shan a n-gup hte nan laika hta rawng ai lam hte maren tsun dan na mara ai.

KASA 15:32

Yuda yan Sila gaw myihtoi mung rai nga ma ai majaw, shanhte hte aten galu galang ga shaga nna nden marai hte Wenyi n-gun atsam, lu la shangun mu ai.

KASA 15:40

Pawlu chyawm gaw Sila hpe lata la nna, hpu nau ni mung shi hpe Madu a chyeju hta rai nga u ga ap ya dat ngut jang, pru sa wa ma ai.

KASA 16:3

Pawlu gaw dai wa hpe shi hte rau hkan nang shangun mayu ai majaw shi hpe Yuda htung rai nga ai matu gadoi ai lam galaw ya wu ai. Shing rai galaw ai gaw, dai shara hkan nga nga ai Yuda masha ni yawng Timohti a kawa gaw Grik masha re ai lam chye ma ai majaw rai nga ai.

KASA 17:10

Shana ahkying du ai shaloi jang, kam sham ai hpu nau ni gaw Pawlu yan Sila hpe Beria mare de shangun kau dat mu ai. Dai de du yang, shan gaw Yuda Tara jawng hta shang bang wa ma ai.

KASA 17:12

Shanhte hta na law law wa kam sham shajang ma ai, mung shawa a man e arawng lu ai Grik num ni la ni law law mung kam sham ma ai.

KASA 17:14

Shaloi jang Hkristan hpu nau ni gaw Pawlu hpe hka kau de sa kau dat mu ai, Sila yan Timohti chyawm gaw naw hti nga ma ai.

KASA 17:17

Dai re ai majaw shi gaw tara jawng hta Yuda masha ni, Karai Kasang hpe nawku kam sham ai maigan masha ni hte mung shani shagu gat hkan e lai sa lai wa masha ni hte mung dai mungga lam tsun bawng ai lam ni galaw nga ai.

KASA 17:34

Nkau mi chyawm gaw shi hpe kanawn nna kam sham mat ma ai. Dai ni hta tara Kongsi hpawng lawm ai Dionusi ngu ai wa bai Damari mying ai num langai mi, hte kaga masha ni mung lawm nga ma ai.

KASA 18:4

Bansa Nhtoi shagu tara jawng hta Yuda masha ni hpe mung, Grik masha ni hpe mung kam sham wa hkra dai mungga lam ni woi bawng ban tsun sang lang dan nga ai.

KASA 19:10

Shing rai ni ning tup tsun bawng sharin shaga nga ai rai nna, Asi mung ting hta nga ai Yuda masha ni hte Grik amyu masha ni nlang Madu a mungga na la lu ma ai.

KASA 2:44

Kam sham ai ni nlang hte gaw shara mi hta sha rau hpawng nga nna, arai yawng mayawng hpe jawm lang ma ai.

KASA 21:28

Shanhte gaw, “Israela masha ni e, karum la marit! Ndai wa gaw shara shagu hkan hkawm nna yawng mayawng hpe anhte Israela amyu hpe mung, Mawshe a Tara hpe mung ndai Nawku Htingnu hpe mung nhtan shai mara shagun ai hku hkaw tsun sharin shaga ai wa rai nga ai law. Dai hta n-ga ya shi gaw tara maigan masha ni hpe Nawku Htingnu kata de shaga shashawn nna ndai Chyoi pra ai shara hpe awu asin di kau nu ai law!” nga nna jahtau ma ai.

KASA 28:24

Masha nkau mi gaw Pawlu a hkaw tsun ai ga a majaw kam sham wa ma ai, nkau mi chyawm gaw n kam n sham ma ai.

KASA 4:23

Petru yan Yawhan gaw raw dat hkrum ai hte rau tinang a hpung manang ni hpang de wa nna hkinjawng agyi ni hte salang ni kaning rai nna tsun ahkrim ai ga mahkra tsun dan mu ai.

2 KORINHTU 8:5

Shanhte gaw anhte myit mada ai hta grau lai hkra jaw ya ma ai. Shanhte gaw shawng nnan tinang a hkum nan hpe dai Madu hta sak nawng ma ai. Dai hpang Madu a myit ra ai lam hte maren, karum shingtau ai lam hta ap nawng ya mi ai.