KASA 17:34 - Jinghpaw Common Language Bible 2009

³⁴ Nkau mi chyawm gaw shi hpe kanawn nna kam sham mat ma ai. Dai ni hta tara Kongsi hpawng lawm ai Dionusi ngu ai wa bai Damari mying ai num langai mi, hte kaga masha ni mung lawm nga ma ai.

Jinghpaw Hanson Version Bible

³⁴ Rai timung, masha nkau mi shi hte kanawn nna kamsham mat ma ai: dai ni hta na Aripagu kawng agyi Dionusi hte Damari mying ai num langai mi mung. dai hta kaga masha ni mung, lawm ma ai.

KASA 17:34 ပူးပေါင်းရင်းမြစ်များ

MAHTE 20:16

Dai hpang Yesu gaw, “Dai rai nna, hpang hkrat ai ni shawng na mara ai; shawng ai ni mahtang hpang hkrat na mara ai,” ngu nna tsun hpungdim wu ai.

KASA 13:48

Maigan amyu ni dai na jang, shanhte kabu gara nga ma ai hte, Madu a mungga hpe shagrau sha-a ma ai, nhtum nwai asak lu la na san da ai ni nlang mung kam sham mat ma ai.

KASA 17:19

Shing rai shanhte gaw Pawlu hpe Aripagu ngu ai mare kongsi de woi sa nhtawm, “Nang tsun nga ai masa lam ningnan a lam anhte chye mayu ga ai.

KASA 17:22

Dai rai nna Pawlu gaw mare Kongsi rung ndaw e rawt tsap let, “Ahten mare masha ni e, nanhte gaw lam shagu hta hpara ni hpe ja ja hkrit hkungga nga myit dai gaw ngai mu nngai.

KASA 17:33

Dai rai nna Pawlu gaw dai zuphpawng kaw na pru mat wa ai.

KASA 17:4

Shanhte hta na nkau mi gaw kam sham nna, Pawlu yan Sila hte kanawn nga ma ai. Dai ni hta Karai Kasang hpe kam sham nawku ai Grik masha law law hte arawng lu ai num ni ram ram wa lawm nga ma ai.

HPILIPI 4:22

Nang e nga nga ai Karai Kasang a masha ni nlang hte gaw, nanhte hpe shakram dat ma ai; Kehta Hkawhkam a htingnu na ni gaw grau nna alak mi shakram dat ma ai.