KASA 17:32 - Jinghpaw Common Language Bible 2009

³² Si ai kaw na bai hkrung rawt wa ai nga ai lam, Pawlu tsun ai hpe shanhte na jang shanhte hta na nkau mi gaw jahpoi asawng ma ai. Rai ti mung nkau mi gaw, “Ndai lam hte seng nna nang tsun ai hpe anhte kalang mi naw na mayu ga ai,” ngu nna tsun ma ai.

Jinghpaw Hanson Version Bible

³² Si sai ni bai hkrung rawt ai nga ai lam na jang, nkau mi gaw jahpoi asawng ma ai: nkau mi chyawm gaw, “Ndai lam, na a ga anhte lang mi naw madat yu na ga ai,” nga nna tsun ma ai.

KASA 17:32 ပူးပေါင်းရင်းမြစ်များ

NINGPAWT NINGHPANG 19:14

Dai hpang Lawt gaw shi a shayi sha ni hpe la na hkyen ai kahkri ni hpang de sa nhtawm, “Alawan rawt manu, ndai shara kaw nna pru mat wa manu; dai Madu gaw ndai shara hpe jahten kau na nu ai,” ngu nna tsun dan wu ai. Rai ti mung, shi shatu nga ai ngu nna shanhte myit nawn ya mu ai.

2 HKAWHKAM LABAU 36:16

Rai ti mung shanhte gaw Karai Kasang a kasa ni hpe asawng asang di nhtawm Karai Kasang a mungga hpe n kaw n law di nna shi a myihtoi ni hpe mani asawng kau mu ai majaw hpang jahtum dai Madu gaw shi a amyu masha ni hpe lawt lam htum mat hkra masin kahtet bu nga ai.

LUKA 14:18

Rai ti mung dai ni yawng gaw, langai a hpang langai ahkang hpyi ma ai. Shawng na wa gaw, ‘Ngai hkauna langai mi mari tawn se ai rai nna, dai sa yu ra nngai majaw, ngai hpe ahkang naw jaw na matu hpyi nem nngai,’ ngu nna shangun ma hpe hkap tsun wu ai.

LUKA 22:63

Yesu hpe jum sin nga ai ni mung, shi hpe asawng asang di nna anu kayat mu ai.

LUKA 23:11

Herod hte shi a hpyen ma ni Yesu hpe n kaw n law aroi arip jahpoi asawng di nna reng ai hpun palawng jahpun nhtawm, Pilat hpang de bai nhtang sa shangun dat mu ai.

LUKA 23:36

Hpyen la ni mung sit sa nna, ntsin hkri ladawn jaw nhtawm,

KASA 13:41

Myihtoi ga hta, ‘Yu mu, ngai tsun ai lam hpe jahpoi asawng ai ni e, mau nna si mu! Dai ni ngai galaw nga ai lam hpe marai langai ngai nanhte hpe hkai dan ti mung, nanhte n kam na marin dai!,’” nga nna hkaw tsun nga ai.

KASA 17:18

Epikuri lam hte Sto-i lam hkan ai hpaji sara ni nkau mi shi hte dangrang hkat ma ai. Nkau mi gaw, “Ndai chye shakawng ai du ladi masha wa hpa tsun shakut nga ai kun?,” nga nna san ma ai. Nkau mi gaw, “Maigan masha ni a hpara ni a lam tsun dan ai wa rai sam ai,” nga nna mung htan shajang ma ai, shanhte shing nga tsun ai gaw, Kasa Pawlu gaw Yesu Hkristu hte si ai kaw na bai hkrung rawt wa ai lam hkaw tsun nga ai majaw rai nga ai.

KASA 17:31

Hpa majaw nga yang Madu lata san da sai wa a lata hte mungkan ga hpe tara malang ai hku daw dan na ninghtoi gaw shi tawn da nu ai rai nga ai. Dai wa hpe si ai kaw na shi hkrung sharawt la ai hte dai lata san da ai lam masha yawng hpe kam ram ai sakse madun dan nu ai,” ngu nna tsun wu ai.

KASA 17:33

Dai rai nna Pawlu gaw dai zuphpawng kaw na pru mat wa ai.

KASA 2:13

Rai ti mung nkau mi gaw, “Shanhte sabyi nang nga ma ai,” nga nna tsun jahpoi ma ai.

KASA 24:25

Rai ti mung Pawlu gaw ding hpring ai lam, tinang hkum hkang ai lam hte du magang ra ai tara daw dan ai nhtoi a lam hkaw tsun dan ai shaloi Hpilik hkrit kajawng nna, “Ya nang naw wa su, ngai rau jang she ngai nang hpe bai shaga na de ai,” ngu wu ai.

KASA 25:19

Shanhte tsun ai lam yawng gaw, shanhte a nawku htung lam hte si mat sai Yesu ngu ai masha langai mi a lam sha shi hte tsun dangrang hkat ma ai. Dai Yesu gaw si mat sai rai tim naw hkrung nga ai, nga nna Pawlu atsun nga ai.

KASA 26:8

Ya nang e nga nga ai nanhte Yuda masha ni Karai Kasang gaw si ai ni hpe jahkrung sharawt la ai ngu ai hpe hpa majaw n mai kam ai ngu nga myit ta?

1 KORINHTU 1:23

Anhte chyawm gaw, wudang hta jen da hkrum ai Hkristu a lam hkaw dan ga ai, dai hkaw dan ai mungga gaw Yuda ni a matu grai n rawn hpa hte myit kataw shara, maigan masha ni a man e lachyum n pru ai angawk angak re ai lam rai nga ai.

1 KORINHTU 15:12

Ya, Hkristu gaw si mat ai ni kaw na bai hkrung rawt wa sai lam hpe anhte hkaw tsun dan nga yang, si mat wa ai ni a bai hkrung rawt wa ai lam n nga ai, nga nna nanhte hta na nkau mi kaning rai tsun lu nga myit ta?

1 KORINHTU 4:10

Hpa majaw nga yang, anhte gaw Hkristu a majaw mana angawk ni rai nga ga ai, nanhte mahtang Hkristu hte langai sha rai nga ai hpaji rawng ai ni rai nga myit dai! Anhte gaw n-gun n ja ga ai, nanhte mahtang n-gun ja myit dai; anhte arawng hpoi saga ai, nanhte mahtang hpung rawng ai ni rai nga myit dai.

2 KORINHTU 6:2

Madat mu, Karai Kasang gaw, “Ngai nanhte hpe chyeju jaw na aten du ai shaloi, nanhte a hpyi nem ai ga hpe ngai madat ya made ai; ngai nanhte hpe hkye hkrang la na ninghtoi du ai shaloi, nanhte hpe ngai karum made ai,” nga nna shi tsun nga ai. Karai Kasang a chyeju hkam la na ya e pyi mai ang ai aten rai nga ai; yu mu, ya e pyi hkye hkrang la ai nhtoi rai nga ai.

HEBRE 11:36

Nkau mi gaw asawng asang anu kayat di nna gyit hkang sharen ai hte htawng hta bang da ai hkrum ma ai.

HEBRE 13:13

Dai re ai majaw, anhte gaw dap shinggan de shi kaw pru sa nna shi hkam ai kaya kahpa aroi arip lam hpe jawm hkam la ga.