KASA 17:3 - Jinghpaw Common Language Bible 2009

³ Meshia gaw nni nkri hkrum na lam, si ai kaw na bai hkrung rawt wa na lam hpe Chyum Laika hku hkan nna tsun sanglang dan wu ai. Pawlu gaw, “Ngai nanhte hpe tsun dan nga ai Yesu gaw, dai Meshia nan rai nga ai,” nga nna mung tsun jahprang mu ai.

Jinghpaw Hanson Version Bible

³ Hkristu gaw nni nkri hkrum lu na hte, si ai kaw na bai hkrung rawt wa na gaw, shi a lam rai nga ai, nga nna mung, Ngai nanhte hpe tsun dan ai Yesu gaw, dai Hkristu nan rai nga ai, nga nna mung, shanhte hpe jahprang mu ai.

KASA 17:3 ပူးပေါင်းရင်းမြစ်များ

LUKA 24:32

Shan gaw, “Hkrun lam e, Madu an hte ga shaga nna Chyum Laika ni a ga lachyum tsun hpaw dan ai shaloi, an a myit masin kata hta wan hkru nga ai zawn kadau kadap nga mali ai, n rai ni?,” nga nna shada da tsun ma ai.

LUKA 24:44

Shaloi Yesu gaw, “Mawshe a Tara hta mung, myihtoi ni a laika ni hta mung, nye a lam hte seng nna ka da nga ai lam ni yawng mayawng, dik wa lu na ra ai, ngu nna nanhte hte rau nga nga yang, ngai nanhte hpe tsun ni ai,” ngu nna shanhte hpe tsun mu ai.

LUKA 24:46

Madu gaw, “Chyum Laika hta Meshia gaw nni nkri hkam nna masum ya du ai nhtoi e, si ai kaw na bai hkrung rawt wa na ra ai.

YAWHAN 20:9

(Madu gaw si ai kaw na bai hkrung rawt wa na ra ai, nga nna rawng ai Chyum Laika hpe shan garai n chye na ma ai.)

KASA 1:4

Shing rai shanhte sa du nna hpawng nga ma yang, Yesu gaw, “Yerusalem mare kaw na hkum pru mat wa myit, nanhte hpe ngai tsun da sai nye Wa jaw da sai ga ndat hte seng ai chyeju kumhpa hpe ala nga mu.

KASA 18:28

Hpa majaw nga yang shi gaw shawa hte ga shaga ai hpawng ni hta Chyum Laika hta na sakse ni madun let, Yesu gaw Meshia rai nga ai lam Yuda masha ni hpe aja awa tsun dangrang kapat kau nga ai.

KASA 18:5

Ya Sila yan Timohti Makedoni mung nna hkan dep du wa ma yang Pawlu gaw mungga hkaw tsun ai amu hkrai san aten jaw nna, Yesu gaw Meshia nan rai nga ai lam Yuda masha ni hpe sakse hkam dan nga ai.

KASA 3:18

Karai Kasang gaw shi a Meshia nni nkri hkrum na ra ai lam, moi shawng shawng kaw nna myihtoi ni yawng a n-gup hte tau tsun tawn nu ai rai nna, dai lam ni ndai hku nna dik wa shangun nu ai.

KASA 9:22

Rai ti mung, Shawlu a hkaw tsun ai lam grau nna n-gun atsam rawng wa ai hte Yesu gaw Meshia rai nga ai lam sakse ni pra pra madun dan ai majaw Damasku e nga ai Yuda ni shi hpe ga bai n htan lu ma ai.

GALATI 3:1

Angawk angak re ai Galati masha ni e, wudang hta e Yesu Hkristu si hkam ai lam hpe nanhte a myiman e pra pra mu lu hkra, ngai tsun sanglang dan sai mi, nanhte hpe kade e hkalem la kau myit ta?