KASA 17:29 - Jinghpaw Common Language Bible 2009

²⁹ Anhte gaw Karai Kasang a kashu kasha ni rai nga ga ai hte maren Karai Kasang gaw masha maka hpaji lata atsam hte tawk galaw da ai ja, gumhpraw nlung sumla hte bung ai ngu nna n mai myit la ga ai.

Jinghpaw Hanson Version Bible

²⁹ Shing rai, anhte Karai Kasang a amyu matu ni rai nga ga ai majaw, Karai Kasang ngu ai hpe, masha a hpaji lata hte tawk ka ai aja, gumhpraw, nlung sumla hte bung ai, ngu nna n mai myit la ga ai.

KASA 17:29 ပူးပေါင်းရင်းမြစ်များ

ESAIA 40:25

Chyoi pra ai Karai Kasang hpe kadai hte shadawn lu a ta? Shi hte bung ai wa mi nga nga a ni?

PRU MAT 20:4

“Sumsing lamu hta mung, ginding aga ntsa e mung, ga a npu na hka hta rawng ai arai hte bung ai sumla ni mung, nang na a matu hkum galaw et.

SHAKAWN KUNGDAWN 106:20

Shanhte gaw Karai Kasang a hpung shingkang hpe tsingdu sha ai dusat a sumla hte galai kau mu ai.

PRU MAT 32:4

Shi gaw dai ni hpe la nna shabyawng nhtawm ja ni hpe ndi langai mi hta ru bang nna ja hte galaw ai dumsu usu kasha langai jaw ya wu ai. Dai amyu masha ni mung, “Israela amyu e, ndai gaw Egutu mung kaw na anhte hpe woi shapraw wa ai anhte a hpara rai nga ai!,” ngu nna tsun wu ai.

2 HKAWHKAM 19:18

shanhte a karai ni hpe nat kau ya mu ai. Dai ni gaw shinggyim masha a lata hte tawk sama da ai hpun hte nlung hte galaw da ai hpara sumla ni chyu sha rai nga ai; dai ni gaw karai ni n rai ma ai.

KASA 19:26

Rai ti mung ya ndai Pawlu ngu ai wa gaw Ehpesu mare e sha n rai sa, ganoi Asi mung ting ngu na wa masha lata hte galaw ai karai ni gaw Karai Kasang n re nga nna masha law law hpe gunglau ai hte myit shayit kau ya manu ai gaw, nanhte nan mu lu na lu nga myit dai.