KASA 17:25 - Jinghpaw Common Language Bible 2009

²⁵ Shi nan yawng mayawng hpe hkrung ai asak nsoi nsa hte arai hkum sumhpa jaw ya ai wa rai nga ai majaw, lama ma ra ai wa zawn masha lata hte daw jau ra ai n rai.

Jinghpaw Hanson Version Bible

²⁵ shi nan, yawng mayawng hpe hkrung ai asak, nsoi nsa hte arai hkum sumhpa jaw ya ai wa rai nga ai majaw, lama ma ra ai wa zawn masha lata hte daw jau ra ai n rai.

KASA 17:25 ပူးပေါင်းရင်းမြစ်များ

NINGPAWT NINGHPANG 2:7

Dai hpang dai Madu Karai Kasang gaw aga kaw nna ga loi mi hpe la nhtawm dai hte shinggyim hkrang shachyaw wu ai; shi a ladi hta hkrung ai nsoi nsa hpe shi kawut bang ya wu ai hte dai shinggyim masha gaw hkrung hpang wa nga ai.

YOBA 12:10

Karai Kasang gaw hkrung mahkrung ni a asak hkrun lam hpe lam madun nga ai; masha shagu a asak mung shi a lata hta rai nga ai.

YOBA 27:3

Karai Kasang ngai hpe nsoi nsa jaw ya nga dingsa,

YOBA 33:4

Karai Kasang a wenyi gaw ngai hpe hpan da nna asak jaw ya nga sai.

YOBA 34:14

Karai Kasang gaw nsoi nsa dawm la kau ya ai rai yang,

SHAKAWN KUNGDAWN 16:2

“Nang gaw nye a Madu rai nga ndai; mai kaja ai arai yawng mayawng gaw nang kaw na hkrai rai nga ai,” ngu nna Madu hpe ngai tsun nga nngai.

ESAIA 42:5

Karai Kasang gaw sumsing lamu ni hpe hpan da nna dai ni hpe kahpyan da nga ai; shi gaw ginding aga hte dai hta nga ai yawng mayawng hpe sumli da nu ai; shi gaw asak jaw ya nna dai hta nga ai amyu masha ni yawng hpe nsoi nsa bang ya nga ai. Ya chyawm gaw Madu Karai Kasang gaw shi a shangun ma hpe,

ESAIA 57:16

Ngai gaw nye a amyu masha ni hpe asak jaw da ni ai, ngai gaw shanhte hpe matut nna mara shagun na n rai, shanhte hpe htani htana pawt sindawng na n rai.

YEREMIA 38:16

Hkawhkam Zedekia gaw ngai hpe, “Anhte hpe asak jaw ya ai Karai Kasang, dai ahkrung nga ai Karai Kasang hta ngai dagam nngai. Ngai gaw nang hpe sat kau na n rai; nang hpe sat kau na matu tam nga ai masha ni a lata de mung ap ya na n rai,” ngu nna mayun ga sadi jaw da wu ai.

ZEHKARIA 12:1

Ndai gaw sumsing lamu ni hpe kahpyan nna ginding aga hpe hpan da let, masha hpe sak jaw ya nga ai dai Madu kaw na Israela hte seng ai mungga rai nga ai.

BU HKAWM 16:22

Rai ti mung Mawshe yan Arun gaw ga de dingnyawm dagup let, “O Karai Kasang e, nang gaw asak yawng a hka hpawk rai nga ndai; marai langai shut ai a majaw shawa hpung ting hpe masin pawt nga n ni?,” ngu nna tsun ma ai.

BU HKAWM 27:16

Madu Karai Kasang e, ndai amyu masha ni hpe woi awn lu nna

MAHTE 5:45

Shing rai yang gaw, sumsing lamu e nga ai nanhte a Kawa a kasha ni nanhte tai na marin dai; hpa majaw nga yang, shi gaw n kaja ai ni hte kaja ai masha ni a ntsa e maren sha shi a jan hpe shi mai ya nga ai rai nna, kaja ai galaw ai ni hte n kaja ai galaw ai ni a ntsa e marang jahtu ya mu ai.

MAHTE 9:13

Dai rai nna, ‘Dusat hkungga jaw ai lam n rai, matsan dum ai lam sha ngai tsaw nga nngai,’ nga ai chyum ga a lachyum hpe chye lu myit ga, sa hkan tam sharin la mu; hpa majaw nga yang, ding hpring ai ni hpe shaga na matu n rai, yubak kap ai ni hpe shaga na matu she ngai sa du ring ngai,” ngu mu ai.

KASA 14:17

Rai ti mung, shi gaw shi nga nga ai lam sakse hte hkrak galoi mung a madun nga ai, Dai sakse ni gaw mai kaja ai amu ngu ai, Sumsing lamu na marang jahtu ya nna du hkra ladaw du ai shaloi nsi naisi ngai shangun ai hte nanhte hpe lusha hte jahkru shakat nna nanhte a myit masin hpe kabu gara ai hte jahpring ya nga ai,” ngu nna jahtau tsun mu ai.

KASA 17:28

Hpa majaw nga yang, ‘Shi a jaw e anhte hkrung nga nna, shamu shamawt ai hte nga pra ga ai,’ nga nna masha langai mi tsun yu sai. Dai hte maren, nanhte hta na ningtam laka mi pyi, ‘Anhte mung shi a kashu kasha ni rai nga ga ai,’ nga nna tsun ma ai.

ROMA 11:35

Madu kaw nna chyeju bai htang ai hkrum u ga, kadai wa shi hpe hpa baw shawng sak jaw yu sata?,” nga nna rawng nga ai.

TARA JAHPRANG 30:20

Dai Madu nanhte a Karai Kasang hpe tsaw ra mu; shi a ga madat mara let shi hta sadi dung nga mu. Nanhte a nji nwa Abraham, Isak hte Yaku hte hpe shi jaw ai ga sadi mungdan hta nanhte hte nanhte a amyu matu mara ni anga nga lu na marin dai,” ngu nna tsun wu ai.

1 TIMOHTI 6:17

Ndai dinghta asak hkrung nga ai prat a sut gan ngamu ngamai ai lam ni hta gumrawng gumtawng n rai mu ga hte n grin ai ngamu ngamai ai lam ni hta shanhte a myit mada kam hpa shara n shatai ai sha anhte kabu gara hkam la na matu arai yawng mayawng hpe n daw n hta jaw ya ai Karai Kasang hta myit mada ala nga na matu hkang da u.