KASA 17:21 - Jinghpaw Common Language Bible 2009

²¹ (Hpa majaw nga yang, ya Ahten mare masha nlang hte hte dai yang na shingbyi manam ni gaw laklai ai prat dep byin nga ai amu ningnan ni a lam tsun hkai chyai ai hte madat la let, shanhte a aten nhtoi hpe jai lang ai hta ra sharawng nga ma ai.)

Jinghpaw Hanson Version Bible

²¹ (Ya Ahten masha nlang hte hte dai yang na shingbyi manam ni gaw, amu ningnan lama ma a lam, hkai chyai ai hte madat mara let, nhtoi shalai nna nga nga ma ai.)

KASA 17:21 ပူးပေါင်းရင်းမြစ်များ

KASA 17:15

Kasa Pawlu hpe hkan sa ai masha ni gaw Ahten mare du hkra hkan sa kau da nna Sila yan Timohti hpe alawan hkan nang na lam htet dat ai ga gun let, Beria mare de bai wa ma ai.

KASA 17:16

Ya Pawlu Ahten mare hta Sila yan Timohti hpe la let hkring nga yang, dai mare ting hpara sumla hkrai hpring chyat rai nga ai hpe mu nna, shi a myit n ngwi n pyaw rai kahtet bu nga lu ai.

KASA 17:20

Nang tsun ai lam nkau mi gaw anhte a matu laklai nga ai rai nna dai lam hpa nga mayu ai gaw, anhte chye mayu ga ai,” ngu nna tsun mu ai.

KASA 2:10

Hprugi hte Pamhpuli, Egutu hte Kureni makau na Lebu ginwang hkan e nga ai ni, Roma nna wa nga ai ni ngu ai Yuda masha hte Proselutu ni,

EHPESU 5:16

Ya na nhtoi ladaw ni gaw n shawp nga ai majaw, nanhte lu ai ahkaw ahkang shagu hpe atsawm sha akyu rawng hkra jai lang mu.

KOLOSE 4:5

Nanhte lu ai ahkaw ahkang shagu hpe ga n hkrat hkra atsawm sha jai lang let garai n kam n sham ai ni a man e hpaji byeng-ya hte hkawm nga mu.

1 TIMOHTI 5:13

Dai hta kaga shanhte gaw nta langai mi kaw nna langai mi hta shang chyai hkawm nna aten hpe kaman shama kau ai lam galaw chye wa ma ai. Dai hta grau n kaja ai lam gaw, shanhte n tsun ang ai lam ni hpe hkan tsun nna shatan n lem hkawm ai hte tinang hte n seng ai lam ni hta ginchya lawm chye ma ai.