KASA 17:20 - Jinghpaw Common Language Bible 2009

²⁰ Nang tsun ai lam nkau mi gaw anhte a matu laklai nga ai rai nna dai lam hpa nga mayu ai gaw, anhte chye mayu ga ai,” ngu nna tsun mu ai.

Jinghpaw Hanson Version Bible

²⁰ Mau na zawn nga ai lam nkau mi, nang anhte hpe tsun dan ndai rai nna, dai lam hpa nga mayu ai gaw, anhte chye mayu ga ai,” ngu nna tsun mu ai.

KASA 17:20 ပူးပေါင်းရင်းမြစ်များ

HOSEA 8:12

Ngai gaw amyu masha ni a matu hti n dang hkra sharin achyin ga ni hpe ka da ti mung, dai ni hpe tinang hte n seng ai zawn ningdang kau ma ai.

MARKU 9:10

Shi hkang da ai hpe shanhte madat ma ai, rai ti mung, “Dai si ai kaw na bai rawt wa na nga ai gaw, hpa nga ai rai lu hka?,” nga nna shanhte shada da tsun bawng hkat nga ma ai.

YAWHAN 6:60

Dai re ai majaw shi a sape ni law law wa dai ga na jang, “Ndai sharin shaga ai ga gaw yak la nga ai rai nna, kadai wa dai hpe madat lu na i?,” nga ma ai.

KASA 10:17

Ya Petru gaw, dai shingran a lachyum a lam naw myit sumru yu nga yang, Korneli shangun dat ai ni gaw Simun a nta hkan tam san nna mu chye manu ai rai nna, ya nta ndaw e sa tsap nga ma ai.

KASA 17:19

Shing rai shanhte gaw Pawlu hpe Aripagu ngu ai mare kongsi de woi sa nhtawm, “Nang tsun nga ai masa lam ningnan a lam anhte chye mayu ga ai.

KASA 17:21

(Hpa majaw nga yang, ya Ahten mare masha nlang hte hte dai yang na shingbyi manam ni gaw laklai ai prat dep byin nga ai amu ningnan ni a lam tsun hkai chyai ai hte madat la let, shanhte a aten nhtoi hpe jai lang ai hta ra sharawng nga ma ai.)

KASA 2:12

Shanhte gaw mau mahka ung ang let, “Ndai zawn byin ai lam gaw hpa baw lachyum wa rai nga a ta?,” nga nna shada san hkat nga ma ai.

1 KORINHTU 1:18

Hpa majaw nga yang, Hkristu a wudang ntsa e si hkam ai lam ngu ai dai wudang a mung sumtu ga lachyum gaw, asak wenyi sum mat hkrum ai ni a matu, lachyum n pru ai angawk angak ga rai nga ai, rai ti mung, hkye hkrang la hkrum ai anhte a matu gaw, Karai Kasang a atsam rai nga ai.

1 KORINHTU 1:23

Anhte chyawm gaw, wudang hta jen da hkrum ai Hkristu a lam hkaw dan ga ai, dai hkaw dan ai mungga gaw Yuda ni a matu grai n rawn hpa hte myit kataw shara, maigan masha ni a man e lachyum n pru ai angawk angak re ai lam rai nga ai.

1 KORINHTU 2:14

Dai Wenyi hpe n hkap la ai, mi na ta naw re ai shinggyim masha kadai mung, Karai Kasang a Wenyi e jaw ai chyeju kumhpaw kumhpa ni hpe n hkam la lu nga ai. Dai ni gaw shi a matu angawk angak lam rai nga ai rai nna, Wenyi myit e sha dai lam ni a manu hpe daw dan ya lu nga ai majaw, shi gaw dai hte hpe chye na lu ai n rai.

HEBRE 5:11

Ndai lam hte seng nna anhte tsun shara law law lu ga ai, rai ti mung nanhte gaw alawan n chye na hkraw ai ni rai myit dai majaw, nanhte hpe sanglang dan na yak la nga ai.

1 PETRU 4:4

Ya chyawm gaw shanhte hte maren zai ai hte kam mara re ai asak hkrung lam hta nanhte n shang lawm mat manit dai majaw, maigan masha ni mau mat nna nanhte hpe roi asawng ai ga tsun shaga wa ma ai.