KASA 17:17 - Jinghpaw Common Language Bible 2009

¹⁷ Dai re ai majaw shi gaw tara jawng hta Yuda masha ni, Karai Kasang hpe nawku kam sham ai maigan masha ni hte mung shani shagu gat hkan e lai sa lai wa masha ni hte mung dai mungga lam tsun bawng ai lam ni galaw nga ai.

Jinghpaw Hanson Version Bible

¹⁷ Dai re ai majaw shi gaw, tara jawng hkan e Yuda masha ni hte tara hkungga ai ni hte mung, shani shagu gat hkan e hkrum mahkrum ni hte mung, tsun dan hkat nga ai.

KASA 17:17 ပူးပေါင်းရင်းမြစ်များ

GA SHAGAWP 8:34

Nye a ga madat mara ai hte nye a chyinghka e shani shagu nga nga nna; nye a nta nhku de shang wa ai chyinghka lam hta ala nga ai wa gaw a nga ai.

YEREMIA 6:11

Madu e, shanhte hpe hkru shangun ai na a myit kahtet ai gaw ngai hta mung hkru nga ai; ngai gaw dai hpe loi mi mung n sharang lu nga nngai,” ngu nna htan ni ai. Dai hpang, dai Madu gaw ngai hpe, “Nmaw lam ntsa hkan e nga ai ma kaji ni a ntsa e mung, zup hpawng nga ai shabrang ni a ntsa de mung, nye a myit kahtet ai hpe ru dat u. Madu wa ni hte madu jan ni gaw woi la hkrum nna aprat kaba u-gut gu sai ni pyi ngam tawn da hkrum na mara ai n rai.

MARKU 16:15

Bai shi shanhte hpe, “Nanhte mungkan ting chyam hkra hkawm sa nna shinggyim masha amyu baw shagu hpe, dai Kabu Gara Shiga hkaw dan mu.

LUKA 12:3

Dai re ai majaw, nsin e nanhte tsun matsun hpe, nhtoi e masha ni na shajang na mara ai; kata gawk e kahte tsun hkat ai ga hpa rai tim, nta numgaw ntsa nna marawn jahtau tsun na ma ra ai.

KASA 10:2

Shi gaw tara hkungga ai wa rai nna shi hte shi a nta dinghku masha ni yawng Karai Kasang hpe hkrit hkungga nawku daw jau ma ai. Shi gaw matsan mayan re ai Yuda masha ni hpe mung alu law law jaw ai hte karum madi shadaw let Karai Kasang kaw tut tut akyu hpyi nga ai.

KASA 13:16

Shaloi Pawlu rawt nna lata dingsi let, “Israela amyu sha ni hte nang e Karai Kasang hpe nawku daw jau nga ai tara maigan ni yawng hte e madat la mu!

KASA 13:43

Ya tara jawng na shawa masha ni zuphpawng bra mat wa ai hpang Yuda masha ni law law Proselutu ni ngu ai Yuda nawku hkan ai maigan masha ni law law wa Pawlu yan Barnaba kaw hkan nang ma ai. Kasa ni mung dai masha ni hpe Karai Kasang a chyeju hta asak hkrung grin nga na matu n-gun jaw shadum jahprang mu ai.

KASA 13:50

Rai ti mung Yuda masha ni gaw mare na du agyi salang ni hte Karai Kasang hpe nawku kam sham ai lahta tsang maigan amyu num sha ni hpe myit sharawt jashut nhtawm Pawlu Yan Barnaba hpe zingri zingrat di shangun ai hte, shanhte a lamu ga kaw na gawt shapraw kau ma ai.

KASA 8:2

Tara hkungga ai masha nkau mi Stehpan a moi mang hpe makoi mayang nna, shi a majaw hkrap ngu hkrap ngoi kaba hte yawn hkyen ma ai.

KASA 9:20

Shi gaw tara jawng ni de alawan sa du nna Yesu gaw Karai Kasang a Kasha rai nga ai lam hkaw dan nga ai.

2 TIMOHTI 3:2

Masha ni gaw tinang a akyu tam ai, nam mak lawhpa, shakawng shakat ai, myit tsaw myit dap gumrawng ai ni rai na mara ai. Shanhte gaw roi asawng ga tsun ai ni, kanu kawa ni hpe gumlang ai ni, chyeju n chye dum ai ni, nawku makam masham kata ai ni rai na mara ai.

2 TIMOHTI 3:5

Shanhte gaw anhte a nawku makam masham htung lai ntsa lam hkrang masa hpe hkan sa ma ai rai ti mung de a hpung shingkang atsam majing hpe gaw nyet kau ai ni rai ma ai. Shing re ai masha ni hpe mung koi kau u.