KASA 17:12 - Jinghpaw Common Language Bible 2009

¹² Shanhte hta na law law wa kam sham shajang ma ai, mung shawa a man e arawng lu ai Grik num ni la ni law law mung kam sham ma ai.

Jinghpaw Hanson Version Bible

¹² Dai rai nna, shanhte hta na law law wa kamsham shajang ma ai; arawng lu ai Heleni numsha, lasha ram ram mung, lawm ma ai.

KASA 17:12 ပူးပေါင်းရင်းမြစ်များ

MARKU 15:43

Ya dai Laban Nhtoi a shawng shani ngu ai, shachyip da ai nhtoi rai nga ai majaw, Yosep gaw Pilat a man de gwi gwi shang nna Yesu a hkum tsawp moi mang hpe hpyi wu ai.

YAWHAN 7:17

Dai Madu a myit ra ai lam hkan galaw mayu ai wa kadai mung, ngai sharin shaga ai ga gaw Karai Kasang kaw na re ai, shing n rai nye a myit hte sha tsun ai rai kun?, chye ginhka lu na wu ai.

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.

KASA 13:50

Rai ti mung Yuda masha ni gaw mare na du agyi salang ni hte Karai Kasang hpe nawku kam sham ai lahta tsang maigan amyu num sha ni hpe myit sharawt jashut nhtawm Pawlu Yan Barnaba hpe zingri zingrat di shangun ai hte, shanhte a lamu ga kaw na gawt shapraw kau ma ai.

KASA 14:1

Dai hte maren Ikoni mare kaw mung Pawlu yan Barnaba gaw tara jawng hta shang nna, Yuda masha ni hte maigan masha ni wunawng kaba kam sham mat hkra hkaw tsun dan ma ai.

KASA 2:47

Shanhte gaw Karai Kasang hpe shakawn kungdawn let kabu gara ai hte masha yawng a man e myi man pa nna sharawng awng ai lam hkam la nga ma ai. Karai Kasang mung shani shagu hkye hkrang la hkrum ai ni hpe jat wa shangun ya mu ai.

1 KORINHTU 1:26

Ya hpu nau ni e, nanhte hpe Karai Kasang e shaga la ai shaloi na lam hpe myit dum aru yu mu; shinggyim myi jut maga hku yu ga nga yang, hpaji byeng-ya rawng ai ni, ahkang aya lu ai ni, du amyu hta na law law wa nanhte hta lawm nga myit dai n rai.

EHPESU 5:14

Hpa majaw nga yang, asan sha shadan shadawng da ai arai ni gaw nhtoi tai nga ai. Dai majaw, “Yup pyaw ai wa e rawt u, si ai kaw na bai rawt wa nu; Hkristu gaw nang hpe jahtoi jaw na ra ai,” nga nna tsun ai.

YAKU 1:10

Lu su ai Hkristan hpu nau wa gaw, Karai Kasang e shi hpe shagrit kau hkrum ai shaloi mung kabu gara nga ra ai. Hpa majaw nga yang lu su ai ni gaw nam na nampu nampan zawn wai mat na mara ai.

YAKU 1:21

Dai re ai majaw matsat shabat re ai sat lawat shagu hte n hkru n kaja ai arawn alai yawng hte hpe yeng seng kau mu. Karai Kasang kaw sumnung ai hte shawng kaw nna nanhte a kraw lawang ni hta e shi hkai da ya sai nanhte hpe hkye hkrang la lu ai mungga hpe hkap la mu.