KASA 17:10 - Jinghpaw Common Language Bible 2009

¹⁰ Shana ahkying du ai shaloi jang, kam sham ai hpu nau ni gaw Pawlu yan Sila hpe Beria mare de shangun kau dat mu ai. Dai de du yang, shan gaw Yuda Tara jawng hta shang bang wa ma ai.

Jinghpaw Hanson Version Bible

¹⁰ Hpunau ni chyawm gaw dai shana jang, Pawlu yan Sila hpe Beria mare de shangun dat mu ai; dai de du yang, shan gaw Yuda ni a tara jawng hta shang bang wa ma ai.

KASA 17:10 ပူးပေါင်းရင်းမြစ်များ

KASA 1:15

Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

KASA 15:22

Dai hpang kasa ni hte salang ni gaw hpung masha yawng hte bawng ban nna shanhte hta na masha nkau mi hpe lata la nhtawm, Pawlu yan Barnaba hte rau Antioki de shangun dat na lam myit hkrum daw dan ma ai. Shanhte gaw kam sham ai ni grai hkungga ai hte kam mai ai Barsaba ngu ai Yuda hte Sila yan hpe lata la nna,

KASA 17:1

Dai hpang Pawlu yan Sila gaw Amhpipoli hte Apoloni mare ni hpe lai ga sa wa yang, Htesaloni mare de du ma ai, dai yang e Yuda masha ni a tara jawng langai mi nga ai.

KASA 17:2

Pawlu gaw shi galaw ga nga ai lai hte maren, dai tara jawng hta shang nna Bansa Nhtoi masum tup dai kaw na masha ni hte bawng ban ai lam ni woi galaw nga ai.

KASA 17:4

Shanhte hta na nkau mi gaw kam sham nna, Pawlu yan Sila hte kanawn nga ma ai. Dai ni hta Karai Kasang hpe kam sham nawku ai Grik masha law law hte arawng lu ai num ni ram ram wa lawm nga ma ai.

KASA 17:6

Rai ti mung shan hpe n mu jang, shanhte gaw Yasun hte kam sham ai hpu nau ni nkau mi hpe mare du agyi hpang de dun garawt sa nna, “Ndai ni gaw mungkan ting hpe gale galau di hkawm ai ni rai ma ai! Ya anhte a mare de du mara ai rai nna Yasun gaw shi a nta hta shan hpe hkap la mu ai.

KASA 20:4

Shaloi shi kaw hkan nang ai ni gaw, Beri mare na Puru a kasha Sopata; Htesaloni mare na Aristarku, Sekuntu, Derbe mare na Geu, Asi mung na Tuhkiku yan Trohpimu hte Timohti hte rai ma ai.

KASA 9:20

Shi gaw tara jawng ni de alawan sa du nna Yesu gaw Karai Kasang a Kasha rai nga ai lam hkaw dan nga ai.

KASA 9:25

Shawlu a sape ni chyawm gaw shi hpe woi la nna ka hta bang nhtawm mare bunghku hta hpaw mahka nga ai hku langai mi kaw nna ga de shaya jahkrat dat mu ai.

1 HTESALONI 2:2

Anhte gaw nanhte nga ai Htesaloni mare de garai n sa yang, Hpilipi mare e anhte hpe gara hku zingri zingrat ai hte asawng asang di ai hkrum sha saga ai hpe nanhte chye nga myit dai. Shing rai nhtan shai ninghkap ai lam law law nga ti mung, nanhte hpe Karai Kasang kaw na Kabu Gara Shiga tsun dan lu na matu anhte a Karai Kasang gaw anhte hpe nden marai jaw da mani ai.

1 SAMUELA 20:42

Yonahtan gaw Dawi hpe, “Karai Kasang nang hte rau a nga nga u ga law. Dai Madu gaw nang hte ngai hpe mung na a amyu matu ni hte nye a amyu matu ni hpe mung, an shada a lapran e tawn da sai chyoi pra ai ga sadi hpe htani htana agrin nga shangun nhtawm teng teng shadik shatup shangun nga sanu ga law,” ngu nna tsun wu ai. Dai hpang Dawi pru mat wa nhtawm Yonahtan mung mare de wa mat wa wu ai.