KASA 16:9 - Jinghpaw Common Language Bible 2009

⁹ Dai shana e Pawlu gaw shingran hta, Makedoni masha langai mi sa tsap nga nna, “Makedoni mung de rap sa nna anhte hpe karum la mi,” nga nna shi hpe hpyi ai mu wu ai.

Jinghpaw Hanson Version Bible

⁹ Dai yang, shana e Pawlu gaw shingran hta, Makedoni masha langai mi sa tsap nna, “Makedoni mung de rap sa nna, anhte hpe karum la mi,” nga nna shi hpe hpyi ai mu wu ai.

KASA 16:9 ပူးပေါင်းရင်းမြစ်များ

KASA 10:3

Lani mi na shana de daw hkying masum daram e, Lamu kasa langai mi shi kaw du sa wa nna, “Korneli e!” nga nna shi hpe shaga ai hpe shingran langai mi hta leng leng mu wu ai.

KASA 10:30

Korneli gaw, “Lai wa sai masum ya ngu na nhtoi hta, nye a nta e shana de daw hkying masum daram hta ngai akyu hpyi nga nngai. Dai shaloi akajawng sha tu kabrim ai hpun palawng bu hpun ai wa langai mi nye a man e tsap pru nna,

KASA 16:10

Pawlu dai shingran mu ai shaloi jang, Makedoni mung de rap sa wa na matu anhte hkyen lajang shajin ga ai, hpa majaw nga yang, Makedoni mung masha ni hpe dai Kabu Gara Shiga hkaw tsun dan na matu Karai Kasang anhte hpe shaga ai rai sai, ngu nna kam sham ai myit hte daw dan ai majaw rai nga ai.

KASA 16:12

Dai kaw nna bai lai yang Hpilipi mare de du ga ai. Dai mare gaw Makedoni mung a mare daju rai nna Roma amyu masha ni nga mahta ai mare langai mi mung rai nga ai. Dai mare kaw anhte tawng marang mi nga nga ga ai.

KASA 18:5

Ya Sila yan Timohti Makedoni mung nna hkan dep du wa ma yang Pawlu gaw mungga hkaw tsun ai amu hkrai san aten jaw nna, Yesu gaw Meshia nan rai nga ai lam Yuda masha ni hpe sakse hkam dan nga ai.

KASA 19:21

Ndai lam ni byin ngut ai hpang Pawlu gaw, Makedoni mung hte Ahkaia mung kaw nna Yerusalem mare de sa wa na matu myit daw dan wu ai. Shi gaw, “Dai mare de ngai sa nhtawm, Roma mare de mung ngai du yu na nngai,” nga nna tsun ai.

KASA 19:22

Dai rai nna shi gaw shi a nrum ntau tai ai Timohti yan Erastu hpe, Makedoni mung de shawng shangun dat ai laman shi hkum nan gaw Asi mung e tawng marang mi naw hkring nga ai.

KASA 19:29

Dai marawn garu kasu kabrawng re ai lam mare ting chyam bra wa ai hte shawa masha ni mung Pawlu a manang Makedoni masha Geu yan Aristarku hpe rim dun la nna mare ting a shawa poi wang nta de htim bang wa ma ai.

KASA 20:1

Ya dai kabring kabrawng lam sim mat ai hpang Pawlu gaw kam sham ai sape ni hpe shaga la nna, shanhte hpe n-gun jaw ai ga ni tsun ngut jang shakram da nhtawm Makedoni mung de sa wa na pru wa ai.

KASA 20:3

Dai kaw shi shata masum nga nga ai. Dai hpang Suri mung de li hte bai wa na hkyen shajin nga yang, Yuda masha ni shi hpe gyam nga ma ai hpe mu chye kau wu ai majaw Makedoni mung hku ga lai nna nhtang wa na myit daw dan wu ai.

KASA 27:2

Shaloi anhte gaw Asi mung a Nammukdara hkin-gau hkan na mare ni de pru sa wa hkyen nga ai Adramuti mare nna du sa ai sanghpaw li hta shang jawn nna rawt sa mat wa ga ai. Dai sanghpaw hta Htesaloni mare na Makedoni mung masha Aristarku mung anhte hte rau lawm nga ai.

KASA 9:38

Yopa mare gaw Luda mare hte nau wa n tsan nga ai rai nna, Petru dai yang e nga nga ai lam kam sham ai ni na ma yang shanhte masha marai lahkawng hpe, “Anhte hpang de alawan sa wa rit,” ngu nna Petru hpe sa tsun na matu dat dat mu ai.

ROMA 15:26

Hpa majaw nga yang, Makedoni hte Ahkaia mung na hpung ni gaw Yerusalem na Karai Kasang a masha ni hta na matsan mayan ni hpe karum madi shadaw alu jaw na lam langai mi galaw na matu daw dan da masai.

2 KORINHTU 11:9

Dai hta n ga, ngai gaw nanhte hte rau nga nga ai ten e ja gumhpraw ra wa ai shaloi karum la na matu ngai nanhte hpe n shatsang nngai. Makedoni mung na sa du ai hpu nau ni chyawm gaw ngai ra mara a matu la sa wa ya ma ai. Lai wa sai ten hta mung, nanhte hpe lit n shali nngai zawn, du na ra ai ten hta mung nanhte hpe ngai galoi mung lit n shali na nngai.

2 KORINHTU 12:7

Ngai mu lu ai jahtum chyalai mau hpa shingran a majaw ngai hta myit kaba gumrawng ai lam n nga u ga, nye a hkum shan hta ju machyi ai lam langai mi hkam sha nga nngai. Dai machyi ai lam gaw Satan wa e shangun dat ai kasa wa zawn ngai hpe abyen nna nye a gumrawng ai kawng hpe daw kau ya nga ai.

2 KORINHTU 7:5

Makedoni mung de anhte du sa ai shaloi pyi gaw anhte hta sim sa ai lam n lu la ga ai. Shara shagu hta ru yak tsin-yam tsindam ni, kaga masha ni hte ga li ga law ai lam ni nga nga ai. Anhte a myit kata hta mung hkrit tsang ai lam ni amyu myu hkrum ga ai.

2 KORINHTU 8:1

Tsaw ra ai hpu nau ni e, Makedoni mung na hpung ni hpe Karai Kasang gaw hpa baw chyeju jaw sai ngu ai lam nanhte hpe anhte chye shangun mayu ga ai.

2 KORINHTU 9:2

Nanhte karum madi shadaw mayu ai shawang myit rawng nga myit dai hpe ngai chye nngai. Dai rai nna nanhte a lam Makedoni mung masha ni hpe gumrawng dan dat ni ai. “Ahkaia mung na hpu nau ni gaw maning kaw nna pyi karum na matu lajang shajin da nga masai,” ngu nna Makedoni ni hpe ngai tsun mase ai. Nanhte a myit sharawng awng ai a majaw shanhte malawng maga a myit hpe jasu sharawt ya nga ai.

TARA JAHPRANG 30:13

Shing n rai, dai gaw nammukdara wora hkran maga de nga nga ai dai hpe anhte na mai nna, madat la lu hkra, kadai wa nammukdara hpe rap di na rai ta?,’ nga nna nanhte san mai nga myit dai n rai.

1 HTESALONI 4:10

Kaja wa nga yang, nanhte gaw Makedoni mung ting na Hkristan hpu nau ni yawng hpe dai hku tsaw ra ai lam hkan sa nga manit dai. Dai re ai majaw, hpu nau ni e, nanhte a tsaw ra myit grau kaba wa na matu nanhte hpe anhte hpyi nem nga ai.